YUNIRÜBO RHIMO 20:32 - AMÜSÜH HÜM CL Bible (BSI)

³² Kheakü inü nüsa zokihshihpü tüsho tsangkhita larü alala bolung yamrüplurüp lupü api amüthsüm kilim shuhmülanga jihchoh.

YUNIRÜBO RHIMO 20:32 Iomraidhean Croise

THRÜNTAN 50:24

Tüsho Josepnü api keoniorübo ki tha, “I shechoh; tüshe Thrünpuhnü tsükjide nüsa rhua kheahbah, tüsho ha lomi chingnü bekhitde apinü Abraham, Isak tüsho Jakob ki thiyuchihchimkhi lomi ching yübah.”

JEREMIA 3:19

I tsührü bolung küde thsah nü zojihpü; tüsho alo atsü, trükshih alala yo akheahakham yamrüplurüp küde ajihpü de inü tha. Tüsho nünü I ki, abuh de ajibah tüsho I kilimnü rholode mutso de inü tha.

JEREMIA 49:11

Nüsa yo mürerübo zojang, inü arü rhangdung kümbah tüsho nüsa yo khimoberübo I kheak kinshang.

MARK 10:17

Jisu api limro ching yüde lachoki, mihtsürü khülang alihde arübah amiki khukning, tüsho keokhi, “Thsangyurü atsü, akheam müla rhangdung yamrüplurüp lupü inü tümü rhimobea?”

JOHAN 15:3

Inü nüsa ki asukkhi yu hode nüsa müsühkhita lah.

JOHAN 17:17

Nü thiyuro hode arü tsangkhitjang. Nü yu ju thiyuro ah.

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

YUNIRÜBO RHIMO 14:23

Tüsho küyimki arünü borü aban ching azothsürübo tamkhüntamnüde tüsho khümkeak thsüde amokhitkhea, arünü kinde alakhi Atungpuh kilim arübo shuhmülanga jih.

YUNIRÜBO RHIMO 14:26

Attalia chingnü kheakü arünü bana lakhi Thrünpuh amüthsüm rhimo ching arünü shuhmülanga jihpung Antiok ching yülo.

YUNIRÜBO RHIMO 14:3

Jumonü ane ki amüyinsahbe tüsho khinthiyinbe rhimopü amüthsüm yusheak adüngakhi jihbuh Atungpuh thsungkheak anenü mulong tode thade kim ashang la.

YUNIRÜBO RHIMO 15:40

tüshe Paul a keoniorübonü Atungpuh amüthsüm lim tsülah dükhi yande Sila bea lubah chamachih.

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.

ROMRÜ KILIM PAULNÜ ATHRÜTKHI KIHÜM HUHTANYU 8:17

tüsho isa ju tsührübo a sho, yamrüplurüp lurü ah–api müretahkhi ching isanü shihcham lupü thsüde isanü api thsünükhi shihcham lusho, Thrünpuh yamrüplurüp lurü tüsho Khrista lung rukhüh yamrüplurüp lurü thsübah.

1 KORINT 1:2

Korint ching lakhi Thrünpuh borü, arü tüsho isa Atungpuh Jisu Khrista mung jikhi dangpung aban ching alala lung amüsührü thsüpü rukhüh jikhi Jisu Khrista ching tsangkhitrü kilim:

1 KORINT 6:10

ahühkhi, yihnelune, müshangmuru, thsangkhithsangyuk, yungsho jangkhijangranü Thrünpuh kiulongthsü yamrüplurüp mulu.

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

1 KORINT 6:9

Thiyuro-lungki mülarünü Thrünpuh kiulongthsü yamrüplurüp mulu de nüsanü mümükheah de? Dümülapyukshih; müzammüram, sangthsü kingaün, yüliyüra yungsho amakham müzammüram,

EFISIA 1:14

Me ju api müretah shijihpü isanü lakhit-kukruk muluyi khiungde isa yamrüplurüp ngüpü thiyuchihchim lah.

EFISIA 1:18

nüsa anikhitpü mük khimshuhjihbah, junangde apinü ajikhi mulonglam, amüsührü lung api yamrüplurüp müretah lakhitbo nüsanü amükheahbah,

EFISIA 4:12

tankih rhimo thsungkheak amüsührü düküngshihpü, Khrista pang zokihshihpü,

EFISIA 4:16

Api kilimnü pang abümnü, müchina tüsho awuhrupung wuhrude, shihcham thsükhi abannü tsüde rhimosho, pang abümnü zochoh tüsho amuzho hode aküdahnü zokihchoh.

EFISIA 5:5

Müzammüram, amümüsüh mihtsürü, yihnelunerü (sangthsü kingaünrü) sheshe Khrista tüsho Thrünpuh kiulongthsü ching yamrüplurüp müla de mütsanang.

KOLOSI 1:12

ayinatrüm ching amüsührü yamrüplurüp shihcham ching isa thülünde kamshihbuh, Abuh ki makshe jihde laang.

KOLOSI 2:7

aying chinyukde api kheak thrünkihde tüsho akin ching düküngde nüsa ki thsangyukhi nangde makshe jihkhi ching suhdahde laang.

KOLOSI 3:24

tümütüsho yamrüplurüp thsambah Atungpuh kilimnü aleangkhibah de nünü mükheahlah; nü a Atungpuh Khrista tankihchoh.

IBRI 10:14

Tümüde khülangki kingaünkhinü kim alala thsungkheak tsangkhita larü khiukdahde kamshihdo.

IBRI 13:9

Aphuaphu tüsho aso thsüde thsangyukhibonü dübephülapshih; sherünü tsühchonü arü ki alü mülakhi arüngako tsühyungbenü yungde amüthsümnü isa mulong düküngshihkhi ju atsü ah.

IBRI 2:11

Tümüde shepünü tsangkhitcho tüsho sherü tsangkhita lanü alala Abuh rukhüh lah. Jumonü apinü arü ki keoniorü de ajipü machihde

IBRI 9:15

Jumonü api ju aso tangzüng limburü ah, junangde sherü jia lanü alokhikhi lün yamrüplurüp leangkhibah, tümütüsho akhuhbe tangzüng bukkhüp thsümünimkhi chingnü arü rhokhitpü ashekhi dünji.

JUDNÜ ATHRÜTKHI KIHÜM HUHTANYU 1:1

Jisu Khrista tankihrü tüsho Jakob niurü Jud kilimnü, Jia larü, Thrünpuh tüsho Abuh kheak amuzho tüsho Jisu Khrista mükühbah alarü kilim:

JUDNÜ ATHRÜTKHI KIHÜM HUHTANYU 1:20

Tüshe amuzho müyamrübo, nüsanü khide amüsüh nüsa akin kheak rünkihang; Amüsüh Me ching tamkhüntamnüang;