YUNIRÜBO RHIMO 20:21 - AMÜSÜH HÜM CL Bible (BSI)

²¹ mulong müthride Thrünpuh kilim rholopü tüsho isa Atungpuh Jisu kheak akin lashihpü Jihudarü tüsho Greekrü chido ki inü thiyumütsan thsü.

YUNIRÜBO RHIMO 20:21 Iomraidhean Croise

MATHI 3:2

tüsho tha, “Mulong müthriang, tümüde yinmi kiulongthsü thüninde lah!”

MATHI 4:17

Ju kim chingnü Jisunü thsangyuthsangrapü tankih, “Mulong müthriang, tümüde yinmi kiulongthsü thüninde lah.”

MARK 1:15

tüsho tha, “Kim khiungdo, tüsho Thrünpuh kiulongthsü thüninde lah. Mulong müthriang, tüsho thiyusheak-atsü ching kinang.”

MARK 6:12

Jumonü arünü wukhiuk tüsho mihtsürübonü mulong müthripü thsangyuthsangra.

LUKNÜ ATHRÜTKHI THIYUSHEAK-ATSÜ HUHTANYU 13:3

Inü nüsa ki thachoh, jude yung; tüshe nüsanü mulong mümüthrisho ju ruk nüsa alala dükheakbah.

LUKNÜ ATHRÜTKHI THIYUSHEAK-ATSÜ HUHTANYU 13:5

Inü nüsa ki thachoh, ju yung; tüshe nüsanü mulong mümüthrisho, ju ruk nüsa alala dükheakbah.”

LUKNÜ ATHRÜTKHI THIYUSHEAK-ATSÜ HUHTANYU 15:10

Inü nüsa ki thachoh, junangde Thrünpuh yunirü miki mulong müthrikhi aneakrü khülang kurungkheak asühachihkhi lah.”

LUKNÜ ATHRÜTKHI THIYUSHEAK-ATSÜ HUHTANYU 15:7

Inü nüsa ki thachoh, junangde mulong müthripü yihnüpü mülakhi thiyuro-lungki mihtsürü 99 kheaknü aneakrü mulong müthrikhi 1 kurungkheak yinmi ching alü asühachihkhi labah.

LUKNÜ ATHRÜTKHI THIYUSHEAK-ATSÜ HUHTANYU 16:28

tümüde I keoniorü 5 lah, junangde apinü arü ki thiyumütsan thsübah, jude yungsho arü she ha thsümüchi dangpung ching arübah.’

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

JOHAN 20:31

tüshe Jisu ju Khrista, Thrünpuh tsührü de nüsanü akinpü thsüde, tüsho akinkhi hode api mung ching nüsa rhangdung lapü thsüde harü thrüta lah.

JOHAN 3:36

Shepünü atsührü kheak kinchonü akheam müla rhangdung lah; tüsho shepünü atsührü mükinnü rhangdung müngü, tüshe api kheak Thrünpuh bukakhiukkhi lah.

YUNIRÜBO RHIMO 10:43

Sherünü api kheak kinchonü api mung hode neak bahjihkhi leangkhichoh de wukihrübo alalanü api kilim thiyumütsan thsüchoh.”

YUNIRÜBO RHIMO 11:18

Küyimki arünü ha sokheanü zhikde kamabah. Tüsho arünü Thrünpuh müretahde tha, “Judüasho khiungkerü kilim she Thrünpuhnü rhangdung lapü mulong müthrishihpü mülüjih-a lah.”

YUNIRÜBO RHIMO 16:31

Tüsho anenü tha, “Atungpuh Jisu kheak kinang, tüsho nü le nü yamkhün khümkhitbah.”

YUNIRÜBO RHIMO 17:30

Mümükheahkhi kimbo Thrünpuhnü amümürang thsüdo, tüshe kheaküa lüpdükhi ching mihtsürü alala ki mulong müthripü thiyukhüm jihdo,

YUNIRÜBO RHIMO 19:17

Tüsho Efisia ching larü alala, Jihudarü tüsho Greekrü chidonü ha so; tüsho arü alala trede kam; tüsho Atungpuh Jisu mung wüntrede kam.

YUNIRÜBO RHIMO 2:38

Tüsho Peternü arü ki tha, “Nüsa mihbüm abannü nüsa neak bahpü thsungkheak Jisu Khrista mung chingnü mulong müthriang tüsho baptiang; tüsho nüsanü Amüsüh Me thsambah leangkhibah.

YUNIRÜBO RHIMO 2:40

Tüsho apinü püpü yubo thiyumütsan thsüde tüsho mulong tuthsukde arü ki tha, “Ha mihbukmuyuk lün chingnü nüsabo khümkhitang.”

YUNIRÜBO RHIMO 20:23

Kiuto aban rihyam ching lapü tüsho küpkhuk shorupü Amüsüh Menü athakhi lang inü mükheahlah.

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 24:24

Nimung anükhüh dunglim Felixnü aniube Jihudaberü Drusilla bebah arü; apinü Paul jishih tüsho apinü Jisu Khrista kheak akin lakhi thade so.

