YUNIRÜBO RHIMO 2:7 - AMÜSÜH HÜM CL Bible (BSI)

⁷ Judüki arü alala rukhühnü müyinsahde khülangnü khülang ki tha, “Kheahang, harü alalanü Galileerü yu thachoh yung de?

YUNIRÜBO RHIMO 2:7 Iomraidhean Croise

MATHI 21:11

Tüsho botonü alo, “Ha Galilee ching lakhi Nazareth chingnü wukihrü Jisu ah.”

MATHI 26:73

Tüsho anükhüh labah ju ki zhiprünü arübah Peter ki tha, “Tsükjide nü she arü bolung belah, tümütüsho nü yunü nü mütsanchoh.”

MATHI 8:10

Küyimki Jisunü ha sokhea, api müyinsah tüsho api dunglim yanrübo ki tha, “Inü nüsa ki thiyuro thachoh, ha ruk akin ato lakhi inü Israel ching müngü.

MARK 1:27

Judüki mihtsürü alalanü müyinsahde arü bolung keokhiachih, “Ha tümü a? Kingaün-yakzan aso ha tümü a? Tümütüsho thiyukhüm-sühmühnü apinü amünean mebo she thiyukhüm jihchoh, tüsho arünü api ki mihyuanichoh.”

MARK 2:12

Tüsho zukleangnü api asürübah yapkiu shuh-a han, tüsho arü alala mikinü wukhiuk, junangde arü alala müyinsah tüsho Thrünpuh shide tha, “Isanü hanangde küyimkishe müngüakheah!”

JOHAN 7:52

Arünü api ki alo tüsho tha, “Nü Galilee chingnü a de? Yimang tüsho kheahang, Galilee chingnü wukihrü sheshe masürü.”

YUNIRÜBO RHIMO 1:11

tüsho tha, “Galilee mihtsürübo, tümüde nüsanü thüning lim kheahde zhipla? Shepü nüsa mikinü thüning lim bekihkheanü, nüsanü Jisu yinmi ching yüde angükhi nangde, api junangde arübah.”

YUNIRÜBO RHIMO 2:12

Jumonü arü alala müyinsah tüsho shangmangde kambah khülangnü khülang ki tha, “Ha amütsan tümü laba?”

YUNIRÜBO RHIMO 2:8

Tüsho mihbüm abannü isa zübekhi yutha chingnü thade isanü asokhi ha küde?

YUNIRÜBO RHIMO 3:10

tüsho arüngyam Akheahakham Ripit ki kakheangde abinbuh ah de mütsan; api kheak dünjikhinü arübo amüyinsahkhinü mide kam.