YUNIRÜBO RHIMO 2:36 - AMÜSÜH HÜM CL Bible (BSI)

³⁶ “Jumonü nüsanü ayümkihbuh Jisu ha, Thrünpuhnü api Atungpuh tüsho Khrista kamshihkheah de Israel yamkhün alalanü mütsande mükheahshang.”

YUNIRÜBO RHIMO 2:36 Iomraidhean Croise

JEREMIA 2:4

Atungpuh yu aniang, O Jakob yamkhün, tüsho Israel trük yamkhün alala.

JEREMIA 31:31

Atungpuhnü thachoh, Israel yamkhün tüsho Juda yamkhün kheak inü tangzüng aso thsüpü nimungbo tsükjide arado.

JEREMIA 33:14

Atungpuhnü thachoh, inü Israel yamkhün tüsho Juda yamkhün ki alokhikhi dünjipü nimungbo tsükjide arüchoh.

JEREMIA 9:26

Ijip, Juda, Edom, Amon, Moab, tüsho limshu loshelo ching larü alala. Tümüde ha trükshih alala tsütamübah, tüsho Israel yamkhün alala mulong ching tsütamübah.

EZEKIEL 34:30

Judüki arünü I Atungpuh arü Thrünpuh, arü lung lah, tüsho arübo, Israel yamkhün ju I mihtsürü ah de mükheahbah, Atungpuh Thrünpuhnü thachoh.

EZEKIEL 36:22

Jumonü Israel yamkhün ki thaang, Atungpuh Thrünpuhnü ha thachoh: Ha nü thsülimnü inü arhimopü thsüchoh yung, O Israel yamkhün, tüshe nü arüpung trükshih bolung nünü müneanjihkhi I mung amüsüh thsülimnü ah.

EZEKIEL 36:32

Ha nü thsülimnü inü arhimopü thsüchoh yung, Atungpuh Thrünpuhnü thachoh; ju nünü mükheahang. Nü limrobo thsungkheak achihang tüsho lümchihyuk ngüang, O Israel yamkhün.

EZEKIEL 45:6

Amüsüh lomi chamnak shihcham zokhi yean nüsanü kiuto lopung thsüpü atolim khahnap 5000, tüsho ashanglim khahnap 25,000 zoang; ha Israel yamkhün athrünkhi yo thsübah.

ZEKARIA 13:1

Ju nimung David yamkhün tüsho Jirusalem ching larü thsungkheak arü neak tüsho mümüsühkhi chingnü arü müsühkhitpü kenü khülang yahshungbah.

LUKNÜ ATHRÜTKHI THIYUSHEAK-ATSÜ HUHTANYU 2:11

tümüde khihni nüsa kilim David kiuto ching akhümkhitrü, Atungpuh Khrista zübea lah.

YUNIRÜBO RHIMO 2:35

inü nü riribo nü jing-jungpung mükamshihyi khiungde.’

YUNIRÜBO RHIMO 5:28

“Ha buh mung chingnü müthsangyupü isanü nüsa ki müküpde thiyukhüm jihkhi yung de? Kheahang, nüsa kingaün-yakzannü Jirusalem mide kamshihdo, tüsho ha mihtsürü shekhi isa mudopü lümchoh!”

2 KORINT 5:10

Tümüde isa alala Khrista thiyukhap binkiu miki labah, junangde mihbüm abannü pang ching rhimokhi ayannü atsü yungsho amütsü leangkhibah.