YUNIRÜBO RHIMO 2:1 - AMÜSÜH HÜM CL Bible (BSI)

¹ Küyimki thünimni-thünio nimung khiungkhea, arü alalanü rukhüh dangpung khülang ching mukhung.

YUNIRÜBO RHIMO 2:1 Iomraidhean Croise

2 KIUTHSÜYUKHEAN 30:12

Kheaküshe kiulongthsüpuh tüsho atorübo ki Atungpuh yunü thiyukhüm jihkhi kheak mulong khülangnü arholopü Thrünpuhnü Juda kheak rhimode alakheah.

2 KIUTHSÜYUKHEAN 5:13

Atungpuh kilim rüpde mungshipü tüsho makshe jihpü ju hulipungpung mütrü tüsho khün thsürü rhimo lakheah, tüsho küyimki hulipungpung, larüp tüsho püpü kingzükingdobe shuhbah Atungpuh shide khün thsükhea, “Tümüde api tsülah, tümüde apinü düküngde muzhokhi lünnü lah,” Atungpuh yam ju amonü miabah,

MUNGSHIKHÜN 133:1

Keoniorü rukhüh arihako ching lachoki küdükhüh atsü tüsho asühachihpü la!

ABEKHIT 23:16

Nüsanü thulu ching mükheankhi akhuh asokhi hibo Yimlukhi Thünio laang; tüsho nüsanü thulu chingnü hibo Hanmukhungkhi Thünio laang.

ABEKHIT 34:22

Nüsanü wheat hi akhuh yimluchoki Yimlu Thünio mungang tüsho mumükin ching Hanmukhungkhi Thünio mungang.

JEREMIA 32:39

Inü arü kilim mulong khülang tüsho limro khülang jihbah, junangde arü tsükhi tüsho arü dunglim arü tsührübo tsükhi dünkheak lünnü arünü I trebah.

ZEPHANIA 3:9

Ju kim ching inü mihtsürübo kilim atsangkhit yutha khülang jihbah, junangde arü alalanü Atungpuh mung jibah tüsho arihako khülangnü api tankihbah.

YUNIRÜBO RHIMO 1:5

Johannü kenü bapti, tüshe nimung anükhüh labah Amüsüh Menü nüsa baptibah.”

YUNIRÜBO RHIMO 1:8

Tüshe küyimki Amüsüh Me nüsa kheak arübanü nüsanü wu leangkhibah; tüsho nüsabo ju Jirusalem, Judea tüsho Samaria alala ching, tüsho alomi akheam khiungde I thsungkheak thiyumütsanbo labah.”

YUNIRÜBO RHIMO 2:46

Tüsho nimung aban arüngyam ching rukhüh mukhungde tüsho arü yambo ching yikhap yihnakde, arünü mulong asühde tsühyungbe tsüh,

YUNIRÜBO RHIMO 20:16

Tümütüsho Paulnü Asia ching kim mübahpü thsüde Efisia tsahhopü pungkhi; tümüde apinü akuk thürün thünimni-thünio nimung Jirusalem khiungpü niokheam.

YUNIRÜBO RHIMO 4:24

Küyimki arünü ju sokhea, arünü rukhüh thsübah Thrünpuh ki zhi: “Atungpuh, nü a thüning le alomi, keto, tüsho ju ching alala thrünkhi Thrünpuh ah.

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.

YUNIRÜBO RHIMO 4:32

Kheakü akinrü borü ju mulong tüsho me khülang lakheah, tüsho shenü she nihbuh kukruk ju api yo ah de mütha, tüshe lüpdükhi rukhüh yo lakheah.

YUNIRÜBO RHIMO 5:12

Amüsüh-thsangyurübonü khinthiyinbe tüsho amüyinsahbebo ahihdo mihtsürü bolung rhimo. Tüsho arü alala rukhüh Solomon yam ayinkhe khüp lakheah.

ROMRÜ KILIM PAULNÜ ATHRÜTKHI KIHÜM HUHTANYU 15:6

junangde rukhühnü nüsa düsheak khülang thsübah isa Atungpuh Jisu Khrista Abuh tüsho Thrünpuh müretahbah.

1 KORINT 16:8

Tüshe I thünimni-thünio khiungde Efisia ching mungbah,

FILIPI 1:27

Nüsa rhangdung yakli ju lang Khrista thiyusheak-atsü thülünde laang, junangde I arübah nüsa shoruru she yungsho mülalashe, thiyusheak-atsü akin thsungkheak lümkhi khülang thsübah thripkhüh thripkhüh mürangde me khülang ching nüsa düküngde azhipkhi inü asobah.

FILIPI 2:2

ju lümkhi, amuzho, arihako tüsho lümkhi khülangnü I asühkhi banthsangshang.