YUNIRÜBO RHIMO 21:11 - AMÜSÜH HÜM CL Bible (BSI)

¹¹ Apinü isa kilim arübah Paul chimrümbe lu tüsho ajing le akhahbo rhükbah tha, “Amüsüh Menü ha thachoh: Ha chimrümbe atungrü Jihudarünü Jirusalem ching hanangde arhükbah, tüsho arünü api khiungkerü kilim jihbah.”

YUNIRÜBO RHIMO 21:11 Iomraidhean Croise

1 KIULONG THSÜRÜ 22:11

Kenaana tsührü Zedekianü anihbuh thsungkheak yinchi shihjuhbo thsü tüsho apinü tha, “Atungpuhnü ha thachoh: Siriarü müdükheakyi khiungde nünü harünü akhubah.”

ISAIA 20:2

ju kim ching Atungpuhnü Amoz tsührü Isaia ki asukde tha, “ Yüang, tüsho nü chim kheaknü shungliukhimbo trünang tüsho nü jing chingnü jingkhümpü yihkhitang,” tüsho apinü ju ruk bünkeang tsahde tüsho jing keangkeangnü yüla arüla de tsah.

JEREMIA 19:1

Atungpuhnü tha: Yüang tüsho phühdamrü yo alopung khülang thuloang. Nü lung azothsürü mihtsürü tüsho azorü amükeamrü khürü beang,

HOSEA 12:10

Inü wukihrübo ki asuk; inü michihbo hihde kamshih, tüsho wukihrübo hode inü athsümünim hande arübah.

JOHAN 18:1

Küyimki Jisunü harü yubo thakhea, apinü ajingyanrübo bebah chamachih tüsho Kidron ayung hode yü. Ju dangpung ching shahwün khülang lakheah tüsho Jisu le ajingyanrübonü ju ching yüzah.

YUNIRÜBO RHIMO 13:2

Arü Atungpuh kingaünde tüsho khümkeakde alachoki, Amüsüh Menü tha, “Inü arhimoshihpü arü jihkhi rhimo thsungkheak Barnaba le Saul büthsüang.”

YUNIRÜBO RHIMO 16:6

Tüsho anenü Phrygia le Galatia lomi hode yü, tümütüsho Amüsüh Menü Asia ching müthsangyuthsangrashih.

YUNIRÜBO RHIMO 20:23

Kiuto aban rihyam ching lapü tüsho küpkhuk shorupü Amüsüh Menü athakhi lang inü mükheahlah.

YUNIRÜBO RHIMO 21:33

Limthobuhnü thüninde arübah api bea lu tüsho wuhrünliu mahnenü api rhükpü thiyukhüm jih; tüsho api she a tüsho anihbuhnü tümü rhimokheanü apinü keokhi.

YUNIRÜBO RHIMO 21:4

Ju ching isanü akinrü khürü ngü tüsho arü lung nimung thüne mung. Me wu hode arünü Paul ki Jirusalem lim müyüpü tha.

YUNIRÜBO RHIMO 22:25

Tüsho arünü shihküp-liunü api rhükchoki, Paulnü ju ki zhipkhi wühkenobuh ki tha, “Nünü Rom mihkhung mihtsürü amülim mülade ashikpü yakzan la shi?”

YUNIRÜBO RHIMO 24:27

Tüshe küyimki kam mahne hokhea, Felix ju Porcia Festanü müthri; tüsho Jihudarü asühshihpü Felixnü Paul ju rihyam ching zo.

YUNIRÜBO RHIMO 26:29

Tüsho Paulnü alo, “Kim khihang yungsho shangang, harü arhükkhibo kheak hode, nü lang yung tüshe khihni I ki anirü alala I nangde akampü inü Thrünpuh ki tamkhüntamnüchoh.”

YUNIRÜBO RHIMO 28:17

Nimung mahsam dunglim apinü Jihudarü limberübo jimukhung; tüsho küyimki arübo mukhungkhea, apinü arü ki tha, “Keoniorübo, inü I mihtsürü yungsho isa jipürü yakli azhihde tümü mürhimomo she Jirusalem ching I ram tüsho Romrü kilim jih.

YUNIRÜBO RHIMO 28:20

Jumonü ha dünkheaknü inü nü shorubah asukachihpü keokheah, tümütüsho Israel mulonglam lakhinü ha wuhrünliunü I rhüka lah.”

YUNIRÜBO RHIMO 28:25

Jumonü Paulnü ha thachoki arü bolung marüpachihde chamachih: “Nüsa jipürü ki Isaia wukihrü hode Amüsüh Menü athakhi ju alungki lakheah:

YUNIRÜBO RHIMO 8:29

Tüsho Menü Philip ki tha, “Khora-lolungbe ju yanphuhde yüang.”

YUNIRÜBO RHIMO 9:16

tümütüsho I mung dünkheaknü küdükhüh thsünübeanü inü api ki huhbah.”

EFISIA 3:1

Ha thsungkheaknü, I Paul, nüsa khiungkerü dünkheak Jisu Khrista aramrü–

EFISIA 4:1

Jumonü I Atungpuh thsungkheaknü aramrünü nüsa küpü ching jia lanü ju thülünde rhangdung lapü nüsa ki tuthsukchoh,

EFISIA 6:20

ju thsungkheak I arhükkhi ching limburü ah; junangde inü athapü lakhi yande mulong tode ju khipkhitbah.

1 TIMOTHI 4:1

Kheakü ashulim kimbo ching mebo mülapyukkhi tüsho amünean yukhümbo anide akin chingnü khürü chamkhide atsobah de Menü thachoh.

2 TIMOTHI 2:9

tümüde ha dünkheak I thsünüchoh tüsho khukshikrü nangde rhüka lah, tüshe Thrünpuh yu a mürhük.

IBRI 10:34

Nüsanü aramrü lung thsünürung, tüsho küyimki nüsa kukruk alala yankhia luabahjihkhea, nüsanü asühde adükheakkhi arüm, tümütüsho kheaküshe lünnü tsüpde alabe atsübe lakhi nüsanü mükheah-a lakheah,

IBRI 3:7

Jumonü, Amüsüh Menü athakhi nangde, “Khihni, küyimki nüsanü api düsheak sobanü,

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.