YUNIRÜBO RHIMO 2:38 - AMÜSÜH HÜM CL Bible (BSI)

³⁸ Tüsho Peternü arü ki tha, “Nüsa mihbüm abannü nüsa neak bahpü thsungkheak Jisu Khrista mung chingnü mulong müthriang tüsho baptiang; tüsho nüsanü Amüsüh Me thsambah leangkhibah.

YUNIRÜBO RHIMO 2:38 Iomraidhean Croise

ISAIA 32:15

achang kheaknü me khülang isa kheak mudungkihyi khiungde tüsho sunglo ju aso-asokhi lu mükamyi khiungde, tüsho alo atsü lu murung nangde mükamyi khiungde alabah.

ISAIA 59:20

Rhokhitrü Zion ching, tüsho Jakob ching arü neak chingnü rholorü kilim api arübah, Atungpuhnü thachoh.

ISAIA 59:21

Tüsho I thsungkheak a, ha arü ki inü tangzüngkhi lah, Atungpuhnü thachoh: nü kheak lakhi I me, tüsho inü nü mün ching yukjihkhi I yubo nü mün chingnü, yungsho nüsa tsührübo mün chingnü, yungsho nüsa tsührü tsührübo mün chingnü kheakünü ründe tüsho lünnü müchamachih, Atungpuhnü thachoh.

EZEKIEL 39:29

tüsho inü Israel yamkhün kheak I me dungkihchoki, inü arü kheaknü I miro müjiklo, Atungpuh Thrünpuhnü thachoh.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

MATHI 28:19

Jumonü yüang tüsho Abuh, Atsührü tüsho Amüsüh Me mung chingnü baptide trükshih alala jingyanrübo kamshang,

MATHI 3:2

tüsho tha, “Mulong müthriang, tümüde yinmi kiulongthsü thüninde lah!”

MATHI 3:6

tüsho arü neakbo alokhide apinü Jordan ching arübo baptijih.

MATHI 4:17

Ju kim chingnü Jisunü thsangyuthsangrapü tankih, “Mulong müthriang, tümüde yinmi kiulongthsü thüninde lah.”

MARK 1:15

tüsho tha, “Kim khiungdo, tüsho Thrünpuh kiulongthsü thüninde lah. Mulong müthriang, tüsho thiyusheak-atsü ching kinang.”

MARK 16:16

Shepünü kinde baptibanü akhümkhitbah; tüshe shepünü mükinnü abahyukbah.

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

LUKNÜ ATHRÜTKHI THIYUSHEAK-ATSÜ HUHTANYU 3:10

Tüsho botonü api ki keokhi, “Dale tüsho isanü tümü rhimoba?”

YUNIRÜBO RHIMO 10:43

Sherünü api kheak kinchonü api mung hode neak bahjihkhi leangkhichoh de wukihrübo alalanü api kilim thiyumütsan thsüchoh.”

YUNIRÜBO RHIMO 10:48

Tüsho apinü Jisu Khrista mung chingnü baptipü arü ki thiyukhüm jih. Judüki arünü nimung anükhüh mungpü api ki keokhi.

YUNIRÜBO RHIMO 13:38

Jumonü keoniorübo, ha mihtsürü hode neak bahjihkhi nüsa ki zhiyukdo de mükheahang,

YUNIRÜBO RHIMO 16:15

Tüsho küyimki alibe ju yamkhün bede baptikheanü isa jide tha, “Nüsanü I Atungpuh ki thiyuro lakhi khejihsho, I yam ching arübah binang.” Tüsho alibenü isa ki reangkihde ji.

YUNIRÜBO RHIMO 17:30

Mümükheahkhi kimbo Thrünpuhnü amümürang thsüdo, tüshe kheaküa lüpdükhi ching mihtsürü alala ki mulong müthripü thiyukhüm jihdo,

YUNIRÜBO RHIMO 20:21

mulong müthride Thrünpuh kilim rholopü tüsho isa Atungpuh Jisu kheak akin lashihpü Jihudarü tüsho Greekrü chido ki inü thiyumütsan thsü.

YUNIRÜBO RHIMO 22:16

Kheakü tümüde nünü aleangcho? Asürübah baptiang, tüsho api mung jide nü neakbo müsüh-a bahang.’

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

YUNIRÜBO RHIMO 26:20

tüshe akhuhde Damaska ching larü ki, jushu Jirusalem le Judea lomi alala ching, tüsho khiungkerü ki arünü mulong müthride Thrünpuh kilim rholobah ju thülünde rhimo rhimopü thsüde thsangyuthsangra.

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

YUNIRÜBO RHIMO 8:12

Tüshe küyimki Thrünpuh kiulongthsü yusheak atsü tüsho Jisu Khrista mung thsangyuthsangrakhi hode arünü Philip kheak akin lakhea, arü athrürü tüsho aliberübo chido bapti.

YUNIRÜBO RHIMO 8:20

Tüshe Peternü api ki tha, “Nü yo shotoyinchi nü lung dükheakshang, tümütüsho shonü Thrünpuh thsambah ngübah de nünü lümdo!

ROMRÜ KILIM PAULNÜ ATHRÜTKHI KIHÜM HUHTANYU 6:3

Isa alala Jisu Khrista ching baptirü ju api shekhi ching baptikheah de nüsanü mümükheah de?

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

TITA 3:5

isanü thiyuro-lungki rhimokhi dünkheaknü yung tüshe api amüthsüm hode, zübelode müsühkhitde tüsho Amüsüh Me ching aso kamlode apinü isa khümkhit,

1 PETER 3:21

tüsho ha ke ju kheakü nüsa khümkhitkhi baptikhi amütsan lah–pang chingnü dükhüh throa bahkhi yung tüshe Thrünpuh kilim lümkhi atsünü thiyuchihchimkhi lah. Jisu Khrista arhang kamlokhi hode nüsa khümkhitchoh,