YUNIRÜBO RHIMO 2:9 - AMÜSÜH HÜM CL Bible (BSI)

⁹ Parthiarü, Midiarü, Elamrü; Mesopotamia, Judea, Kappadokia, Pontus tüsho Asia,

YUNIRÜBO RHIMO 2:9 Iomraidhean Croise

THRÜNTAN 10:22

Shem tsührübo: Elam, Asshur, Arphaxad, Lud tüsho Aram.

THRÜNTAN 14:1

Ju kim ching Shinar kiulongthsüpuh Amraphel, Ellasar kiulongthsüpuh Ariok, Elam kiulongthsüpuh Kedorlaomer tüsho Goiim kiulongthsüpuh Tidal arübo,

THRÜNTAN 24:10

Judüki yamlabuhnü api putungrü yo kemel 10 lu tüsho chamachih, tümüde api putungrü kukrukbo alala anihbuh khah ching lakheah. Tüsho apinü tsahmusubah Mesopotamia lim, Nahor kiuto ching yü.

2 KIULONG THSÜRÜ 17:6

Hoshea kam tukupü ching Asiria kiulongthsüpuhnü Samaria yankhit; apinü Israelrü bebah Asiria ching yü. Apinü arübo Hala, Gozan ching lakhi Habor ayung, tüsho Midia kiutobo ching binshih.

1 KIUTHSÜYUKHEAN 19:6

Küyimki Amonrünü David kheak mütsüde rhimokhi arü zangrü lümkhitlokhea, Mesopotamia, Siria ching lakhi Maaka tüsho Zoba chingnü khora-lolungbe tüsho khorabonungrü muloshihpü Hanunnü shotoyinchi khahngak 34,000 mühah.

EZRA 6:2

Tüshe ju Ekbatana kiuto Midia lomi ching küpqiu kheak harü thrüta ngü:

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 21:2

I ki michih amuthsuk thaa lah; mülapyukrünü mülapyukchoh, tüsho athsümünimrünü thsümünimchoh. Wutuang, O Elam, yandoang, O Midia; anihbenü thsünüshihkhi alala inü akheam thsüshihbah.

DANIEL 5:28

P E R E S, nü kiulongthsü chamnakdo tüsho Midiarü le Persiarü kilim jihdo.”

DANIEL 8:2

Michih ching inü kheahde alakheah tüsho I ju Susa kiuying, Elam lomi ching lade ngü, tüsho I Ulai ayung ki lakheah.

DANIEL 8:20

Nünü angükhi ajuh mahne kihkhi namfimihnupung thsungkheak ju, harü ha Midia tüsho Persia kiulongthsürübo ah.

YUNIRÜBO RHIMO 16:6

Tüsho anenü Phrygia le Galatia lomi hode yü, tümütüsho Amüsüh Menü Asia ching müthsangyuthsangrashih.

YUNIRÜBO RHIMO 18:2

Tüsho apinü Pontus chingnü asürükhi Jihudarü amung Aquila, aniube Priscilla bebah Itali chingnü ashude arükhi ngü, tümütüsho Klaudianü Jihudarü alala Rom chingnü atsopü thiyukhüm jih. Tüsho apinü ane shorupü yü;

YUNIRÜBO RHIMO 19:10

Ha kam mahne mutuklode yü, junangde Asia ching larü alala, Jihudarü tüsho Greekrü chidonü Atungpuh yu so.

YUNIRÜBO RHIMO 19:27

Junangde isanü arhimokhi mungchih ngüpü lah. Kheaküshe atrebe lakhi ju Asia tüsho alomiküp alala ching kingaünkhi Artema arüngyam akeangkeang kambah tüsho anihbe thukhi thsümünimbah.”

YUNIRÜBO RHIMO 19:31

Api müyamrü lomi torübo khürünü khiunglün-yam ching anihbuh muhuhpü mushude thiyusheak mühah.

YUNIRÜBO RHIMO 2:8

Tüsho mihbüm abannü isa zübekhi yutha chingnü thade isanü asokhi ha küde?

