YUNIRÜBO RHIMO 20:36 - AMÜSÜH HÜM CL Bible (BSI)

³⁶ Küyimki apinü ha thakheanü khukning tüsho arü alala lungnü tamkhüntamnü.

YUNIRÜBO RHIMO 20:36 Iomraidhean Croise

2 KIUTHSÜYUKHEAN 6:13

Solomonnü müwayinchi thsangyupung sadam ashanglim khahnap 5, atolim khahnap 5, tüsho achanglim khahnap 3nü thsü tüsho ju sadam kheak zo; tüsho ju kheak api zhip. Jushu apinü Israel amukhungrü athrünkhi miki amukhuknü khukning, tüsho api khahbo thüning lim chungkih.

DANIEL 6:10

Mütsan-hüm kheak ju dokihdo de Danielnü mükheahkheah she, apinü mutuklode api yam ching yü, küpü Jirusalem limpeang akube khiungshak ching ayinripitbo lakhea, tüsho apinü püpüki rhimokhi nangde api Thrünpuh ki tamkhüntamnüde api shijihpü nimung chingnü mahsam ki khukning.

LUKNÜ ATHRÜTKHI THIYUSHEAK-ATSÜ HUHTANYU 22:41

Tüsho apinü arü kheaknü lunghit 1 bande yübah khukning tüsho tamkhüntamnü,

YUNIRÜBO RHIMO 20:35

Inü arhimokhi alala ching, hanangde mürangde arhimokhinü reangmüzahrü isanü arungbeah de, ‘Aleangkhikhi kheaknü ajihkhi alü müngühmühi,’ de Jisunü athakhi lümkhitde nüsa ki huhdo.”

YUNIRÜBO RHIMO 21:5

Küyimki ju ching isa nimungbo bankheanü isanü chamachihbah yü; arü niuberü tüsho tsührübo alalanü kiuto aleanglim khiungde bea dükhe. Isanü kemungyean kheak khukningbah tamkhüntamnü tüsho chode thaachih.

YUNIRÜBO RHIMO 7:60

Tüsho apinü khukningbah düsheak achangnü zhi, “Atungpuh, arü azhihde ha neak dülümkhitjih.” Küyimki apinü ha thakhea, api sheabah.

YUNIRÜBO RHIMO 9:40

Tüshe Peternü arü alala wungdo wukhiukshihbah khukning tüsho tamkhüntamnü; jushu pang lim ju rholode apinü tha, “Tabitha, asürang.” Alibenü amükbo rheak tüsho küyimki anihbenü Peter ngükheanü dukomusua bin.

EFISIA 3:14

Hamonü inü Abuh miki khukningchoh,

FILIPI 4:6

Tümü thsungkheak she mulong düsansan, tüshe lüpdükhi ching tamkhüntamnüde tüsho makshe jihde amushukhibo Thrünpuh ki mükheahshang.