YUNIRÜBO RHIMO 2:42 - AMÜSÜH HÜM CL Bible (BSI)

⁴² Tüsho arünü amüsühthsangyurübonü thsangyukhi le arihmukhung, yikhap yihnakkhi tüsho tamkhüntamnü ching mulong jih.

YUNIRÜBO RHIMO 2:42 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 24:30

Küyimki api ju ane lung dükhüm ki binde alakhea, apinü yikhap lubah makshe jih tüsho yihnakbah ane kilim jih.

LUKNÜ ATHRÜTKHI THIYUSHEAK-ATSÜ HUHTANYU 24:35

Tüsho limro ching dünjikhi le yikhap yihnakchoki anenü api mükheahkhi alala arü ki thaa huh.

YUNIRÜBO RHIMO 1:14

Arü alala rukhühnü aliberübo le Jisu abe Mari tüsho api keoniorübo lung tamkhüntamnüpü mutukzhakde mukhungde la.

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

YUNIRÜBO RHIMO 14:22

Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

YUNIRÜBO RHIMO 2:46

Tüsho nimung aban arüngyam ching rukhüh mukhungde tüsho arü yambo ching yikhap yihnakde, arünü mulong asühde tsühyungbe tsüh,

YUNIRÜBO RHIMO 20:11

Paulnü arünkihkhi lim yükihlobah yikhap yihnak tüsho tsüh. Apinü ayinkhi khiungde asukachihbah chamachih.

YUNIRÜBO RHIMO 20:7

Amu-khip akhuhbe nimung, yikhap yihnakpü isa rukhüh mukhungchoki, Paulnü ashidopü chamachihpü lümde arü ki asukachih; tüsho apinü tsüngphulung khiungde asukachih.

YUNIRÜBO RHIMO 4:23

Ane dükheshu, anenü müyamrübo kilim yü tüsho amükeam putungrübo le azothsürübonü athakhi arü ki thiyusheak jih.

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.

YUNIRÜBO RHIMO 6:4

tüshe isanü tamkhüntamnü tüsho thsangyuthsangrapü khungde arhimobah.”

ROMRÜ KILIM PAULNÜ ATHRÜTKHI KIHÜM HUHTANYU 12:12

Nüsa mulonglam ching asühachihang, thsümütsü ching arümang, mutukzhakde tamkhüntamnüang.

1 KORINT 10:21

Nüsanü Atungpuh pung tüsho arimri pung muyungkhuk. Nüsanü Atungpuh tüsho arimribo dükhüm kheak müyimtsühkhuk.

1 KORINT 11:2

Lüpdükhi ching I lümkhitkhi tüsho nüsa ki thsangyukhi ching yankhi dünkheak inü nüsa shijihchoh.

1 KORINT 14:6

Keoniorübo, inü nüsa ki thiyutha chingnü thade arüsho, nüsa kilim amikheak akhiukkhi, mükheahmudu, müchitkhi, yungsho thsangyukhi khürü hande marüsho, inü küde thsah nüsa alü thsüjihpü?

GALATIA 1:6

Khrista amüthsüm ching nüsa jibuh nahde bahkhibah püpü thiyusheak-atsü lim tsokhi inü müyinsahchoh–

EFISIA 2:20

amüsüh-thsangyurübo tüsho wukihrübo khimtan tüsho Jisu Khrista amühit-lung kheak thsükihkhi,

EFISIA 6:18

Kim alala ching tamkhüntamnü mungji alala tüsho amushukhi bede Me chingnü tamkhüntamnüang. Ju khiungde amüsührü alala thsungkheak mushujihde aroride kurhangang.

FILIPI 1:5

akhuhbe nimungnü khihni khiungde nüsanü thiyusheak-atsü ching rungachihkhi thsungkheak makshe jihchoh.

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

KOLOSI 4:2

Makshe jihkhi ching kurhangde, müdüchingde tamkhüntamnüpü ching düküngang;

2 TIMOTHI 3:14

Tüshe nü a she kheaknü anikhitkheanü mükheahde, anikhitkhi tüsho düküngde akinpü ching mutuklode laang,

IBRI 10:25

khürünü susu thsüde alakhi nangde isanü rukhüh mukhungpü mutuklonü, tüshe Atungpuh nimung thüninde arükhi nüsanü ngülale khülangnü khülang tuthsukachihanü.

IBRI 10:39

Tüshe isa a tuklode tsobah adükheakrü yung, tüshe akin lah tüsho khümkhita lah.

1 JOHAN 1:3

nüsanü isa lung arihakode alapü thsüde isanü angükhi tüsho asokhi nüsa ki she zhiyuk; tüsho isa arihako ju Abuh tüsho atsührü Jisu Khrista kheak lah.

1 JOHAN 1:7

tüshe api ayin ching lakhi nangde isanü ayin ching tsahsho, isanü khülangnü khülang ki arihako lah, tüsho api tsührü Jisu thiyihnü neak alala chingnü isa müsühjihchoh.

1 JOHAN 2:19

Arü isa kheaknü awukhiukkheah, tüshe arü a isa lung mübe; tümüde arü isa lung bekhülaa, arünü isa lung mutuklode alabah; tüshe arü alala isa lung mübe de amütsanpü arü wukhiukdo.

JUDNÜ ATHRÜTKHI KIHÜM HUHTANYU 1:20

Tüshe amuzho müyamrübo, nüsanü khide amüsüh nüsa akin kheak rünkihang; Amüsüh Me ching tamkhüntamnüang;