YUNIRÜBO RHIMO 2:4 - AMÜSÜH HÜM CL Bible (BSI)

⁴ Tüsho arü alala Amüsüh Menü mide kam tüsho Menü athakhukshihkhinü püpürü yutha chingnü athapü tankih.

YUNIRÜBO RHIMO 2:4 Iomraidhean Croise

2 SAMUEL 23:2

Atungpuh menü I hode asukchoh, api yu I mulo kheak kihlah.

ISAIA 28:11

Tsükjide, mulo duhduhrü tüsho khiungkerü yuthanü apinü ha mihtsürübo ki asukbah,

ISAIA 59:21

Tüsho I thsungkheak a, ha arü ki inü tangzüngkhi lah, Atungpuhnü thachoh: nü kheak lakhi I me, tüsho inü nü mün ching yukjihkhi I yubo nü mün chingnü, yungsho nüsa tsührübo mün chingnü, yungsho nüsa tsührü tsührübo mün chingnü kheakünü ründe tüsho lünnü müchamachih, Atungpuhnü thachoh.

JEREMIA 6:11

Tüshe I a Atungpuh bukakhiukkhinü milah; inü ju marümkhuk. Ju kiudunglimro azürübo kheak dungkihang, tüsho athunurü mukhungkhi kheak she; niube niubuh tüsho shinbe shinbuh chido lude atsobah.

EZEKIEL 3:11

Kheakü ramtso ching nü lomi mihtsürü kilim yüang tüsho arü ki asukang. Arünü anini she manini she thaang, ‘ Wuto Atungpuhnü ha thachoh.’ ”

MIKA 3:8

Tüshe I thsungkheak a, Jakob ki apinü alakmihkhi tüsho Israel ki api neak thapü, I kheak wu, Atungpuh me, thiyuro tüsho sühmühnü mide lah.

MATHI 10:19

Tüshe arünü nüsa ramchoki nüsanü küde athaba yungsho tümü thaba de mulong düsansan. Tümütüsho nüsanü tümü thabeanü ju kim ching nüsa kilim jihbah;

MARK 16:17

Tüsho sherünü akinbanü amütsan harü labah: I mung chingnü arünü amünean mebo yankhitbah; arünü püpürü yuthabo thabah;

LUKNÜ ATHRÜTKHI THIYUSHEAK-ATSÜ HUHTANYU 1:15

Tümüde api ju Atungpuh miki ato labah, tüsho yukhu yungsho amüshangbe muyung. Api ju abe nuyam chingnü Amüsüh Menü mide alabah.

LUKNÜ ATHRÜTKHI THIYUSHEAK-ATSÜ HUHTANYU 1:41

Tüsho küyimki Marinü salüm jihkhi Elizabethnü asokhea, khungarünü abe nuyam chingnü juk; tüsho Elizabeth ju Amüsüh Menü mide kam.

LUKNÜ ATHRÜTKHI THIYUSHEAK-ATSÜ HUHTANYU 1:67

Tüsho abuh Zakaria Amüsüh Menü mide kambah müchitde tha,

LUKNÜ ATHRÜTKHI THIYUSHEAK-ATSÜ HUHTANYU 12:12

Tümüde nünü tümü thabeanü Amüsüh Menü ju kim ching thsangyubah.”

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

LUKNÜ ATHRÜTKHI THIYUSHEAK-ATSÜ HUHTANYU 4:1

Judüki Jisu Amüsüh Menü mide Jordan chingnü arülo tüsho Menü sunglo ching bede yübah

JOHAN 14:26

Tüshe I mung chingnü I Buhnü athiyipü lakhi arungrü, Amüsüh Menü nüsa ki alala thsangyubah, tüsho inü nüsa ki thakhi alala lümkhitshihbah.

JOHAN 20:22

Küyimki apinü ha thakheanü arü kheak sheak mütkih tüsho tha, “Amüsüh Me leangkhiang.

YUNIRÜBO RHIMO 1:5

Johannü kenü bapti, tüshe nimung anükhüh labah Amüsüh Menü nüsa baptibah.”

YUNIRÜBO RHIMO 1:8

Tüshe küyimki Amüsüh Me nüsa kheak arübanü nüsanü wu leangkhibah; tüsho nüsabo ju Jirusalem, Judea tüsho Samaria alala ching, tüsho alomi akheam khiungde I thsungkheak thiyumütsanbo labah.”

YUNIRÜBO RHIMO 10:46

Tümüde arünü arübo ju püpürü yutha chingnü thade tüsho Thrünpuh shide so. Judüki Peternü khipkhit,

YUNIRÜBO RHIMO 10:47

“Isa nangde harü mihtsürü Amüsüh Me leangkhia larü baptipü khürünü azhipdopü kukla de?”

YUNIRÜBO RHIMO 11:15

Inü thiyu thapü tankihchoki, atan isa kheak nangde Amüsüh Me arü kheak yükih.

YUNIRÜBO RHIMO 11:24

tümüde api ju Amüsüh Me tüsho akinnü mide alakhi mihtsürü atsü lakheah. Tüsho boto ahihkhüh Atungpuh kilim bedarü.

