YUNIRÜBO RHIMO 19:17 - AMÜSÜH HÜM CL Bible (BSI)

¹⁷ Tüsho Efisia ching larü alala, Jihudarü tüsho Greekrü chidonü ha so; tüsho arü alala trede kam; tüsho Atungpuh Jisu mung wüntrede kam.

YUNIRÜBO RHIMO 19:17 Iomraidhean Croise

2 SAMUEL 6:9

Ju nimung Davidnü A TUN GPU H ki tre; apinü tha, “Küde thsah Atungpuh sangdan inü akümpü kamkhea?”

MUNGSHIKHÜN 64:9

Mihtsürü alalanü atrebah, tüsho Thrünpuh rhimo khipkhitbah; tümüde arünü api rhimo lümlung lade lümakheahbah.

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

LUKNÜ ATHRÜTKHI THIYUSHEAK-ATSÜ HUHTANYU 1:65

Judüki arü mühi larü alala kheak atrepü arü; tüsho Judea lomi alala ching mihtsürübonü ha dünkheak thaachih

LUKNÜ ATHRÜTKHI THIYUSHEAK-ATSÜ HUHTANYU 7:16

Arü alala trede kam; tüsho arünü Thrünpuh müretahde tha, “Isa bolung wukihrü ato khülang asürüdo!” tüsho “Thrünpuhnü api mihtsürü rhua kheahdo!”

YUNIRÜBO RHIMO 13:12

Judüki kovünornü adünjikhi ngübah kin, tümüde Atungpuh dünkheak thsangyukhi apinü müyinsah.

YUNIRÜBO RHIMO 18:19

Arüsam Efisia ching arü, tüsho apinü ane ju ching zojih; tüshe api a sinagog ching yüzahbah Jihudarübo ki atsangachih.

YUNIRÜBO RHIMO 18:21

tüshe arü chamachihde apinü arü ki tha, “Thrünpuhnü mulongsho I nüsa kilim alode arübah,” tüsho apinü Efisia chingnü tsahmusu.

YUNIRÜBO RHIMO 19:1

Küyimki Apollo Korint ching lakhea, Paulnü akulim lomi hode Efisia ching arü. Ju ching apinü jingyanrü khürü ngü.

YUNIRÜBO RHIMO 19:16

Amünean me yüzahkhi mihtsürünü müküpde arü yande müsham tüsho arü alala kukabah. Arübo api yam chingnü yuria bünkeang akhiuk.

YUNIRÜBO RHIMO 19:18

Akinrü ahihkhühnü arünü arhimokhi boto mikinü thakhitde arü.

YUNIRÜBO RHIMO 2:43

Mihtsürü aban kheak atrepü arü; tüsho amüsüh-thsangyurübo hode khinthiyinbebo le amüyinsahbebo ahihdo rhimo.

YUNIRÜBO RHIMO 5:11

Borü tüsho harü sorü alala kheak atrekhi ato arü.

YUNIRÜBO RHIMO 5:13

Püpürü shenü she arü lung bepü mümürang, tüshe mihtsürübonü arü ki khide wüntre jih.

YUNIRÜBO RHIMO 5:5

Küyimki Ananianü harü yubo sokhea, api lunga yap tüsho sheabah. Tüsho ju sorü alala kheak atrekhi ato arü.

FILIPI 1:20

inü mükkin thsükhi tüsho mulonglamkhi yande tümü ching she I achih müngü, tüshe mulong tode, kamruhroro nangde kheaküshe rhangdungnü yungsho ashepünü thsüthsü I pang ching Khrista wüntre labah.

2 TESALONIKA 1:12

junangde isa Thrünpuh tüsho Atungpuh Jisu Khrista amüthsüm yande isa Atungpuh Jisu mung nüsa kheak, tüsho nüsanü api kheak müretahbah.

2 TESALONIKA 3:1

Akheam ching keoniorübo, isa thsungkheak tamkhüntamnüjang, junangde nüsa lung rhimokhi nangde Atungpuh yu nahnahde abubah tüsho wüntrede akambah,

1 SAMUEL 6:20

Judüki Beth-shemesh mihtsürübonü tha, “Shepünü ha amüsüh Thrünpuh, Atungpuh müngüh zhipkhukba? Ha chingnü sangdan she kilim yüshihba?”