YUNIRÜBO RHIMO 19:19 - AMÜSÜH HÜM CL Bible (BSI)

¹⁹ Tüsho wurük-huhrübonü arü hümbo hanmukhungde arübah boto mikinü takabah; tüsho jurü adün khekhi ju shotoyinchi nak 50,000 akhiuk.

YUNIRÜBO RHIMO 19:19 Iomraidhean Croise

THRÜNTAN 35:4

Jumonü arünü arü khah ching lakhi khiungkerü thrünpuhbo alala tüsho arü nuku ching lakhi nüpübo alala Jakob kilim jih; tüsho Jakobnü jurü Shekem ching thülamdung khüp ramabah.

1 KIUTHSÜYUKHEAN 10:13

Junangde api thiyuro mülakhi dünkheaknü Saul sheabah; apinü Atungpuh yukhüm mani, ju lang yung, apinü mesherü ki limbeshihpü keokhi,

2 KIUTHSÜYUKHEAN 33:6

Apinü müchitde, dünjiyu thade, wurük thsüde tüsho mesherü le kuhi-kheahrü keokhide Hinnom jindükhün ching api tsührü taka kingaünkhi jih. Apinü khide amütsü Atungpuh miki rhimode api bukakhiukshih.

ABEKHIT 32:20

Tüsho arünü athsükhi moshipung-nunu apinü lubah mo ching takabah; jushu apinü asungthulung kamde dungthünakbah ke ching hiumüzütabah, tüsho Israelrünü ju yungshih.

ABEKHIT 7:11

Tüshe Pharaonü she lümlung larü mihtsürü tüsho wurük-huhrü jide arü; junangde Ijip wurük-huhrübonü she arü wurüknü ju ruk thsü.

ABEKHIT 7:22

Tüshe Ijip wurük-huhrübonü arü wurüknü ju ruk thsü; jumonü Pharao mulong müküpde kamlo, tüsho Atungpuhnü athakhi nangde apinü ane ki mani.

ISAIA 30:22

Judüki nüsanü shotoyinchinü alüpdokhi sangthsübo tüsho sunanü alüpdokhi sangthsübo müneanbah. Thiyih müneankhi khim nangde nüsanü hiumüzüta bahbah; nüsanü arü ki thabah, “Tsoabahang!”

ISAIA 8:19

Küyimki mihtsürübonü dapdaprururü mesherü tüsho me-larü ki keoang de nü ki thabanü, mihtsürübonü arü Thrünpuh ki mükeobea de? Tümüde arhang larü thsung thsüde asherü ki keokhicho?

DANIEL 2:2

Jumonü apinü anihbuh ki amilim thanakshihpü kuhikheahrü, wurük-huhrü tüsho Kaldearü, thümürübo jide arüpü yüshih. Küyimki arü arükhea tüsho kiulongthsüpuh miki zhipkhea,

LEVI 13:52

Akeakkhi yungsho amürhekhi shihnam yungsho azhingzhing khim yungsho shihküpnü athsükhi kheak tukthsü kihsho takabahbah, tümüde ha abube mokri tukthsü ah; ha mo ching takbah.

LUKNÜ ATHRÜTKHI THIYUSHEAK-ATSÜ HUHTANYU 14:33

Ju kiphahde, shepünü nihbuh lakhi alala mübahyuknü I jingyanrü müthsükhuk.

LUKNÜ ATHRÜTKHI THIYUSHEAK-ATSÜ HUHTANYU 15:8

“Yungsho aliberü shepünü shotoyinchi nak 10 labah shonak 1 dükheaksho, tsün takkihbah müngüyi khiungde thüyam phütde düshihde mükheahcho?

YUNIRÜBO RHIMO 13:6

Küyimki arünü kekung-lo hode Paphos khiungde ayükhea, Jihudarü arükchih wukihrü, Bar-Jisu de ajikhi wurük-huhrü ki arübo arü.

YUNIRÜBO RHIMO 13:8

Tüshe wurük-huhrü Ilymanü (Greek yu ching ju api mung) akin chingnü kovünor rholoshihpü zhipdo.

YUNIRÜBO RHIMO 19:18

Akinrü ahihkhühnü arünü arhimokhi boto mikinü thakhitde arü.

IBRI 10:34

Nüsanü aramrü lung thsünürung, tüsho küyimki nüsa kukruk alala yankhia luabahjihkhea, nüsanü asühde adükheakkhi arüm, tümütüsho kheaküshe lünnü tsüpde alabe atsübe lakhi nüsanü mükheah-a lakheah,