YUNIRÜBO RHIMO 2:40 - AMÜSÜH HÜM CL Bible (BSI)

⁴⁰ Tüsho apinü püpü yubo thiyumütsan thsüde tüsho mulong tuthsukde arü ki tha, “Ha mihbukmuyuk lün chingnü nüsabo khümkhitang.”

YUNIRÜBO RHIMO 2:40 Iomraidhean Croise

MÜCHITMUDU 9:6

Makhakhi bahyukang tüsho laang, tüsho anikhitkhi limro ching yüang.

JEREMIA 51:45

Anihbe kheaknü akhiukang, I mihtsürü! Atungpuh bukakhiukkhi chingnü nüsa mihbüm aban rhangdung khümkhitang!

MATHI 12:34

Nüsa phurutobo, nüsa amütsübonü küde thsah atsü thakhukpü? Tümütüsho tümünü mulong mide lanü ju münnü asukchoh.

MATHI 16:4

Mihbukmuyuk tüsho müzammüram lünnü amütsan yimchoh, tüsho wukihrü Jona amütsan kheak hode amütsan tümü müjihde alabah.” Tüsho apinü arü zojihbah tsoabah.

MATHI 17:17

Jisunü alo, “O akin mülakhi tüsho lakshi lün, külokhüh I nüsa lung laba? Tüsho inü nüsa lung külokhüh arümkheamba? Api I kilim ha ching bede arang.”

MATHI 23:33

Nüsa phurutobo, phuruto tsührübo! Athsümüchi chingnü nüsanü küde thsah atsokhitpü?

MARK 8:38

Tümütüsho shepünü ha yüliyüra tüsho neak lakhi lün ching I tüsho I yubo dünkheak achihbanü, amüsüh yunirübo bede Abuh müretahkhi ching api arüchoki Mihtsürü Tsührünü anihbuh dünkheak achihbah.”

LUKNÜ ATHRÜTKHI THIYUSHEAK-ATSÜ HUHTANYU 16:28

tümüde I keoniorü 5 lah, junangde apinü arü ki thiyumütsan thsübah, jude yungsho arü she ha thsümüchi dangpung ching arübah.’

LUKNÜ ATHRÜTKHI THIYUSHEAK-ATSÜ HUHTANYU 21:36

Jumonü kamruhroro kurhangang tüsho tamkhüntamnüang, junangde harü alala dünjichoki nünü atsokhitkhukbah tüsho Mihtsürü Tsührü miki zhipkhukbah.”

JOHAN 21:25

Jisunü püpü rhimokhi ahihdo lah. Jurü alala thrütkhülaa, athrütkhi hümnü alomiküp alala she mazühde alabah de inü lümchoh.

YUNIRÜBO RHIMO 10:42

Tüsho apinü mihtsürübo ki thsangyuthsangrapü isa ki thiyukhüm, tüsho rhangdung lakhi le asherü kurungkheak mahkhaprü thsüpü Thrünpuhnü amokhitkhi thiyumütsan thsüpü jih.

YUNIRÜBO RHIMO 15:32

Juda tüsho Sila, wukihrübo a le thiyu ahihdonü keoniorübo tuthsukde düküngshih.

YUNIRÜBO RHIMO 20:11

Paulnü arünkihkhi lim yükihlobah yikhap yihnak tüsho tsüh. Apinü ayinkhi khiungde asukachihbah chamachih.

YUNIRÜBO RHIMO 20:2

Küyimki apinü harü alala ching yüde mulong tuthsukyu ahihdo thakhea, apinü Greece ching arü.

YUNIRÜBO RHIMO 20:21

mulong müthride Thrünpuh kilim rholopü tüsho isa Atungpuh Jisu kheak akin lashihpü Jihudarü tüsho Greekrü chido ki inü thiyumütsan thsü.

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 20:9

Tüsho athrününgtsüng mihtsürü amung Eutika ju ayinripit ching binde alakheah. Paulnü ruhde athachoki yapshede yü; yapshea lakhi hode rünkih mahsampü kheaknü ayokhi tüsho shea shuhmusu.

YUNIRÜBO RHIMO 28:23

Arünü Paul shorupü nimung akhukhit, tüsho ahihkhüh api lapung ching arü. Yapsunü are khiungde apinü Thrünpuh kiulongthsü dünkheak thanakde arü ki zhiyuk tüsho Mosa yakzan le wukihrübo chingnü arü ki Jisu dünkheak thapü mürang.

YUNIRÜBO RHIMO 4:36

Junangde amüsüh-thsangyurübonü Barnaba (amütsan, mulong toshihkhi tsührü), Saipra chingnü azübekhi Levirü Josepnü

2 KORINT 5:20

Jumonü Thrünpuhnü isa hode tuthsukkhi nangde, isa ju Khrista yo limburü ah. Khrista thsung thsüde isanü nüsa ki mushuchoh: Thrünpuh kheak tsüarihang.

2 KORINT 6:17

Jumonü arü kheaknü akhiukang, tüsho arü kheaknü chamkhiang, Atungpuhnü thachoh, tüsho amümüsüh tümü düqiu; tüsho inü nüsa leangkhibah,

GALATIA 5:3

Shepünü tsütabahchonü apinü yakzan alala anipü kamchoh de mihtsürübo aban ki inü thiyumütsan thsülochoh.

EFISIA 4:17

Kheaküa khiungkerü amüthülünkhi lümkhi nangde nüsa düla de inü Atungpuh mung chingnü mütsande thachoh;

YUZÜNGTHALO 32:5

Arünü api ki thsümünimde rhimodo, arü kheak lapha kihkhinü arübo kheaküa api tsührü yung; arübo bephülapkhi tüsho akhürang lün.

FILIPI 2:15

junangde nüsa areak mükihde tüsho amülim mülade, ha akhürang tüsho bephülap lün ching Thrünpuh tsührübo thsüde, arü bolung alomiküp ching ayin nangde tahde,

1 TESALONIKA 2:11

tümüde buhrünü tsührübo ki nangde isanü nüsa aban ki thsangdankhi nüsanü mükheahlah.

1 TIMOTHI 4:16

Nü rhangdung tüsho nü thsangyukhi aheangang. Ju kheak ramloang, junangde ju rhimokhi hode nü tüsho nü ki anirü chido khümkhitbah.

1 PETER 5:12

Athülünkhi keoniorübo de inü khejihde alakhi Sila arung hode, ha atsütsü Thrünpuh amüthsüm ah de tuthsukde tüsho khipkhitde inü nüsa kilim akhihkhühnü thrütchoh.