YUNIRÜBO RHIMO 2:39 - AMÜSÜH HÜM CL Bible (BSI)

³⁹ Tümüde alokhikhi ju nüsa le nüsa tsührübo tüsho limshu ching larü, Atungpuh isa Thrünpuhnü ajirü aban kilim lah.”

YUNIRÜBO RHIMO 2:39 Iomraidhean Croise

ISAIA 44:3

Tümüde inü akung lo kheak ke dungkihbah, tüsho alo akung kheak yungzü lashihbah; inü nü tsühsoniuso kheak I me dungkihbah, tüsho nü münü kheak I müngühmühibo jihbah.

ISAIA 54:13

Nü tsührü alala Atungpuhnü thsangyubah, tüsho nü tsührü mungtsü tüsho latsühlayung labah.

ISAIA 57:19

Limshu tüsho aphüni ching, mungtsü, mungtsü, Atungpuhnü thachoh; tüsho inü arü thsüngubah.

ISAIA 59:19

Jumonü aniyüzahlim Atungpuh mung trebah, tüsho aniakhiuklimrünü api müretahkhi trebah; tümüde ke bukkhi nangde api arübah, junangde Atungpuh pung yünbah.

ISAIA 59:20

Rhokhitrü Zion ching, tüsho Jakob ching arü neak chingnü rholorü kilim api arübah, Atungpuhnü thachoh.

ISAIA 65:23

Arünü akeangkeang ching mürhimo, yungsho thsümütsü thsungkheak tsührü müzübe; tümüde arübo Atungpuhnü müngühjihkhi münü labah, tüsho arü tsühsoniusobo she ju ruk labah.

EZEKIEL 37:25

Inü I yamlarü Jakob kilim jihkhi nüsa jipürü lakhi lo ching arübo labah; arü le arü tsührü tüsho arü tsührü tsührübo lünnü ju ching labah; tüsho I yamlarü David lünnü arü yakzanshuhrü thsübah.

JOEL 2:28

Ju dunglim inü alala kheak I me dungkihbah; nüsa tsührübo tüsho nüsa tsührübebonü müchitbah, azobuhrübonü milimbo mibah, tüsho athrününgtsüngbonü michihbo ngübah.

JOEL 2:32

Judüki sherünü Atungpuh mung jibanü akhümkhitbah; tümüde Atungpuhnü athakhi nangde, Zion Müzüng tüsho Jirusalem ching atsokhitrü labah, tüsho rhangdung larü bolung ching Atungpuhnü ajirü labah.

YUNIRÜBO RHIMO 10:45

Tüsho Peter lung arükhi tsütabahrü bolung akinrübonü müyinsah, tümütüsho khiungkerü kheak she Amüsüh Me dungkih.

YUNIRÜBO RHIMO 14:27

Küyimki arübo akhiungkhea, arünü borü rukhüh bemukhung tüsho Thrünpuhnü arü ki rhimokhi tüsho apinü khiungkerü kilim akin ripit khimshuhkhi alala kheana huh.

YUNIRÜBO RHIMO 15:14

Thrünpuhnü arü bolungnü api mihtsürü thsüpü bea lude akhuhde khiungkerü rhuakheahkhi Simonnü thanaka huhdo.

YUNIRÜBO RHIMO 15:3

Jumonü borünü ane limro ching yüshihkhi nangde khiungkerü mulong müthrikhi thiyusheak jihde Phoenikia tüsho Samaria hode yü, tüsho ha yusheaknü keoniorü alala khide asühshih.

YUNIRÜBO RHIMO 15:8

Mulong mükheahbuh Thrünpuhnü isa ki rhimokhi nangde Amüsüh Me jihde arü leangkhikhi huh;

ROMRÜ KILIM PAULNÜ ATHRÜTKHI KIHÜM HUHTANYU 11:29

Tümüde Thrünpuh thsambahbo tüsho ajikhibo mululokhukbe ah.

ROMRÜ KILIM PAULNÜ ATHRÜTKHI KIHÜM HUHTANYU 8:30

Tüsho apinü mokhita larü apinü ji; tüsho apinü jia larü alim mütsanjih; tüsho apinü alim mütsanjih-a larü apinü müretahshih.

ROMRÜ KILIM PAULNÜ ATHRÜTKHI KIHÜM HUHTANYU 9:24

Tümüde isa ju Jihudarü chingnü lang yungde khiungkerü chingnü she apinü ajikhi mihtsürübo ah.

ROMRÜ KILIM PAULNÜ ATHRÜTKHI KIHÜM HUHTANYU 9:4

Arü ju tsührü kamkhi müretah, tangzüng, yakzan jihkhi, kingaün, tüsho alokhikhi lakhi ah;

1 KORINT 7:14

Tümütüsho amükinrü niubuhrü ju aniube hode müsühkhitchoh, tüsho amükinrü niuberü ju aniubuh hode müsühkhitchoh. Jude yungsho, nüsa tsührübo mümüsühde alabah, tüshe ha hode arü amüsüh ah.

EFISIA 1:18

nüsa anikhitpü mük khimshuhjihbah, junangde apinü ajikhi mulonglam, amüsührü lung api yamrüplurüp müretah lakhitbo nüsanü amükheahbah,

EFISIA 2:12

junangde ju kim ching nüsa Khrista mülade, Israel boto-lakhit chingnü chamkhide tüsho alokhikhi tangzüng chingnü limshude, alomiküp ching mulongram tüsho Thrünpuh mülade alakheah.

EFISIA 4:4

Nüsa mulonglam khülang ching jia lakhi nangde pang khülang tüsho Me khülang,

YUZÜNGTHALO 29:15

tüshe Atungpuh isa Thrünpuh miki isa lung zhiprü, tüsho khihni isa lung mülarü ki she thsüchoh.

2 TESALONIKA 1:11

Hamonü isa Thrünpuhnü nüsa apinü ajikhi thülünde akamshihpü, tüsho api wu hode akinnü apungkhikhi rhimo atsü aban akuk ngübah,

2 TIMOTHI 1:9

shepünü isa khümkhit, tüsho amüsüh jikhi ching isa jikhea, isa rhimobo dünkheaknü yung, tüshe api lümkhi tüsho adüso kambo ching Jisu Khrista hode apinü isa kilim jihkhi amüthsüm dünkheaknü,

IBRI 3:1

Jumonü, yinmi limnü ajikhi ching shihcham lurü amüsüh keoniorübo, Jisu ju isanü alokhikhi amüsüh-thsangyurü tüsho achangbe amükeamrü de lümang.

IBRI 9:15

Jumonü api ju aso tangzüng limburü ah, junangde sherü jia lanü alokhikhi lün yamrüplurüp leangkhibah, tümütüsho akhuhbe tangzüng bukkhüp thsümünimkhi chingnü arü rhokhitpü ashekhi dünji.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

2 PETER 1:10

Jumonü keoniorübo, nü jikhi tüsho mokhitkhi mütsanpü alü künang, tümüde nünü ha rhimosho küyimkishe nü mülakphah.

2 PETER 1:3

Api müretah tüsho atsünü isa jibuh isanü mükheahkhi hode isa rhangdung thsungkheak yihnüpü lakhi tüsho kinde alapü api amüsüh wunü lüpdükhi isa kilim jih.

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 19:9

Yunirünü I ki tha, “Ha thrütang: Namfimihnunu yamkhün kamkhi thünio ching jiyukrü müngühmühi.” Tüsho apinü I ki tha, “Harü ha Thrünpuh thiyuro yubo ah.”