YUNIRÜBO RHIMO 20:19 - AMÜSÜH HÜM CL Bible (BSI)

¹⁹ Jihudarünü azhihde rükaki tode lalashe azhihayihde tüsho chike bukde inü Atungpuh tankih;

YUNIRÜBO RHIMO 20:19 Iomraidhean Croise

MUNGSHIKHÜN 119:136

I mükbo chingnü ke yungbo bukkhichoh, tümütüsho mihtsürübonü nü yakzan muzo.

JEREMIA 13:17

Tüshe nüsanü manisho, nüsa kükheangkhi thsungkheak I menü jikde atripbah; inü düsüknimde atripbah tüsho chikebo bukbah, tümütüsho Atungpuh namfimihnubo rammüzütdo.

JEREMIA 9:1

O I ku ha kenü müthsüde, tüsho I mükbo ha chike bukpung müthsüde, junangde inü animung tüsho are amuzhobe I mihtsürü laksahkhi thsungkheak tripbah!

LUKNÜ ATHRÜTKHI THIYUSHEAK-ATSÜ HUHTANYU 19:41

Kheakü api thüninde alachoki kiuto kheah tüsho ju dünkheak trip,

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

YUNIRÜBO RHIMO 17:13

Tüshe küyimki Tesalonika ching lakhi Jihudarünü Berea ching she Paulnü thiyusheak zhiyukdo de asokhea, arünü ju ching she arübah boto azhihde thurumusu.

YUNIRÜBO RHIMO 17:5

Tüshe Jihudarünü mükthsüde kam tüsho kiudunglimrobo chingnü mihbukmuyukbo bemukhungbah kiuto alanajide kamshih tüsho ane ju mihtsürübo ki bede akhiukpü Jason yam zündo.

YUNIRÜBO RHIMO 20:3

Apinü ju ching khinu mahsam mung, tüsho api Siria lim yüpü lachoki, küyimki Jihudarübonü api azhihde arhimokhea, apinü Macedonia hode ayüpü lümkih.

YUNIRÜBO RHIMO 20:31

Jumonü kurhangang tüsho chike bukde, animung tüsho are kam mahsam nüsa mihbüm aban thsangyukhi lümkhitang.

YUNIRÜBO RHIMO 21:27

Küyimki nimung thüne bankhitkheanü Asia ching Jihudarünü api arüngyam ching ngübah boto alala thurumusu, tüsho Paul ram.

YUNIRÜBO RHIMO 27:23

Tümütüsho shepü yo I la tüsho inü tankihkhi Thrünpuh yunirü yishih I ki zhip,

ROMRÜ KILIM PAULNÜ ATHRÜTKHI KIHÜM HUHTANYU 1:1

Jisu Khrista yamlarü Paul, amüsüh-thsangyurü thsüpü jikhi tüsho Thrünpuh thiyusheak-atsü thsungkheak büthsükhi–

ROMRÜ KILIM PAULNÜ ATHRÜTKHI KIHÜM HUHTANYU 1:9

Api tsührü thiyusheak-atsü ching I menü atankihkhi Thrünpuh ju I thiyumütsan lah, junangde I tamkhüntamnü ching kamruhroro müdüchingde inü nüsa lümkhitchoh,

ROMRÜ KILIM PAULNÜ ATHRÜTKHI KIHÜM HUHTANYU 12:11

Küyimkishe mükünmuthsung düthsü, Me ching düküngde Atungpuh tankihang.

2 KORINT 2:4

Tümüde inü nüsa kilim lümthsünü ato tüsho mulong thsünü ching tüsho chikebo bede athrütkhi ju nüsa mulong tukthsüshipü yung tüshe nüsa thsungkheak I amuzho tokhi nüsanü mükheahshihpü ah.

2 KORINT 3:5

Isanü tümükhüh lang she isa küdahnü athsükhukkhi lah de alümkhi müla; isanü athsükhukpü ju Thrünpuh kilimnü lah.

2 KORINT 7:5

Tümütüsho küyimki isa Macedonia ching arükhea, isa pang sühakhim müla, lüpdükhi lim küpkhuk lakheah. Wungdo rukachih, alunglim atrebe lakheah.

GALATIA 1:10

Kheakü inü mihtsürü asühshihpü a shi Thrünpuh asühshihpü mürangcho? Yungsho inü mihtsürü asühshihpü mürangcho de? Inü mihtsürü asühshihchokhülaa, I Khrista yamlarü müthsüde alabah.

EFISIA 6:7

lümkhi atsünü tankihkhi mihtsürü kilim yungde Atungpuh kilim nangde,

FILIPI 3:18

Püpüki inü alochode nüsa ki thado tüsho kheaküshe chike bukde thachoh, ahihkhühnü Khrista sangkim yo thiriri thsüde lachoh.

KOLOSI 3:24

tümütüsho yamrüplurüp thsambah Atungpuh kilimnü aleangkhibah de nünü mükheahlah; nü a Atungpuh Khrista tankihchoh.

1 TESALONIKA 1:9

Künangde nüsanü isa leangkhikheanü, tüsho sangthsübo kilimnü arhang tüsho thiyuro Thrünpuh tankihpü rholokhi,

2 TIMOTHI 1:4

Inü nü chikebo lümkhitchoki nü shorupü künde kamchoh, junangde I asühkhinü mide akambah.

JAKOB 1:2

Keoniorübo, küyimki nüsanü rükaki aphuaphu shorubanü alala asühkhi ah de lümang,

1 PETER 1:6

Anükhüh labah rükaki aphuaphu ching nüsa thsünüpü laa lalashe, ha dünkheak nüsanü asühachihang,

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim:

AMIKHEAKAKHIUKKHI 7:15

Jumonü arübo Thrünpuh kiulongthsü-binkiu miki lah, tüsho api arüngyam ching azhing ayin api tankihchoh; tüsho kiulongthsübinkiu kheak binbuhnü arü kümdobah.