YUNIRÜBO RHIMO 20:34 - AMÜSÜH HÜM CL Bible (BSI)

³⁴ I tüsho I lung larü yihnüpü lakhi thsungkheak I khahnü rhimodo de nüsanü mükheahlah.

YUNIRÜBO RHIMO 20:34 Iomraidhean Croise

2 KIULONG THSÜRÜ 6:2

Isa abande abinkiu lupü thsüde isa Jordan ching yüshang, tüsho isa lapü ju ching lapung thsanü.” Apinü alo, “Jude thsüang.”

YUNIRÜBO RHIMO 18:3

tümütüsho ane nangde api she khimyam-thsürü lamonü ane lung rhimode mung.

YUNIRÜBO RHIMO 19:22

Tüsho apinü anihbuh rungrü mahne Timothi le Erasta Macedonia lim yüshihbah api a anükhüh kheak Asia ching la.

YUNIRÜBO RHIMO 19:29

Jumonü kiuto ju ayingyingnü mide kam; tüsho arünü khiunglün-yam ching nanachihde yüzahbah Paul lung tsahkhi Macedoniarü Gaia tüsho Aristarka arü lungnü yankhit.

YUNIRÜBO RHIMO 20:35

Inü arhimokhi alala ching, hanangde mürangde arhimokhinü reangmüzahrü isanü arungbeah de, ‘Aleangkhikhi kheaknü ajihkhi alü müngühmühi,’ de Jisunü athakhi lümkhitde nüsa ki huhdo.”

1 KORINT 4:12

isa khahnü rhimochoh. Küyimki athruajibanü, isanü müngühjihchoh; küyimki thsümüchibanü, isanü arümchoh;

1 TESALONIKA 2:9

Keoniorübo, isa rhimokhi tüsho khisahkhi nüsanü lümkhitchoh; isanü nüsa ki Thrünpuh thiyusheakatsü thsangyuthsangrade lachoki, nüsa ki hahmülang müjihpü thsüde isanü azhing ayin rhimodo.

TITA 3:15

I lung larü alalanü nü kilim salüm mühahchoh. Akin ching isa muzhorü ki salüm thaang. Nüsa alala lung amüthsüm laang.