YUNIRÜBO RHIMO 2:30 - AMÜSÜH HÜM CL Bible (BSI)

³⁰ Jumonü wukihrü thsümonü, tüsho api kiulongthsü-binkiu kheak anihbuh tsühsoniuso bolungnü khülang binshihpü Thrünpuhnü api ki thiyuchihchimkhi mükheahde,

YUNIRÜBO RHIMO 2:30 Iomraidhean Croise

2 SAMUEL 23:2

Atungpuh menü I hode asukchoh, api yu I mulo kheak kihlah.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

JEREMIA 30:9

Tüshe arünü A TU N GPU H arü Thrünpuh tankihbah tüsho inü arü thsungkheak asürüshihkhi David kiulongthsüpuh tankihbah.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

MATHI 22:43

Apinü arü ki tha, “Dale tüsho küde thsah Davidnü me chingnü api ki ‘Atungpuh’ de ajikhea:

MATHI 27:35

Judüki arünü api yümkih, tüsho azan thsüde api khimmih chama lu, junangde wukihrünü athakhi dünjipü lakheah: “Arünü arü bolung I khimmihbo chama lu, tüsho I khimmih thsungkheak arünü azan thsü.”

MARK 12:36

Tümütüsho Amüsüh Me hode Davidnü tha: ‘Atungpuhnü I Tungpuh ki tha, “Inü nü riribo nü jing jungpung mükamshihyikia I khah tsülim binang.”’

LUKNÜ ATHRÜTKHI THIYUSHEAK-ATSÜ HUHTANYU 24:44

Judüki apinü arü ki tha, “Harü ha I nüsa lung lachoki inü nüsa ki, Mosa yakzan tüsho Wukihrübo le Mungshikhünbo ching I dünkheak thaa lakhi alala dünjibah de athakhibo lah.”

YUNIRÜBO RHIMO 1:16

tüsho tha, “I keoniorübo, David hode Amüsüh Menü, Jisu rampü limbebuh kamkhi Juda dünkheak thakhi amüsühyu dünjipü lakheah;

ROMRÜ KILIM PAULNÜ ATHRÜTKHI KIHÜM HUHTANYU 1:3

mihtsürü ayannü David müjih chingnü azübekhi, api tsührü isa Atungpuh Jisu Khrista dünkheak,

ROMRÜ KILIM PAULNÜ ATHRÜTKHI KIHÜM HUHTANYU 15:12

tüsho kheaküshe Isaianü thachoh, “Jesse tsühsoniuso arübah; khiungkerü yakzan shuhpü api arübah tüsho api kheak arünü mulonglam labah.”

2 TIMOTHI 2:8

David kheaknü atrükkhitkhi, ashe chingnü arhang kamlokhi Jisu Khrista lümkhitang. Ha I yo thiyusheakatsü,

IBRI 1:1

Adüso kim tüsho limro ahihdo chingnü wukihrübo hode Thrünpuhnü isa jipürü ki asuk;

IBRI 3:7

Jumonü, Amüsüh Menü athakhi nangde, “Khihni, küyimki nüsanü api düsheak sobanü,

IBRI 4:7

kheaküshe Thrünpuhnü, “Khihni” de nimung püpü zojih. Kam ahihkhüh dunglim apinü David hode asukkhi amüsühyu ching thaa lah; “Khihni nüsanü api yu sochoki, nüsa mulongbo dümüküp.”

IBRI 6:17

Tümütüsho Thrünpuhnü alokhia lakhi, yamrüplurüp lurü ki mümüthrikhi api lümkhi khide mütsande ahuhpü mulongkhinü, apinü ju thiyuchihchimnü adüngakhi thsüdo,

IBRI 7:21

Sherü akhuhlim amükeamrü kamkheanü thiyuchihchim mübede arü rhimo lu, tüshe ha buh a thiyuchihchim lude tha, “Atungpuhnü thiyuchihchimdo tüsho api lümkhi mümüthri, ‘Nü a lün thsungkheak amükeamrü ah.’ ”

2 PETER 1:21

tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.