YUNIRÜBO RHIMO 20:7 - AMÜSÜH HÜM CL Bible (BSI)

⁷ Amu-khip akhuhbe nimung, yikhap yihnakpü isa rukhüh mukhungchoki, Paulnü ashidopü chamachihpü lümde arü ki asukachih; tüsho apinü tsüngphulung khiungde asukachih.

YUNIRÜBO RHIMO 20:7 Iomraidhean Croise

NEHEMIA 8:3

Wungdo limro chipiripit ki apinü arü ki yakzan ju yapsunü animuro khiungde khe, tüsho arü alalanü keamramde ani.

NEHEMIA 9:3

Kimkhü 3 bande arü ki Atungpuh arü Thrünpuh yakzan kheyuk, jushu kimkhü 3 arü neak alokhide Atungpuh arü Thrünpuh kingaün.

MARK 16:9

Küyimki api amu-khip akhuhbe nimung mükikde asürükhea, apinü amünean me thüne yankhitkhi Mari Magdalen ki akhiuka huh.

LUKNÜ ATHRÜTKHI THIYUSHEAK-ATSÜ HUHTANYU 22:19

Tüsho apinü yikhap lubah makshe jih tüsho ju yihnakbah arü kilim jihde tha, “Ha nüsa dünkheak jihkhi I pang ah; ha I lümkhitde rhimoang.”

LUKNÜ ATHRÜTKHI THIYUSHEAK-ATSÜ HUHTANYU 24:35

Tüsho limro ching dünjikhi le yikhap yihnakchoki anenü api mükheahkhi alala arü ki thaa huh.

JOHAN 20:1

Amu-khip akhuhbe nimung, mitingde alachoki mükikde Mari Magdalennü kiuyuk ching arü, tüsho lung ju kiuyuk kheaknü lahkhia bah-a ngü.

JOHAN 20:19

Ju nimung arelim, amu-khip akhuhbe nimung Jihudarübo trekhinü jingyanrübonü ripit rihbah alachoki, Jisu arübah arü bolung zhipbah tha, “Nüsa lung mungtsü laang!”

JOHAN 20:26

Tüsho nimung tizheah dunglim jingyanrübo kheaküshe alunglim lakheah; tüsho arü lung Thoma lakheah. Khimdopü rih-a lalashe arübah arü bolung zhip, tüsho tha, “Nüsa lung mungtsü lang!”

YUNIRÜBO RHIMO 16:10

Küyimki apinü michih ngükheanü, arü kilim thiyusheakatsü thsangyuthsangrapü Thrünpuhnü ike jikheah de adüngakhibah nahdü lang Macedonia lim yüpü thsakham.

YUNIRÜBO RHIMO 2:42

Tüsho arünü amüsühthsangyurübonü thsangyukhi le arihmukhung, yikhap yihnakkhi tüsho tamkhüntamnü ching mulong jih.

YUNIRÜBO RHIMO 2:46

Tüsho nimung aban arüngyam ching rukhüh mukhungde tüsho arü yambo ching yikhap yihnakde, arünü mulong asühde tsühyungbe tsüh,

YUNIRÜBO RHIMO 20:11

Paulnü arünkihkhi lim yükihlobah yikhap yihnak tüsho tsüh. Apinü ayinkhi khiungde asukachihbah chamachih.

YUNIRÜBO RHIMO 20:31

Jumonü kurhangang tüsho chike bukde, animung tüsho are kam mahsam nüsa mihbüm aban thsangyukhi lümkhitang.

YUNIRÜBO RHIMO 20:5

Harü mihtsürü akhuhde ayürünü Troa ching isa aleangde la,

YUNIRÜBO RHIMO 20:9

Tüsho athrününgtsüng mihtsürü amung Eutika ju ayinripit ching binde alakheah. Paulnü ruhde athachoki yapshede yü; yapshea lakhi hode rünkih mahsampü kheaknü ayokhi tüsho shea shuhmusu.

YUNIRÜBO RHIMO 28:23

Arünü Paul shorupü nimung akhukhit, tüsho ahihkhüh api lapung ching arü. Yapsunü are khiungde apinü Thrünpuh kiulongthsü dünkheak thanakde arü ki zhiyuk tüsho Mosa yakzan le wukihrübo chingnü arü ki Jisu dünkheak thapü mürang.

1 KORINT 10:16

Isanü müngühjihkhi müngühmühi pung ju Khrista thiyih ching shihcham lukhi yung de? Isanü ayihnakkhi yikhap ju Khrista pang ching shihcham lukhi yung de?

1 KORINT 15:10

Tüshe Thrünpuh amüthsüm hode tümü lanü I ah, tüsho I kilim api amüthsüm akeangkeang mülakheah. Tüshe arü kheaknü inü amürangbe rhimo, ju inü yung, tüshe I lung lakhi Thrünpuh amüthsümnü ah.

1 KORINT 16:2

Amu-khip akhuhbe nimung nüsa mihbüm abannü nihbuh lalim ayannü tümükhüh zomukhungang, junangde küyimki I arübanü müthrezüthredo.

2 TIMOTHI 4:2

Thiyu thsangyuthsangraang, akheahmünchi yungsho püpü kim ching niokheamang, münityukang, thürühang, tuthsukang, arümkheamang tüsho thsangyuang.

AMIKHEAKAKHIUKKHI 1:10

I Atungpuh nimung Me ching lakheah, tüsho hulipungpung nangde düsheak achangnü I dunglim so,