YUNIRÜBO RHIMO 2:10 - AMÜSÜH HÜM CL Bible (BSI)

¹⁰ Phrygia le Pamphylia, Ijip tüsho Serene thüninde Libya ching larü; Rom chingnü rhuakheahrü

YUNIRÜBO RHIMO 2:10 Iomraidhean Croise

THRÜNTAN 12:10

Kheakü lomi ching khümzung lakheah, tüsho Abramnü Ijip ching lacholapü yüki, tümüde lomi ching khümzung ju muthsukdakde alakheah.

ESTER 8:17

Kiuto tüsho lomi aban ching kiulongthsüpuh yusheak küyimki khekhea, Jihudarübonü mude asühkhi thünio niode mung. Tüsho lomi ching püpürü mihtsürübo she ahihkhüh Jihudarü kam, tümüde kheaküa arübonü Jihudarübo treabah.

JEREMIA 46:9

Mikhuh yüang, O khorabo, tüsho yingyingde alihang, O khora-lolungbebo! Thirithsürübo mikhuh yüshang: Tsung shuhrü Ethiopia tüsho Put, sanglüh hünkihrü Ludim,

JEREMIA 9:26

Ijip, Juda, Edom, Amon, Moab, tüsho limshu loshelo ching larü alala. Tümüde ha trükshih alala tsütamübah, tüsho Israel yamkhün alala mulong ching tsütamübah.

EZEKIEL 30:5

Ethiopia, Libya, Ludia, Arabia, Kub alala, tüsho müship lomi mihtsürü alala Ijiprü lung nukshangnü akeambah.

DANIEL 11:43

Api ju suna tüsho shotoyinchi rahpungbo, tüsho Ijip lakhi alala yo yakzanshuhrü kambah; tüsho Libyarü le Ethiopiarü api jing ki tsahbah.

HOSEA 11:1

Küyimki Israel azürü lakhea, inü api muzhokheah, tüsho I tsührü nangde Ijip chingnü jikhit.

ZEKARIA 8:20

Wuto Atungpuhnü ha thachoh: Kiuto ahihdo chingnü mihtsürübo kheaküshe arübah;

ZEKARIA 8:23

Wuto Atungpuhnü ha thachoh: Judüki nimungbo ching trükshih yutha aban chingnü mihtsürü 10nü Jihudarü 1 kheak ramlobah, api khimmih kheak zamlobah athabah, “ Isa nü lung yüanü, tümüde Thrünpuh nü lung lah de isanü sodo.”

MATHI 2:15

tüsho Herod müsheyi khiungde ju ching la, junangde Atungpuhnü wukihrü hode, “Ijip chingnü inü I tsührü jikhit,” de athakhi dünjipü lakheah.

MATHI 23:15

Nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürü khülang mulong müthrishihpü alomi tüsho keto hode tsahchoh, tüsho küyimki nüsanü api kukbanü, api ju nüsa kheaknü alü athsümüchi tsührü kamshihchoh.

MATHI 27:32

Arü akhiukde alachoki, Simon de ajikhi Serene ching mihtsürü khülang arünü shoru, tüsho arünü api ki nimkih-a sangkim hanshih.

MARK 15:21

Kheakü arünü Alexander le Rufus büne abuh, Serenerü Simon, lomi chingnü akhiukbah hode ayüchoki Jisu sangkim nimkih-a hanshih.

YUNIRÜBO RHIMO 11:20

Tüshe arü khürü, Saipra tüsho Serene mihtsürü Antiok ching arünü Atungpuh Jisu dünkheak Greekrü ki she thsangyuthsangra.

YUNIRÜBO RHIMO 13:1

Antiok borü ching wukihrübo tüsho thsangyurübo Barnaba, Niger de ajikhi Simeon, Serenerü Lucia, Herod kiulongthsüpuh mahkhappung ching kheyukrü Manaen tüsho Saul lakheah.

