YUNIRÜBO RHIMO 18:5 - AMÜSÜH HÜM CL Bible (BSI)

⁵ Küyimki Sila le Timothi büne Macedonia chingnü arükhea, Paul a Jisu ju Khrista lakheah de Jihudarü ki thiyumütsan thsüde thsangyuthsangrade alakheah.

YUNIRÜBO RHIMO 18:5 Iomraidhean Croise

JEREMIA 20:9

Inü tha, “ Inü api mütam, yungsho kheaküa api mung ching masuk,” judüki I mulong ching mo nangde takchoh, I robo ching mükhipchoh; ju ching ramlokhinü I khilah, tüsho inü mukuk.

JEREMIA 6:11

Tüshe I a Atungpuh bukakhiukkhinü milah; inü ju marümkhuk. Ju kiudunglimro azürübo kheak dungkihang, tüsho athunurü mukhungkhi kheak she; niube niubuh tüsho shinbe shinbuh chido lude atsobah.

EZEKIEL 3:14

Judüki menü I shuhkih tüsho bebah tso, tüsho I kheak Atungpuh khah amüküp lade, khühde tüsho I me bukakhiukkhi chingnü yü.

MIKA 3:8

Tüshe I thsungkheak a, Jakob ki apinü alakmihkhi tüsho Israel ki api neak thapü, I kheak wu, Atungpuh me, thiyuro tüsho sühmühnü mide lah.

LUKNÜ ATHRÜTKHI THIYUSHEAK-ATSÜ HUHTANYU 12:50

Tüshe I baptipü lah, tüsho ju muhoyikia I küdükhüh lümthsünükhi la!

LUKNÜ ATHRÜTKHI THIYUSHEAK-ATSÜ HUHTANYU 16:28

tümüde I keoniorü 5 lah, junangde apinü arü ki thiyumütsan thsübah, jude yungsho arü she ha thsümüchi dangpung ching arübah.’

JOHAN 1:41

Apinü akhuhde akhiung Simon ngübah api ki tha, “Isanü Messia ngüdo” (amütsan Khrista).

JOHAN 10:24

Judüki Jihudarünü api zündo tüsho tha, “Külokhüh nünü isa lümshangmang ching lashihba? Nü Khrista a sho isa ki khipkhitde thaang.”

JOHAN 15:27

Tüsho nüsanü she I thiyumütsan thsübah, tümütüsho atankih chingnü nüsa I lung lakheah.

JOHAN 3:28

Nüsa thiyumütsan lah, junangde inü tha, “ ‘I Khrista yung,’ tüshe ‘l api müngüh thiyikheah.’

YUNIRÜBO RHIMO 10:42

Tüsho apinü mihtsürübo ki thsangyuthsangrapü isa ki thiyukhüm, tüsho rhangdung lakhi le asherü kurungkheak mahkhaprü thsüpü Thrünpuhnü amokhitkhi thiyumütsan thsüpü jih.

YUNIRÜBO RHIMO 15:22

Judüki amüsüh-thsangyurübo tüsho azothsürübonü borü alala bede arü mihtsürü khürü Paul le Barnaba lung Antiok ching yüpü pungkhi. Arünü mihtsürü mahne keoniorü bolung limberübo lakhi Barsaba de ajikhi Juda tüsho Sila mokhit.

YUNIRÜBO RHIMO 16:1

Paulnü Derbe ching yü tüsho Khristanrü Timothi lapung Lystra ching arü. Abe ju Jihuda liberü akinrü tüsho abuh a Greekrü lakheah.

YUNIRÜBO RHIMO 16:12

Ju chingnü Macedonia lomi-chamnak yo kiuto ato, Rom kheang de ajikhi Filipi ching yü. Isanü ju kiuto ching nimung anükhüh mung;

YUNIRÜBO RHIMO 16:9

Tüsho azhing ching Paul ki michih khülang huh: Macedonia mihtsürü khülangnü zhipbah api ki mushude tha, “Macedonia lim arübah isa rungang.”

YUNIRÜBO RHIMO 17:3

Khrista ju thsünübah tüsho ashe chingnü arhang kamlopü lakheah de thanaka huhde mütsanmükhi jih, tüsho tha, “Inü nüsa ki zhiyukbuh Jisu ha Khrista ah.”

YUNIRÜBO RHIMO 18:28

tümüde apinü amüsühyu huhde Jisu ju Khrista ah de boto chingnü Jihudarübo müzhakde kukabah.

YUNIRÜBO RHIMO 2:36

“Jumonü nüsanü ayümkihbuh Jisu ha, Thrünpuhnü api Atungpuh tüsho Khrista kamshihkheah de Israel yamkhün alalanü mütsande mükheahshang.”

YUNIRÜBO RHIMO 20:21

mulong müthride Thrünpuh kilim rholopü tüsho isa Atungpuh Jisu kheak akin lashihpü Jihudarü tüsho Greekrü chido ki inü thiyumütsan thsü.

YUNIRÜBO RHIMO 20:23

Kiuto aban rihyam ching lapü tüsho küpkhuk shorupü Amüsüh Menü athakhi lang inü mükheahlah.

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 4:20

Tümüde isanü angükhi tüsho asokhi thapü isanü atuklopü mukuk.”

YUNIRÜBO RHIMO 9:22

Tüshe Saul sühmüh alü düküngde kam, tüsho Jisu ju Khrista de mütsanjihkhinü Damaska ching lakhi Jihudarübo yingyingde kamshih.

2 KORINT 1:19

Thrünpuh tsührü, Jisu Khrista dünkheak nüsa ki thsangyuthsangrarü Silvana le Timothi tüsho I a “Am” tüsho “Yung” de mülakheah; tüshe api lung kamruhroro “Am” de lah.

2 KORINT 11:9

Tüsho küyimki I nüsa lung lakhea tüsho yihnüpü lakhea, inü sheshe hahmülang müjih, tümüde I yihnüpübo Macedonia chingnü arükhi I keoniorübonü jih. Junangde ahokhi ching nangde tümü ching she inü nüsa hahmülang müjih.

2 KORINT 5:14

Tümüde Khrista amuzhonü isa danlochoh, tümütüsho alala dünkheaknü khülang shedo de isanü mütsanlah, jumonü api shekhi ching alalanü shihcham luchoh.

FILIPI 1:23

I mahne dükeak thoachihchoh. I a chamachihbah Khrista lung lapü künlah, tümüde ju atsübe ah.

1 TESALONIKA 3:2

tüsho isanü isa keoniorü tüsho Khrista thiyusheak-atsü ching Thrünpuh yamlarü Timothi nüsa akin düküngshihpü tüsho atuthsukpü thiyi,

1 TESALONIKA 3:6

Tüshe kheakü nüsa kilimnü nüsa akin tüsho amuzho yusheak atsü lubah Timothi isa kilim arü tüsho kamruhroro nüsanü isa muzhode lümkhitchoh tüsho isanü nüsa shorupü mulong dukkhi nangde isa shorupü künlah de thiyusheak jihdo.

1 PETER 5:12

Athülünkhi keoniorübo de inü khejihde alakhi Sila arung hode, ha atsütsü Thrünpuh amüthsüm ah de tuthsukde tüsho khipkhitde inü nüsa kilim akhihkhühnü thrütchoh.