YUNIRÜBO RHIMO 19:27 - AMÜSÜH HÜM CL Bible (BSI)

²⁷ Junangde isanü arhimokhi mungchih ngüpü lah. Kheaküshe atrebe lakhi ju Asia tüsho alomiküp alala ching kingaünkhi Artema arüngyam akeangkeang kambah tüsho anihbe thukhi thsümünimbah.”

YUNIRÜBO RHIMO 19:27 Iomraidhean Croise

ISAIA 44:17

Aningkhinü apinü thrünpuh, api sangthsü thsüchoh, ju ki khukningchoh tüsho kingaünchoh; apinü tamkhüntamnü tüsho thachoh, “ I khümkhitang, tümüde nü I thrünpuh!”

ZEPHANIA 2:11

Atungpuh mihtrebe thsüde arü azhihbah; apinü lomi thrünpuhbo alala thsümünimbah, tüsho keyeanlobo tüsho kekung-lo trükshihbo alalanü nihbuh dangpung chingnü api ki kingaünbah.

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

MATHI 24:14

Tüsho ha kiulongthsü thiyusheak-atsü alomiküp alala ching thiyumütsan thsüde trükshih alala ki thsangyuthsangrabah, tüsho jushu akheam arübah.

YUNIRÜBO RHIMO 19:10

Ha kam mahne mutuklode yü, junangde Asia ching larü alala, Jihudarü tüsho Greekrü chidonü Atungpuh yu so.

YUNIRÜBO RHIMO 19:21

Harü dünjishu Paulnü Macedonia tüsho Akaia hode Jirusalem lim yüpü lümkihde tha, “I ju ching yüshu, inü Rom she rhuakheahbeah.”

1 TIMOTHI 6:5

tüsho thiyuro mülade tüsho akinkhi ju alarü kampü limro ah de alümkhi mihtsürü dükeak atsangachih akhiukshihchoh;

1 JOHAN 5:19

Isa Thrünpuh yo, tüsho alomiküp athrünkhi amünean wu ching lah de isanü mükheahlah.

AMIKHEAKAKHIUKKHI 13:3

Aku bolung khülang ashebe mü nangde alakheah, tüshe ashebe mü ju nguabah, tüsho alomi lüpdükhinü müyinsahde shiwüh dunglim yan.

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 14:9

Tüsho püpü yunirü, mahsampünü ane dunglim yande düsheak achangnü tha, “Khürünü shiwüh tüsho ju mejak kingaünsho, tüsho api kingkang yungsho khah kheak amütsan yihkih-a lasho,