YUNIRÜBO RHIMO 2:22 - AMÜSÜH HÜM CL Bible (BSI)

²² “Israel mihtsürübo, harü yubo aniang: Nazarethrü Jisu ju khinthiyinbebo, amüyinsahbebo tüsho amütsanbo hode Thrünpuhnü nüsa kilim jih, ju nüsa küdah thsüde mükheahlah.

YUNIRÜBO RHIMO 2:22 Iomraidhean Croise

ISAIA 41:14

Dütre, nü ari Jakob, nü loriloko Israel! Inü nü rungbah, Atungpuhnü thachoh; nü rhokhitbuh ju Amüsüh Israel Thrünpuh lah.

MATHI 12:28

Tüshe Thrünpuh me hode inü amünean me yankhita lasho, Thrünpuh kiulongthsü nüsa kheak arüdo.

MATHI 2:23

Tüsho apinü yübah Nazareth kiuto ching la, junangde wukihrübonü, “Api Nazarethrü de ajibah,” de athakhi dünjipü lakheah.

MATHI 9:8

Küyimki botonü ju ngükhea, arünü müyinsah, tüsho mihtsürü kilim hadürü wu jihbuh Thrünpuh shijih.

LUKNÜ ATHRÜTKHI THIYUSHEAK-ATSÜ HUHTANYU 11:20

Tüshe inü Thrünpuh yingkhing hode amünean mebo yankhita lasho, tsükjide Thrünpuh kiulongthsü nüsa kheak arüdo.

LUKNÜ ATHRÜTKHI THIYUSHEAK-ATSÜ HUHTANYU 18:37

Jumonü arünü Nazarethrü Jisu hochoh de api ki tha.

LUKNÜ ATHRÜTKHI THIYUSHEAK-ATSÜ HUHTANYU 24:18

Judüki ane bolung khülang amung Kleopanü api ki alo, “Nü lang Jirusalem ching hanrü a de, tüsho khihnishido dünjikhibo nünü mümükheahkhea de?”

JOHAN 1:45

Philipnü Nathanael ngübah tha, “Mosa yakzan ching tüsho wukihrübonü thrüta lakhi Josep tsührü Nazarethrü Jisu isanü ngüdo.”

JOHAN 10:37

Inü I Buh rhimobo müthsüsho, I dükin;

JOHAN 11:47

Judüki amükeam putungrü tüsho Pharisirünü kiuthsü-binkiu bemukhungbah tha, “Isanü küde athsüba? Tümütüsho ha mihtsürünü khinthiyinbe hihde rhimochoh.

JOHAN 12:17

Jumonü apinü Lazar kiuyuk chingnü ajikhitchoki tüsho ashe chingnü api arhang kamloshihchoki api lung larü mihtsürünü thiyumütsan thsü.

JOHAN 15:24

Shenü she mürhimokhi inü arü bolung mürhimokhülaa, arü neak mülade alabah; tüshe kheakü arünü ngüdo tüsho I le I Buh chido thraneando.

JOHAN 19:19

Kheakü Pilatnü thiyu thrütbah sangkim kheak yihkih. Tüsho athrütkhi ju ha lakheah: Jihudarü kiulongthsüpuh, nazarethrü jisu.

JOHAN 3:2

Ha mihtsürünü azhing ching Jisu ki arübah tha, “Rabbi, nü a Thrünpuh kilimnü arükhi thsangyurü ah de isanü mükheahlah; tümütüsho api lung Thrünpuh müladüa nünü arhimokhi harü khinthiyinbebo shenü mürhimokhuk.”

JOHAN 4:48

Judüki Jisunü api ki tha, “Nüsabonü amüyinsahbebo tüsho khinthiyinbebo müngüyikia küdüküdü she akinpü yung.”

JOHAN 5:36

Tüshe Johan kheaknü I thiyumütsan atobe lah; tümüde abanshihpü I Buhnü ajihkhi rhimo, tüsho inü rhimode alakhinü Abuhnü I thiyikheah de thiyumütsan thsüchoh.

JOHAN 6:14

Judüki Jisunü khinthiyinbe rhimochoki ngürü mihtsürübonü tha, “Tsükjide ha alomi ching arüpü lakhi wukihrü ah.”