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

YUNIRÜBO RHIMO 26:20

tüshe akhuhde Damaska ching larü ki, jushu Jirusalem le Judea lomi alala ching, tüsho khiungkerü ki arünü mulong müthride Thrünpuh kilim rholobah ju thülünde rhimo rhimopü thsüde thsangyuthsangra.

YUNIRÜBO RHIMO 28:23

Arünü Paul shorupü nimung akhukhit, tüsho ahihkhüh api lapung ching arü. Yapsunü are khiungde apinü Thrünpuh kiulongthsü dünkheak thanakde arü ki zhiyuk tüsho Mosa yakzan le wukihrübo chingnü arü ki Jisu dünkheak thapü mürang.

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

YUNIRÜBO RHIMO 8:25

Küyimki arünü thiyumütsan jihde Atungpuh yu asukkhea, arünü Samariarü kiulongbo ahihdo ching thiyusheak-atsü thsangyuthsangrade Jirusalem lim alode yü.

ROMRÜ KILIM PAULNÜ ATHRÜTKHI KIHÜM HUHTANYU 1:14

I a Greekrü le yakzan-mülarü, lümlung larü le makharü chido ki shozüng lah.

ROMRÜ KILIM PAULNÜ ATHRÜTKHI KIHÜM HUHTANYU 1:16

Tümütüsho inü thiyusheakatsü dünkheak machih: ha akin larü aban kilim akhuhde Jihudarü tüsho Greekrü kilim akhümkhit thsungkheak Thrünpuh wu lah.

ROMRÜ KILIM PAULNÜ ATHRÜTKHI KIHÜM HUHTANYU 10:9

tümütüsho Jisu ju Atungpuh de nü münküpnü alokhisho tüsho ashe chingnü Thrünpuhnü api bemusukheah de nü mulong ching kinsho nü akhümkhitbah.

ROMRÜ KILIM PAULNÜ ATHRÜTKHI KIHÜM HUHTANYU 2:4

Yungsho Thrünpuh tsükhinü nü mulong müthripü lim bechoh de mümükheahde api tsükhi, arümkheam tüsho arorikhi mükhemükimcho de?

ROMRÜ KILIM PAULNÜ ATHRÜTKHI KIHÜM HUHTANYU 4:24

tüshe isa thsungkheak she ah. Isa Tungpuh Jisu ashe chingnü arhang kamloshihbuh Thrünpuh kheak kinrü isa ki khejihbah.

ROMRÜ KILIM PAULNÜ ATHRÜTKHI KIHÜM HUHTANYU 5:1

Jumonü akin hode alim kamshihkhinü isa Tungpuh Jisu Khrista hode Thrünpuh lung isa mungtsü lah.

1 KORINT 1:22

Tümüde Jihudarünü amütsanbo kheangchoh tüsho Greekrünü lümlung yimchoh,

2 KORINT 7:10

Tümüde Thrünpuh lümkhi yande mulong tukthsükhinü akhümkhit lim bepü mulong müthri akhiukshihchoh tüsho tümü mülümalo, tüshe alomi yande mulong tukthsükhinü ashepü akhiukshihchoh.

GALATIA 2:16

yakzan yande arhimokhinü mihtsürü khülang ju alim mükamshih, tüshe Jisu Khrista kheak kinkhi hode ah de mükheahlah. Jumonü isa she Khrista kheak kinkhi hode alim kampü thsüde Jisu Khrista kheak kinchoh, tüsho yakzan rhimokhinü yung, tümütüsho yakzan rhimokhinü sheshe alim mükamshih.

GALATIA 2:20

I Khrista lung yümkih tüsho kheaküa I müla, tüshe Khrista I kheak lah. Pang ching I rhangdung lakhi ju, I muzhobuh tüsho I thsungkheaknü api jihabahbuh Thrünpuh tsührü lung akin hode lah.

GALATIA 3:22

Tüshe Jisu Khrista kheak akin hode akinrü kilim alokhikhi jihpü thsüde alomiküp alala neak bukkhüp lah de amüsühyunü khipkhitchoh.

EFISIA 1:15

Jumonü inü she, Jisu Khrista ching nüsa akin tüsho amüsührü alala thsungkheak nüsa amuzho so dunglim,

KOLOSI 2:5

Tümütüsho pangnü I mülalashe, me ching I nüsa lung lade, nüsa tsüde alakhi tüsho Khrista ching nüsa akin düküngkhi asühde kheahchoh.

PHILEMON 1:5

tümütüsho Atungpuh Jisu tüsho akinrü alala kilim nü amuzho tüsho akin lakhi inü sochoh,

1 JOHAN 5:1

Jisu ju Khrista de akinrü aban Thrünpuh tsührü ah, tüsho shepünü abuh muzhochonü atsührü she muzhochoh.

1 JOHAN 5:5

Shepünü alomi kukpü la? Jisu ju Thrünpuh tsührü de akinrünü lang ah.