YUNIRÜBO RHIMO 20:16

Tümütüsho Paulnü Asia ching kim mübahpü thsüde Efisia tsahhopü pungkhi; tümüde apinü akuk thürün thünimni-thünio nimung Jirusalem khiungpü niokheam.

YUNIRÜBO RHIMO 20:18

Küyimki arübo api ki arükheanü apinü arü ki tha: “I Asia ching jing düküyukkhi atan nimungnü nüsanü mükheahlah;

YUNIRÜBO RHIMO 20:4

Pyrrha tsührü Berearü Sopaternü api atru; tüsho Tesalonikarü Aristarka tüsho Sekunda; Derberü Gaia tüsho Timothi; tüsho Asiarü Tykika tüsho Trophima.

YUNIRÜBO RHIMO 21:27

Küyimki nimung thüne bankhitkheanü Asia ching Jihudarünü api arüngyam ching ngübah boto alala thurumusu, tüsho Paul ram.

YUNIRÜBO RHIMO 24:18

Inü ha rhimode alachoki Asia ching Jihudarü khürünü boto yungsho arhungangüm mülade arüngyam ching I tsangkhita ngü.

YUNIRÜBO RHIMO 27:2

Jumonü Adramittium sangkung ching yüzahbah isanü Asia keyeannü bede ayüpü keto ching yüzah. Tesalonika ching lakhi Macedoniarü Aristarka isa lung bekheah.

YUNIRÜBO RHIMO 6:9

Tüshe zuzu ngükhi mihtsürübo sinagog ching kheyukrü Serene le Alexandria tüsho Kilikia le Asia chingnü Jihudarü Stephen kheak atsangde awusupü tankih,

YUNIRÜBO RHIMO 7:2

Tüsho Stephennü tha: “Keoniorü tüsho buhrübo, I ki aniang. Api Haran ching mülayide, Mesopotamia ching lachoki, müretahkhi Thrünpuhnü isa abuh Abraham ki akhiuk,

ROMRÜ KILIM PAULNÜ ATHRÜTKHI KIHÜM HUHTANYU 16:5

arü yam ching mukhungrü borü ki she salüm jihang. Asia ching akhuh Khrista thsungkheak mulong müthrikhi inü muzhobuh Epaeneta ki salüm jihang.

1 KORINT 16:19

Asia borübonü salüm mühahchoh. Aquila le Priscilla tüsho arü yam ching mukhungkhi borübonü Khristan amuzho salüm mühahchoh.

2 KORINT 1:8

Keoniorübo, tümüde Asia ching isa thsünükhi nüsanü mümükheahde mülashihne; isanü marümkhukpü thsüde isa thsünü ato khüp la, junangde rhangdung lapü mulonglam she akheam thsü.

YUZÜNGTHALO 23:4

tümütüsho nüsa Ijip chingnü akhiukchoki yikhap tüsho ke shuhbah limro ching nüsa mushoru, tüsho arünü nüsa azhihde Mesopotamia ching lakhi Pethor chingnü Beor tsührü Balaam muloa nüsa athrushih.

2 TIMOTHI 1:15

Asia ching larü alala I kheaknü rholode tsoabahdo de nünü mükheahlah, tüsho arü bolung Phygela tüsho Hermogenea belah.

1 PETER 1:1

Jisu Khrista amüsüh-thsangyurü Peter kilimnü, Pontia, Galatia, Kappadokia, Asia tüsho Bithynia ching hiumüzüta larübo kilim,

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 1:4

Johan kilimnü, Asia ching lakhi borü thüne kilim: Shepü la tüsho shepü lakhea tüsho shepü arüpü la, tüsho api kiulongthsü-binkiu miki lakhi me thüne kilimnü nüsa kilim amüthsüm tüsho mungtsü laang,

MAHKHAPRÜ 3:8

Jumonü Atungpuhnü Israelrü kheak bukakhiuk tüsho apinü arübo Mesopotamia kiulongthsüpuh Kushan-rishathaim khah ching yinabah; tüsho Israel tsührübonü kam tizheah Kushan-rishathaim tankih.