JOHAN 6:27

Adükheakpü lakhi tsühyungbe thsungkheak yung, tüshe Mihtsürü Tsührünü nüsa jihpü lakhi akheam müla rhangdung rünkhiungpü tsühyungbe thsungkheak rhimoang, tümütüsho Abuh Thrünpuhnü api kheak anihbuh amütsan yümkih-a lah.”

JOHAN 7:31

Tüsho mihtsürü ahihkhühnü api kheak kinde tha, “Küyimki Khrista arübanü ha mihtsürünü arhimokhi kheaknü apinü khinthiyinbe alü rhimoba shi?”

JOHAN 9:33

Ha mihtsürü ju Thrünpuh kilimnü yungkhülaa apinü tümü müthsükhukde alabah.”

YUNIRÜBO RHIMO 13:16

Jumonü Paulnü zhip, tüsho akhah hihde tha: “Israel mihtsürü tüsho nüsa Thrünpuh trerübo, aniang.

YUNIRÜBO RHIMO 14:27

Küyimki arübo akhiungkhea, arünü borü rukhüh bemukhung tüsho Thrünpuhnü arü ki rhimokhi tüsho apinü khiungkerü kilim akin ripit khimshuhkhi alala kheana huh.

YUNIRÜBO RHIMO 2:19

Tüsho inü akulim thüning ching khinthiyinbebo tüsho abolim alomi kheak amütsanbo, thiyih, mo, tüsho mokhüh liude ahuhbah;

YUNIRÜBO RHIMO 2:43

Mihtsürü aban kheak atrepü arü; tüsho amüsüh-thsangyurübo hode khinthiyinbebo le amüyinsahbebo ahihdo rhimo.

YUNIRÜBO RHIMO 21:28

Arünü zhi, “Israel mihtsürübo, isa rungang! Isa mihtsürü le yakzan tüsho ha dangpung azhihde lüpdükhi ching alala thsangyukhi mihtsürü ha ah; kheaküshe apinü Greekrü ju arüngyam ching bede yüzahbah amüsüh dangpung müneanjih.”

YUNIRÜBO RHIMO 22:8

Tüsho inü alo, ‘Nü she a Atungpuh?’ Apinü I ki tha, ‘I nünü thsümüchikhi Nazarethrü Jisu ah.’

YUNIRÜBO RHIMO 24:5

Ha mihtsürü ju thsümütsü-jihrü, Jihudarü alala bolung arhungangüm jihbuh ah de isanü yimkhitdo, tüsho Nazarethrü bolung api aberü ah.

YUNIRÜBO RHIMO 26:26

Tümüde kiulongthsüpuhnü hadürü dünkheak mükheahlah, tüsho inü nü ki zuzu thsüde thachoh; nünü harü aban mükheahdo de inü mütsanlah, tümüde hadürü amühit ching ramde mürhimo.

YUNIRÜBO RHIMO 26:9

“Nazarethrü Jisu mung azhihde ahihdo rhimopü inü she alümkheah.

YUNIRÜBO RHIMO 3:12

Küyimki Peternü ju ngükhea, apinü mihtsürübo ki tha, “Israel mihtsürübo, tümü thsükhi nüsanü ha kheak müyinsahcho, yungsho isa wu yungsho isa tsakamkhinü api tsahshihkhi nangde isa kheak kheahcho?

YUNIRÜBO RHIMO 3:6

Tüshe Peternü tha, “I a shotoyinchi tüsho suna müla, tüshe I tümü lanü inü nü kilim jihchoh; Nazarethrü Jisu mung chingnü tsahang.”

YUNIRÜBO RHIMO 4:10

nüsa alala tüsho Israel mihtsürü alalanü, nüsanü yümkihbah Thrünpuhnü ashe chingnü arhang kamloshihkhi Nazarethrü Jisu Khrista mung chingnü ha mihtsürü tsüde zhiplah de mükheahang.

YUNIRÜBO RHIMO 5:35

Tüsho apinü arü ki tha, “Israel mihtsürübo, harü mihtsürü kheak nüsanü tümü thsüchonü kümkangang.

YUNIRÜBO RHIMO 6:14

tümüde Nazarethrü Jisu hanü arüngyam lukbah tüsho Mosa kilimnü arükhi yakli alala müthribah de athakhi isanü sodo.”

2 KORINT 12:12

I amüsüh-thsangyurü ah de amütsankhi nüsa bolung khinthiyinbe tüsho amüyinsahbebo ahihdo khide arümkheamde rhimodo.

IBRI 2:4

Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.