YUNIRÜBO RHIMO 18:24 - AMÜSÜH HÜM CL Bible (BSI)

²⁴ Kheakü Alexandria chingnü asürükhi Jihudarü amung Apollo ju Efisia ching arü. Api thiyu thasorü tüsho amüsühyu tsüde mükheahde alakheah.

YUNIRÜBO RHIMO 18:24 Iomraidhean Croise

EZRA 7:12

“Artazerzes kiulongthsübo kurungkheak kiulongthsüpuh kilimnü Ezra amükeambuh, yinmi Thrünpuh yakzan thrütakhinbuh kilim.

EZRA 7:6

Babilon chingnü arübuh Ezra ha Israel Thrünpuhnü Mosa kilim jihkhi yakzan thrütakhinrü ayeanzo lakheah. Thrünpuh müngühmühi Ezra kheak lamonü, apinü akheangkhi athrünkhi kiulongthsüpuhnü jih.

ABEKHIT 4:10

Tüshe Mosanü Atungpuh ki tha, “O ITUNGPUH , adüsonü yungsho nünü nü yamlarü ki asukachihshunü I thiyu thasorü yung; tüshe thiyu thapü duhduhlah.”

ISAIA 3:3

thünim yo wühkenorü tüsho wüntre mihtsürübo, lümthiyan-jihrübo tüsho ayeanzo sangrhimosorü tüsho athsükhit wurük-huhrü.

MATHI 13:52

Judüki apinü arü ki tha, “Jumonü yakzan thsangyurü yinmi kiulongthsü ching jingyanrü kamrü ju thüyam putungrünü anihbuh rahpung chingnü aso tüsho awün kukrukbo lude akhiukkhi kiphahlah.”

LUKNÜ ATHRÜTKHI THIYUSHEAK-ATSÜ HUHTANYU 24:19

Tüsho apinü ane ki tha, “Tümü pürü?” Tüsho anenü api ki alo, “Nazarethrü Jisu dünkheak, shepü Thrünpuh tüsho mihtsürü alala miki rhimo le thiyu ching wuto lakhea,

YUNIRÜBO RHIMO 18:19

Arüsam Efisia ching arü, tüsho apinü ane ju ching zojih; tüshe api a sinagog ching yüzahbah Jihudarübo ki atsangachih.

YUNIRÜBO RHIMO 18:21

tüshe arü chamachihde apinü arü ki tha, “Thrünpuhnü mulongsho I nüsa kilim alode arübah,” tüsho apinü Efisia chingnü tsahmusu.

YUNIRÜBO RHIMO 18:28

tümüde apinü amüsühyu huhde Jisu ju Khrista ah de boto chingnü Jihudarübo müzhakde kukabah.

YUNIRÜBO RHIMO 19:1

Küyimki Apollo Korint ching lakhea, Paulnü akulim lomi hode Efisia ching arü. Ju ching apinü jingyanrü khürü ngü.

YUNIRÜBO RHIMO 27:6

Ju ching atorünü Alexandria sangkung khülang Itali lim yükhi ngü, tüsho isa ju ching yüzahshih.

YUNIRÜBO RHIMO 6:9

Tüshe zuzu ngükhi mihtsürübo sinagog ching kheyukrü Serene le Alexandria tüsho Kilikia le Asia chingnü Jihudarü Stephen kheak atsangde awusupü tankih,

YUNIRÜBO RHIMO 7:22

Mosa ki Ijip lümlung alala thsangyu tüsho api ju thiyu tüsho rhimobo ching mungkhung mihtsürü kam.

1 KORINT 1:12

Inü athakhi amütsan ju a nüsa mihbüm abannü hade thachoh, “I Paul ruyanrü ah,” yungsho “I Apollo ruyanrü ah,” yungsho “I Kephas ruyanrü ah,” yungsho “I Khrista ruyanrü ah.”

1 KORINT 16:12

Isa keoniorü Apollo ju, keoniorü püpürü bebah nüsa rhuakheahpü inü api ki khide tuthsukdo, tüshe kheakü arüpü apinü müküntsan; tütüshe kim tsüchoki api arübah.

1 KORINT 4:6

Keoniorübo, nüsa alü thsungkheak inü harü Apollo ki tüsho inü rhimodo, junangde nüsanü ha thakhi amütsan ike kheaknü anikhitbah, “Tümü thrüta lanü ju hode düyü.” Junangde nüsanü püpürü azhihde khülang dünkheaknü mükükheang.

2 KORINT 10:10

Tümüde khürünü thachoh, “Api kihümbo mülanglah tüsho müküplah, tüshe api lachokia thünaklah, tüsho api yu thakhi tümü she yung.”

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

TITA 3:13

Mahkhaprü Zena tüsho Apollo büne hantsahchoki nünü akukthürün rungang tüsho ane yihnüpü lakhi lüpdükhi kheahjang.