YUNIRÜBO RHIMO 20:4 - AMÜSÜH HÜM CL Bible (BSI)

⁴ Pyrrha tsührü Berearü Sopaternü api atru; tüsho Tesalonikarü Aristarka tüsho Sekunda; Derberü Gaia tüsho Timothi; tüsho Asiarü Tykika tüsho Trophima.

YUNIRÜBO RHIMO 20:4 Iomraidhean Croise

YUNIRÜBO RHIMO 14:20

Tüshe küyimki akinrübo api mükamde amukhungkhea, apinü asürübah kiuto ching yüzah; tüsho ashidopü apinü Barnaba lungnü Derbe lim yü.

YUNIRÜBO RHIMO 14:6

anenü ju mükheahbah Lykaonia kiutobo Lystra le Derbe, tüsho mühi lomi ching tsoabah;

YUNIRÜBO RHIMO 16:1

Paulnü Derbe ching yü tüsho Khristanrü Timothi lapung Lystra ching arü. Abe ju Jihuda liberü akinrü tüsho abuh a Greekrü lakheah.

YUNIRÜBO RHIMO 16:6

Tüsho anenü Phrygia le Galatia lomi hode yü, tümütüsho Amüsüh Menü Asia ching müthsangyuthsangrashih.

YUNIRÜBO RHIMO 17:1

Küyimki arünü Amphipoli tüsho Apollonia hokhea, Jihudarü sinagog lapung Tesalonika ching arü.

YUNIRÜBO RHIMO 17:13

Tüshe küyimki Tesalonika ching lakhi Jihudarünü Berea ching she Paulnü thiyusheak zhiyukdo de asokhea, arünü ju ching she arübah boto azhihde thurumusu.

YUNIRÜBO RHIMO 19:29

Jumonü kiuto ju ayingyingnü mide kam; tüsho arünü khiunglün-yam ching nanachihde yüzahbah Paul lung tsahkhi Macedoniarü Gaia tüsho Aristarka arü lungnü yankhit.

YUNIRÜBO RHIMO 2:9

Parthiarü, Midiarü, Elamrü; Mesopotamia, Judea, Kappadokia, Pontus tüsho Asia,

YUNIRÜBO RHIMO 20:16

Tümütüsho Paulnü Asia ching kim mübahpü thsüde Efisia tsahhopü pungkhi; tümüde apinü akuk thürün thünimni-thünio nimung Jirusalem khiungpü niokheam.

YUNIRÜBO RHIMO 20:18

Küyimki arübo api ki arükheanü apinü arü ki tha: “I Asia ching jing düküyukkhi atan nimungnü nüsanü mükheahlah;

YUNIRÜBO RHIMO 21:29

Tümüde arünü akhuhlim Efisiarü Trophima api lung kiuto ching ngü, tüsho Paulnü api arüngyam ching beyukdo de arünü lüm.

YUNIRÜBO RHIMO 27:2

Jumonü Adramittium sangkung ching yüzahbah isanü Asia keyeannü bede ayüpü keto ching yüzah. Tesalonika ching lakhi Macedoniarü Aristarka isa lung bekheah.

ROMRÜ KILIM PAULNÜ ATHRÜTKHI KIHÜM HUHTANYU 16:21

I lung rukhüh rhimorü Timothinü nüsa kilim salüm jihchoh; I keoniorübo Lucia, Jason tüsho Sosipaternü she ah.

ROMRÜ KILIM PAULNÜ ATHRÜTKHI KIHÜM HUHTANYU 16:23

I tüsho borü alala yamputungpuh Gaianü nüsa kilim salüm jihchoh. Kiuto rahpung akambuh Erasta tüsho isa keoniorü Quartanü nüsa kilim salüm jihchoh.

2 KORINT 1:1

Thrünpuhnü amulongkhi hode Jisu Khrista amüsüh-thsangyurü Paul, tüsho isa keoniorü Timothi kilimnü, Korint ching Thrünpuh borü, ju lung Akaia alala ching lakhi amüsührü alala kilim:

2 KORINT 1:19

Thrünpuh tsührü, Jisu Khrista dünkheak nüsa ki thsangyuthsangrarü Silvana le Timothi tüsho I a “Am” tüsho “Yung” de mülakheah; tüshe api lung kamruhroro “Am” de lah.

EFISIA 6:21

Kheakü I küde la tüsho I tümü rhimochonü nüsanü amükheahpü thsüde, amuzho keoniorü tüsho Atungpuh tankihkhi ching thiyuro lakhi Takikanü lüpdükhi nüsa ki thabah.

FILIPI 2:19

Inü nüsa kilim nahde Timothi thiyipü Atungpuh Jisu kheak mulonglam lah, junangde nüsa yusheaknü I reangzahbah.

KOLOSI 4:10

I lung rihyam ching lakhi Aristarka tüsho Barnaba phüle Marknü nüsa kilim salüm mühahchoh (Mk dünkheak küde arhimobeanü nüsanü thsangdan ludüle, api nüsa kilim arüsho beyukang),

KOLOSI 4:7

I rhimo alala dünkheak Tykikanü nüsa ki thabah; api ju amuzhokhi keoniorü, thiyuro tankihrü tüsho Atungpuh lung rukhüh tankihrü ah.

1 TIMOTHI 1:1

Isa khümkhitbuh Thrünpuh tüsho isa mulonglam Jisu Khrista yukhüm hode Jisu Khrista amüsühthsangyurü Paul kilimnü,

2 TIMOTHI 1:2

Inü muzhokhi I tsührü Timothi kilim: Abuh Thrünpuh tüsho isa Atungpuh Jisu Khrista kilimnü amüthsüm, mihmuzho tüsho mungtsü lashang.

2 TIMOTHI 4:12

Inü Tykika Efisia ching yüshihdo.

2 TIMOTHI 4:20

Erasta Korint ching lah; Trophima tukthsüde inü Mileta ching zojihdo.

TITA 3:12

Küyimki inü Artema yungsho Tykika nü kilim thiyibanü, Nikopolo ching nü I kilim arüpü mürangang, tümüde tsüngkam a I ju ching mungpü pungkhilah.

PHILEMON 1:24

Tüsho I lung rhimorü Mark, Aristarka, Dema, tüsho Luknü she ah.

3 JOHAN 1:1

Azothsürü kilimnü, Thiyuro ching inü amuzhokhi müyambuh Gaius kilim.