YUNIRÜBO RHIMO 19:33 - AMÜSÜH HÜM CL Bible (BSI)

³³ Boto ching khürünü Alexander kheak kihlah de tha, tümüde Jihudarübonü api mikhuh ching arüshih. Tüsho Alexandernü mihtsürübo zhipdode malanshihpü api khah niuk.

YUNIRÜBO RHIMO 19:33 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 1:22

Tüshe küyimki api akhiukkhea, apinü arü ki masukkhuk; tüshe apinü arüngyam ching michih khülang ngüa lah de mükheah, tümüde apinü arü ki akhah hita huh tüsho thiyu müthakhukde alakheah.

YUNIRÜBO RHIMO 12:17

Tüshe apinü arü ki malanpü akhah niukde thabah, künangde Atungpuhnü rihyam chingnü api bekhitkheanü kheana huh. Tüsho apinü tha, “Ha Jakob tüsho keoniorü ki thaang.” Jushu apinü chamachih tüsho püpü lim yü.

YUNIRÜBO RHIMO 13:16

Jumonü Paulnü zhip, tüsho akhah hihde tha: “Israel mihtsürü tüsho nüsa Thrünpuh trerübo, aniang.

YUNIRÜBO RHIMO 19:34

Tüshe küyimki arünü api ju Jihudarü ah de amütsankhea, kimkhü 2 bande arü alala düsheak rukhühnü zhi, “Efisiarü yo Artema ato ah!”

YUNIRÜBO RHIMO 21:40

Küyimki apinü anihbuh ki mülüjihkhea, Paulnü adamkhi kheak zhipbah mihtsürübo ki akhah hit. Tüsho küyimki jikshe müthsükheanü, apinü arü ki Ibri yutha chingnü tha:

YUNIRÜBO RHIMO 24:10

Küyimki kovünornü api ki thiyu thapü athsungkheanü Paulnü alo: “Ha trükshih kurungkheak kam ahihdo mahkhaprü lakheah de mükheahbah, inü asühde reanglode thachoh.

FILIPI 1:7

Inü nüsa alala thsungkheak lümpü alungki lah, tümütüsho inü nüsa I mulong ching hanlah, tümüde I rihyam ching lachoki tüsho thiyusheak-atsü chilopü le mütsanmükhipü ching I lung nüsa alala amüthsüm shihcham lurü ah.

1 TIMOTHI 1:20

Arü bolung mathruajipü anikhitshihpü thsüde inü amünean kilim jihkhi ju Mymenia tüsho Alexander ah.

2 TIMOTHI 4:14

Shoto-yingkingrü Alexandernü I ki tode yuride rhimodo; api rhimobo dünkheak Atungpuhnü ajihlobah.