YUNIRÜBO RHIMO 18:6 - AMÜSÜH HÜM CL Bible (BSI)

⁶ Tüsho küyimki arünü api azhihde aluhkhea, apinü akhim chingnü asungthulung dütrüna bahde arü ki tha, “ Nüsa thiyih nüsa kubo kheak lashang! Inü a tümü mümükheah. Kheakü I khiungkerü kilim yübah.”

YUNIRÜBO RHIMO 18:6 Iomraidhean Croise

2 SAMUEL 1:16

Davidnü api ki tha, “Nü ku kheak nü thiyih kihbah; tümüde nü münnü nü azhihde thiyumütsan jihde tha, ‘Inü Atungpuh mihtsürü mujudemokhitkhi laksahdo.’ ”

1 KIULONG THSÜRÜ 2:33

Jumonü arü thiyih ju Joab ku kheak tüsho api tsühsoniusobo ku kheak lünnü arülobah; tüshe David, api tsühsoniusobo, api yamkhün, tüsho api kiulongthsü-binkiu kilim a Atungpuh kilimnü lünnü mungtsü labah.”

NEHEMIA 5:13

Tüsho I chim rümkhi shulünkhim dütründe inü tha, “Alokhikhi yande mürhimorü Thrünpuhnü ha ruk dütrünbah. Thrünpuhnü nüsa yambo tüsho nüsa kukruk tümü she maningshihde luakhinbah.” Mukhunga larü mihbüm abannü “Amen!” thsü tüsho Atungpuh mung shi. Tüsho limberübonü alokhikhi yande rhimo.

EZEKIEL 18:13

Apinü sholü lude nipjihchoh. Hadürü mihtsürü alaba de? Api müla! Tümütüsho apinü harü athraneanbe alala rhimodo, api tsükjide asheshihbah tüsho api thiyih anihbuh kheak labah.

EZEKIEL 33:4

judüki khürünü hulipungpung düsheak sobah mukurhangsho, tüsho thiriri arübah arü lude tsosho, arü thiyih ju arü nihbuh ku kheak labah.

EZEKIEL 33:6

Tüshe aheangrünü thiriri arükhi ngübah hulipungpung mümütsho, junangde mihtsürübo mukurhangsho, tüsho thiriri arübah arü khürü lude tsosho, arü mülimkhi ching arübo lude tsodo, tüshe arü thiyih ju inü aheangbuh khah chingnü akheangbah.

LEVI 20:9

Shepünü buhrü yungsho berü athruajibanü dükde asheshihbah. Apinü abuh yungsho abe athruajimonü, api thiyih api kheak kihbah.

MATHI 10:14

Tüsho sherünü nüsa müleangkhiba yungsho nüsa yubo maniba, ju yam yungsho kiuto chingnü nüsa chamachihchoki, nüsa jing kheaknü asungthulung adan khia bahang.

MATHI 21:41

Arünü alo, “Apinü jurü amütsürü thsümüchide asheshihbah, tüsho yimlu kim ching api hi shihcham jihshihpü thsüde kurungasolu ju thulu-mücherü püpürü kilim jihbah.”

MATHI 21:43

“Jumonü inü nüsa ki thachoh, yinmi kiulongthsü ju nüsa kheaknü luakhinbah tüsho aso asoshihpü mihtsürübo kilim jihabahbah.

MATHI 22:10

Junangde yamlarübonü kiudunglimrobo ching yü tüsho arünü angükhi amütsü tüsho atsü chido rukhüh bemukhung. Tüsho arhangrü yam ju hanrünü mide kam.

MATHI 27:25

Tüsho mihtsürü alalanü alo, “Api thiyih isa le isa tsührübo kheak rheakshang.”

MATHI 8:11

Tüsho aniakhiuklim le aniyüzahlimnü ahihdo arübah yinmi kiulongthsü ching Abraham, Isak, tüsho Jakob ki binbah de inü nüsa ki thachoh.

LUKNÜ ATHRÜTKHI THIYUSHEAK-ATSÜ HUHTANYU 22:65

Tüsho arünü api azhihde ahihdo tha.

LUKNÜ ATHRÜTKHI THIYUSHEAK-ATSÜ HUHTANYU 9:5

Tüsho sherünü nüsa müleangkhibanü, ju kiuto chingnü nüsa wukhiukchoki arü azhihkhi amütsan nüsa jing kheak yo asungthulung adankhia bahang.”

YUNIRÜBO RHIMO 13:51

Tüshe anenü arü azhihde ane jing kheak yo asungthulung adankhia bah, tüsho Ikonium ching yü.

YUNIRÜBO RHIMO 26:11

Inü ahihkhüh ki sinagogbo alala ching arü thsümüchi; tüsho arü athruajipü mürang. Arü kheak I bukakhiukde inü arübo khiungkerü kiutobo ching she thsümüchi.

YUNIRÜBO RHIMO 26:20

tüshe akhuhde Damaska ching larü ki, jushu Jirusalem le Judea lomi alala ching, tüsho khiungkerü ki arünü mulong müthride Thrünpuh kilim rholobah ju thülünde rhimo rhimopü thsüde thsangyuthsangra.

YUNIRÜBO RHIMO 28:28

“Junangde ha Thrünpuh akhümkhit khiungkerü kilim yüshihdo de nüsanü mükheahang.”

ROMRÜ KILIM PAULNÜ ATHRÜTKHI KIHÜM HUHTANYU 3:29

Yungsho Thrünpuh ju Jihudarü Thrünpuh lang a de? Api ju khiungkerü Thrünpuh she yung de? Am, khiungkerü thsungkheak she ah,

1 TIMOTHI 5:22

Khah nimkihpü ching düniokheam, yungsho püpürü neak ching düberung; nü tsangkhitde zoang.

2 TIMOTHI 2:25

azhihrü ki azhihayihkhinü thsülangde alabeah. Khükijua, arü mulong müthripü Thrünpuhnü mülüjihbah tüsho thiyuro mükheahde akambah,

1 PETER 4:14

Khrista mung dünkheaknü nüsa mükhemükimsho, nüsa müngühmühi ah, tümüde müretahkhi Thrünpuh Me nüsa kheak lah.

1 PETER 4:4

Tüsho kheakü nüsanü arü lung müdanyukkhi tüsho yancho lakhi ching müberungmonü amükinrübonü nüsa azhihde amütsü thachoh;