YUNIRÜBO RHIMO 20:35 - AMÜSÜH HÜM CL Bible (BSI)

³⁵ Inü arhimokhi alala ching, hanangde mürangde arhimokhinü reangmüzahrü isanü arungbeah de, ‘Aleangkhikhi kheaknü ajihkhi alü müngühmühi,’ de Jisunü athakhi lümkhitde nüsa ki huhdo.”

YUNIRÜBO RHIMO 20:35 Iomraidhean Croise

MÜCHITMUDU 19:17

Shepünü zhochihrü ki muzhochonü Atungpuh ki nipjihchoh, tüsho anihbuhnü tümü jihkheanü apinü ajihlobah.

ISAIA 32:8

Tüshe sherü mükheahmudurü lanü mükheahmudu lümkhi thsüchoh, tüsho mükheahmudu hode arü zhipchoh.

ISAIA 35:3

Khah sühmüh mülarü reangzahshang tüsho mukhuk niknikrü düküngshang.

MATHI 10:8

Tukthsü thsünguang, apham kihrü müsühkhitang, asherü arhang kamloshang, amünean me yankhitang. Nüsanü akeangnü leangkhido, akeangnü jihang.

YUNIRÜBO RHIMO 20:20

nüsa alü thsüpü lakhi thsangyuthsangrapü tümü she inü mudukiuhlo tüshe boto chingnü tüsho thüyam abande nüsa thsangyude,

YUNIRÜBO RHIMO 20:27

tümüde inü nüsa ki Thrünpuh lümkhi alala zhiyukpü müdukiuhlo.

YUNIRÜBO RHIMO 20:34

I tüsho I lung larü yihnüpü lakhi thsungkheak I khahnü rhimodo de nüsanü mükheahlah.

YUNIRÜBO RHIMO 20:36

Küyimki apinü ha thakheanü khukning tüsho arü alala lungnü tamkhüntamnü.

ROMRÜ KILIM PAULNÜ ATHRÜTKHI KIHÜM HUHTANYU 15:1

Isa reangzahde alarünü reangmüzahrü akuk müngükhi ching arümkheambeah, tüsho isa asühpü thsungkheak yung.

1 KORINT 9:12

Püpürübo nüsa kheaknü arung ngüpü ha alim lasho, isa a alünü mülabea de? Judüalalashe, isanü ha alim mahori. Tüshe Khrista thiyusheakatsü limro müyihdopü isanü lüpdükhi arümkheam.

2 KORINT 11:12

Arü kükheangküyang rhimo ching isa nangde rhimochoh de atharü zhipdopü inü tümü rhimochonü mutukzhakde arhimobah.

2 KORINT 11:9

Tüsho küyimki I nüsa lung lakhea tüsho yihnüpü lakhea, inü sheshe hahmülang müjih, tümüde I yihnüpübo Macedonia chingnü arükhi I keoniorübonü jih. Junangde ahokhi ching nangde tümü ching she inü nüsa hahmülang müjih.

2 KORINT 12:13

Inü nüsa kheak hahmülang müjihkhi kheak hode, püpürü borübo kheaknü nüsa küdükhüh abobe lakhea? Ha amülim I ki neak bahjang.

2 KORINT 8:9

Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.

EFISIA 4:28

Ahührünü kheaküa dahüh, tüshe apinü rhimoang, api khahnü thiyuro rhimo rhimoang, junangde apinü küpkhukrü kilim jihpü kukbah.

1 TESALONIKA 4:11

Isanü nüsa ki thakhi nangde, akhimahe rhangdung lapü, nüsa nihbuh shothsümolo lümpü tüsho nüsa khahnü arhimopü nüsa mükkheahkih thsang,

1 TESALONIKA 5:14

Keoniorübo, yomuhyothsünrü athsunganahpü, mulong ninirü yanmusupü, reangmüzahrü rungpü, arü alala kheak arümkheampü isanü nüsa ki tuthsukchoh.

IBRI 13:16

Atsü rhimopü tüsho nü lakhi chamachihpü amümürang düthsü, tümüde hadürü shuhmülanga jihkhinü Thrünpuh asühshihchoh.

IBRI 13:3

Rihyam ching arü lung lakhi nangde, rihyam ching larü lümkhitang; tüsho nüsa she arü nangde thsünükhi ruk thsünürü lümkhitang.

3 JOHAN 1:7

Tümüde arünü Khrista tankihpü ching tsahmusu tüsho amükinrü kheaknü tümü she müleangkhi.