YUNIRÜBO RHIMO 13:52

Tüsho akinrübo ju asühachihkhi tüsho Amüsüh Menü mide alakheah.

YUNIRÜBO RHIMO 13:9

Tüshe Paul de ajikhi Saulnü Amüsüh Menü mibah api kheak kheahkih

YUNIRÜBO RHIMO 15:8

Mulong mükheahbuh Thrünpuhnü isa ki rhimokhi nangde Amüsüh Me jihde arü leangkhikhi huh;

YUNIRÜBO RHIMO 19:6

Tüsho küyimki Paulnü arü kheak akhah nimkihkhea, Amüsüh Me arü kheak arü; arünü püpürü yuthabo chingnü thade müchit.

YUNIRÜBO RHIMO 2:11

Jihudarü le khiungkerü chido Judearü kamabah, tüsho Kreterü le Arabrü–amüyinsahbe Thrünpuh rhimo thsüde arünü isa yutha chingnü athakhi isanü so.”

YUNIRÜBO RHIMO 2:3

Judüki arünü mo nangde thiyutha chamnakkhibo ngü, tüsho arü aban kheak yükih.

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.

YUNIRÜBO RHIMO 4:8

Judüki Peternü Amüsüh Menü mibah arü ki tha, “Mihtsürübo yo yakzanshuhrübo tüsho azothsürübo,

YUNIRÜBO RHIMO 6:3

Jumonü keoniorübo, nüsa bolung mung atsü larü, Amüsüh Me tüsho lümlungnü mide alarü isanü ha rhimo ching zojihpü thsüde nüsa bolungnü mihtsürü thüne mokhitang;

YUNIRÜBO RHIMO 6:5

Ju thakhinü boto alala asühshih. Tüsho arünü akin tüsho Amüsüh Menü mide alakhi Stephen, Philip, Prokora, Nikamor, Timon, Parmena, tüsho Antiok chingnü khiungkerü Nekola mokhit.

YUNIRÜBO RHIMO 6:8

Tüsho Stephennü akin tüsho wunü mide mihtsürü bolung khinthiyinbe tüsho amüyinsahbe atobo rhimo.

YUNIRÜBO RHIMO 7:55

Tüshe Amüsüh Menü mide apinü yinmi lim kheah tüsho Thrünpuh müretah tüsho akhah tsülim Jisu zhipde ngü;

YUNIRÜBO RHIMO 8:17

Jushu arünü arü kheak khahbo nimkih tüsho Amüsüh Me leangkhi.

YUNIRÜBO RHIMO 9:17

Jumonü Ananianü tsahmusu tüsho thüyam ching ju yüzah. Tüsho akhahbo api kheak nimde tha, “Keoniorü Saul, nü mük bitshihpü tüsho Amüsüh Menü mide akamshihpü, limro ching nü ki akhiukbuh Atungpuh Jisunü I nü kilim thiyikheah.”

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

1 KORINT 12:10

püpü kilim khinthiyinbe rhimopü, püpü kilim müchitpü, püpü kilim mebo dükeak kheahkhitkhukpü, püpü kilim thiyutha aphuaphu, püpü kilim thiyuthabo thanakpü lah.

1 KORINT 13:1

Inü mihtsürübo tüsho yunirü yuthabo chingnü thatha she, amuzho mülasho I ju yinchi kingkhi yungsho larüp kingachihkhi düsheak khülang ah.

1 KORINT 13:8

Amuzho küyimkishe mükheam; tümüde müchitkhibo hode tsoabahbah; thiyuthabo arün thsübah; mükheahmudu hode tsoabahbah.

1 KORINT 14:18

Nüsa alala kheaknü alü inü thiyuthabo chingnü athakhi Thrünpuh ki makshe jihchoh;

1 KORINT 14:5

Kheakü inü nüsa alalanü thiyutha ching thashihnelah, tüshe alü müchitshihnelah. Athanakrü khürü labah borü düküngshihpü müthsüsho, shepünü müchitchonü thiyutha chingnü atharü kheaknü atobe ah.

EFISIA 3:19

tüsho mükheahmudu zhichoki Khrista amuzho mükheahpü labah, junangde Thrünpuh khiukdahkhinü nüsa mide akambah.

EFISIA 5:18

Tüsho yukhunü dümüshang, tümüde ju athsümünimbe lah; tüshe Menü mishang.

EFISIA 6:18

Kim alala ching tamkhüntamnü mungji alala tüsho amushukhi bede Me chingnü tamkhüntamnüang. Ju khiungde amüsührü alala thsungkheak mushujihde aroride kurhangang.

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.

2 PETER 1:21

tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.

1 SAMUEL 1:14

Jumonü Elinü alibe ki tha, “ Külokhüh nünü nü müshanga huhba? Nü yukhu ju bahkhiang.”

1 SAMUEL 10:10

Küyimki arü ju chingnü Gibeath lim yüde alakhea, wukihrü boto khülangnü api shoru; tüsho Thrünpuh me api kheak la, tüsho api she arü bolung müchitmudude kam.