YUNIRÜBO RHIMO 18:9 - AMÜSÜH HÜM CL Bible (BSI)

⁹ Tüsho tsüngre khülang Atungpuhnü Paul ki michih chingnü tha, “Dütre, tüshe asukang tüsho zhikde düla;

YUNIRÜBO RHIMO 18:9 Iomraidhean Croise

ISAIA 58:1

Zhiang, dütuklo! Hulipungpung nangde nü düsheak shuhkihang! I mihtsürübo ki arü azhihkhi dünkheak zhiyukjang, Jakob yamkhün ching arü neakbo dünkheak zhiyukjang.

JEREMIA 1:17

Tüshe nü, nü chim rümang; asürang tüsho inü nü ki thiyukhüm jihkhi alala arü ki thaang. Arü miki dütre jude yungsho inü nü arü miki treshihbah.

TÜZHOKHI 3:57

Inü nü jichoki nü phünide arükheah; nünü tha, “Dütre!”

JONA 3:2

“Asürang, kiuto ato Nineve lim yüang, tüsho inü nü ki thakhi thiyusheak ju ching zhiyukang.”

MIKA 3:8

Tüshe I thsungkheak a, Jakob ki apinü alakmihkhi tüsho Israel ki api neak thapü, I kheak wu, Atungpuh me, thiyuro tüsho sühmühnü mide lah.

YUNIRÜBO RHIMO 16:9

Tüsho azhing ching Paul ki michih khülang huh: Macedonia mihtsürü khülangnü zhipbah api ki mushude tha, “Macedonia lim arübah isa rungang.”

YUNIRÜBO RHIMO 18:10

tümüde I nü lung lah, tüsho mihtsürü shenü she nü trünthsüpü mukuk; tümüde ha kiuto ching I mihtsürü ahihkhüh lah.”

YUNIRÜBO RHIMO 22:18

tüsho apinü I ki thade ngü, ‘Niokheamde Jirusalem chingnü wukhiukang, tümütüsho arünü I dünkheak nünü thiyumütsan thsükhi müleangkhi.’

YUNIRÜBO RHIMO 23:11

Ju tsüngre Atungpuh api ki zhipbah tha, “Mulong toang, tümüde nünü Jirusalem ching I dünkheak thiyumütsan jihdo, junangde nünü Rom ching she thiyumütsan thsübah.”

YUNIRÜBO RHIMO 9:10

Kheakü Damaska ching Khristanrü amung Anania lakheah. Atungpuhnü michih ching api ki tha, “Anania.” Apinü alo, “I ha ching lah, Atungpuh.”

1 KORINT 9:1

I zuzu müla de? I amüsühthsangyurü yung de? Inü isa Atungpuh Jisu müngü düpü? Nüsa ju inü Atungpuh lung rhimokhitkhi yung de?

1 TESALONIKA 2:2

tüshe isa Filipi ching küpkhukde achih ngüa lalashe, azhihkhi ato mikhuh ching Thrünpuh thiyusheak-atsü nüsa ki khipkhitpü isa Thrünpuh kheak isa mulong tode alakheah de nüsanü mükheahlah.