YUNIRÜBO RHIMO 13:13

Paul tüsho api müyamrübo Paphos chingnü hantsahmusu tüsho Pamphylia ching lakhi Perga ching arü. Tüsho Johannü arü zojihbah Jirusalem lim alode yü;

YUNIRÜBO RHIMO 13:43

Tüsho sinagog chingnü müzüt dunglim, Thrünpuh amüthsüm ching mutuklode alapü anenü atharü Jihudarü le khiungkerü, Jihudarü kingaün ching mulong müthria larü ahihdonü Paul tüsho Barnaba büne dunglim yan.

YUNIRÜBO RHIMO 14:24

Jushu anenü Pisidia hobah Pamphylia ching arü.

YUNIRÜBO RHIMO 15:38

Tüshe shepü Pamphylia ching tuklobah arü lung rhimo ching müyükheanü Paulnü arü lung mübepü tsülah de lüm.

YUNIRÜBO RHIMO 16:6

Tüsho anenü Phrygia le Galatia lomi hode yü, tümütüsho Amüsüh Menü Asia ching müthsangyuthsangrashih.

YUNIRÜBO RHIMO 17:21

Kheakü ju ching lakhi Athenrü tüsho khiungkerübonü tümüanü aso thakhi tüsho anikhi ching lang kim hoshih.

YUNIRÜBO RHIMO 18:2

Tüsho apinü Pontus chingnü asürükhi Jihudarü amung Aquila, aniube Priscilla bebah Itali chingnü ashude arükhi ngü, tümütüsho Klaudianü Jihudarü alala Rom chingnü atsopü thiyukhüm jih. Tüsho apinü ane shorupü yü;

YUNIRÜBO RHIMO 18:23

Apinü ju ching anükhüh kheak bin tüsho Galatia tüsho Phrygia lomi dangpung khülang chingnü püpü ching yüde akinrü alala düküngshih.

YUNIRÜBO RHIMO 2:11

Jihudarü le khiungkerü chido Judearü kamabah, tüsho Kreterü le Arabrü–amüyinsahbe Thrünpuh rhimo thsüde arünü isa yutha chingnü athakhi isanü so.”

YUNIRÜBO RHIMO 23:11

Ju tsüngre Atungpuh api ki zhipbah tha, “Mulong toang, tümüde nünü Jirusalem ching I dünkheak thiyumütsan jihdo, junangde nünü Rom ching she thiyumütsan thsübah.”

YUNIRÜBO RHIMO 27:5

Tüsho küyimki isanü Kilikia le Pamphylia phüni keto hode ayükheanü Lysia ching lakhi Myra ching arü.

YUNIRÜBO RHIMO 28:15

Ju ching akinrübonü isa arükhi sobah Appia Yinzüyindopung tüsho Hanyam Mahsam khiungde isa shorupü arü. Arü ngübah Paulnü Thrünpuh ki makshe jih tüsho mulong toa lu.

YUNIRÜBO RHIMO 6:5

Ju thakhinü boto alala asühshih. Tüsho arünü akin tüsho Amüsüh Menü mide alakhi Stephen, Philip, Prokora, Nikamor, Timon, Parmena, tüsho Antiok chingnü khiungkerü Nekola mokhit.

YUNIRÜBO RHIMO 6:9

Tüshe zuzu ngükhi mihtsürübo sinagog ching kheyukrü Serene le Alexandria tüsho Kilikia le Asia chingnü Jihudarü Stephen kheak atsangde awusupü tankih,

ROMRÜ KILIM PAULNÜ ATHRÜTKHI KIHÜM HUHTANYU 1:15

Jumonü nüsa Rom ching larü ki she thiyusheak-atsü thsangyuthsangrapü mulungde lah.

ROMRÜ KILIM PAULNÜ ATHRÜTKHI KIHÜM HUHTANYU 1:7

Thrünpuhnü muzhokhi, amüsührü thsüpü jikhi Rom ching larü alala kilim: Isa Abuh Thrünpuh tüsho Atungpuh Jisu Khrista kilimnü nüsa amüthsüm tüsho mungtsü lashang.

2 TIMOTHI 1:17

tüshe küyimki api Rom khiungkheanü apinü künsahde I yim tüsho I ngü.

AMIKHEAKAKHIUKKHI 11:8

tüsho ane ashemibo ju amütsan thsüde Sodom tüsho Ijip de ajikhi, arü Atungpuh yümkihpung, ato kiuto kiudunglimro ching yapbah.