YUNIRÜBO RHIMO 2:20 - AMÜSÜH HÜM CL Bible (BSI)

²⁰ Atungpuh nimung ato tüsho müretah arüpü müngüh, ani ju mitingdo akambah tüsho khinu ju thiyih nangde akambah.

YUNIRÜBO RHIMO 2:20 Iomraidhean Croise

ISAIA 13:10

Tümüde thüning ching chiningbo tüsho chirhangshuhrübonü arü ayin müjih; ani akhiukkhi mitingdo akambah tüsho khinunü nihbuh ayin müjih.

ISAIA 13:15

Shepü angükhitbanü chinkhitde adüchipbah tüsho shepü tholobanü nukshangnü akeamshihbah.

ISAIA 13:9

Kheahang, A TU N GPU H nimung, bukmükede tüsho müshakde bukakhiukde, alomi zhikabahshihpü, tüsho ju chingnü aneakrübo dükheakshihpü arüchoh.

ISAIA 24:23

Judüki khinu mitingdo akambah, tüsho aninü ayin mütah; tümüde Wuto Atungpuhnü Zion Müzüng kheak tüsho Jirusalem ching kiulongthsübah, tüsho api yo azothsürü miki api müretahkhi akhiukbah.

ISAIA 34:8

Tümüde Atungpuhnü royimpü nimung khülang lah, Zion dünkheaknü thsümüchipü kam khülang lah.

JEREMIA 4:23

Inü alomi kheak kheah, tüsho kheahang, ha thsümünima tüsho akeangkeang lah; tüsho yinmi lim kheah, tüsho ayin müla.

JOEL 2:1

Zion ching hulipungpung mütang; I amüsüh müzüng kheak alanang! Lomi mihtsürü alala ajanshang, tümüde Atungpuh nimung arüchoh, ha thüninde lah–

JOEL 2:31

Atungpuh nimung ato tüsho atrebe müngüh ani ju mitingdo akambah, tüsho khinu ju thiyih kambah.

JOEL 3:14

Mahkhappü jindükhün ching mihhihlah, mihhihlah! Tümüde mahkhappü jindükhün ching Atungpuh nimung thüninde lah.

AMOS 8:9

Atungpuh Thrünpuhnü thachoh, inü animuro ani yüzahshihbah, tüsho animuro alomi mitingde akamshihbah.

MALAKI 4:5

Kheahang, Atungpuh nimung ato tüsho atrebe arüpü müngüh inü nüsa kilim wukihbuh Elija arüshihbah.

MATHI 24:29

“Jurü nimungbo ching thsümütsü-ato dunglim yanalünde ani mitingde akambah, tüsho khinunü ayin müjihde akambah; thüning chingnü chiningbo keamkhibah, tüsho thüning sühmühbo niukbah.

MATHI 27:45

Kheakü animuro kim chingnü 3 king khiungde alomi alala ching amiting lakheah.

MARK 13:24

“Tüshe jurü nimungbo ching, thsümütsü dunglim, ani mitingde akambah, tüsho khinunü ayin müjih;

LUKNÜ ATHRÜTKHI THIYUSHEAK-ATSÜ HUHTANYU 21:25

“Tüsho judüki ani ching, khinu ching tüsho chiningbo ching amütsanbo labah; alomi kheak trükshih lümthsünü, tüsho keto ahukde abukkhinü ayingyingkhi labah;

YUNIRÜBO RHIMO 2:19

Tüsho inü akulim thüning ching khinthiyinbebo tüsho abolim alomi kheak amütsanbo, thiyih, mo, tüsho mokhüh liude ahuhbah;

YUNIRÜBO RHIMO 2:21

Tüsho shepünü Atungpuh mung jibanü akhümkhitbah.’

1 KORINT 5:5

ha mihtsürü Arimri kilim jihang, junangde pang ju athsümünimbah tüsho Atungpuh nimung ching api me khümkhitbah.

1 TESALONIKA 5:2

Tümüde Atungpuh nimung ju azhing ching ahührü khülang nangde arübah de nüsanü mükheahlah.

2 PETER 3:10

Tüshe Atungpuh nimung ju ahührü khülang nangde arübah. Judüki thüningbo arungde tsoabahbah; chiningbo atakkhinü niuabahbah, tüsho alomi le ju ching lakhi rhimobo aniuabahbah.

2 PETER 3:7

Ju yunü kheakü lakhi thüningbo tüsho alomi, mahkhap nimung tüsho amükinrü mihtsürü dükheakshihpü khiungde mo thsungkheak akhua zolah.

AMIKHEAKAKHIUKKHI 16:8

Aphüyipü yunirünü api phurusük ani kheak dunga bah, tüsho monü mihtsürü takpü ju ki mülüa lakheah;

AMIKHEAKAKHIUKKHI 6:12

Küyimki apinü ayümdokhi athurukpü khimshuhkhea, inü kheah, tüsho muliuyuk ato lakheah; tüsho ani ju shungliukhim nangde mürakdo, khinu abümnü thiyih nangde kamabah,