YUNIRÜBO RHIMO 18:19 - AMÜSÜH HÜM CL Bible (BSI)

¹⁹ Arüsam Efisia ching arü, tüsho apinü ane ju ching zojih; tüshe api a sinagog ching yüzahbah Jihudarübo ki atsangachih.

YUNIRÜBO RHIMO 18:19 Iomraidhean Croise

YUNIRÜBO RHIMO 18:20

Küyimki arünü api ki aruhkhüh mungpü thakheanü apinü reanglo;

YUNIRÜBO RHIMO 18:21

tüshe arü chamachihde apinü arü ki tha, “Thrünpuhnü mulongsho I nüsa kilim alode arübah,” tüsho apinü Efisia chingnü tsahmusu.

YUNIRÜBO RHIMO 18:24

Kheakü Alexandria chingnü asürükhi Jihudarü amung Apollo ju Efisia ching arü. Api thiyu thasorü tüsho amüsühyu tsüde mükheahde alakheah.

YUNIRÜBO RHIMO 18:4

Apinü sinagog ching Amuni aban atsangachih tüsho Jihudarü le Greekrü mushuyukpü mürang.

YUNIRÜBO RHIMO 19:1

Küyimki Apollo Korint ching lakhea, Paulnü akulim lomi hode Efisia ching arü. Ju ching apinü jingyanrü khürü ngü.

YUNIRÜBO RHIMO 19:17

Tüsho Efisia ching larü alala, Jihudarü tüsho Greekrü chidonü ha so; tüsho arü alala trede kam; tüsho Atungpuh Jisu mung wüntrede kam.

YUNIRÜBO RHIMO 19:26

Tüsho Efisia ching lang yungde Asia alala ching Paulnü, khahbonü athsükhi thrünpuhbo a thrünpuhbo yung de thade mihtsürü ahihkhüh münityukde atsokhi nüsanü ngülah tüsho sochoh.

YUNIRÜBO RHIMO 19:28

Küyimki arünü ha sokheanü bukakhiuk tüsho zhi, “Efisia yo Artema ato ah!”

YUNIRÜBO RHIMO 19:35

Küyimki kiuto mütsanmükühbuhnü boto danlokhea, apinü tha, “Efisia mihtsürübo, Efisia kiuto ching ato Artema lakhi tüsho thüning chingnü akikhi anihbe mejak lakhi shenü mümükheahkhi la?

YUNIRÜBO RHIMO 20:16

Tümütüsho Paulnü Asia ching kim mübahpü thsüde Efisia tsahhopü pungkhi; tümüde apinü akuk thürün thünimni-thünio nimung Jirusalem khiungpü niokheam.

YUNIRÜBO RHIMO 20:17

Tüsho apinü Mileta chingnü Efisia ching yüshihbah api kilim borü azothsürübo jide arüshih.

YUNIRÜBO RHIMO 21:29

Tümüde arünü akhuhlim Efisiarü Trophima api lung kiuto ching ngü, tüsho Paulnü api arüngyam ching beyukdo de arünü lüm.

1 KORINT 15:32

Mihtsürü lümkhi ayannü langa inü Efisia ching mütüm shiwüh bolung keochihsho, I tümü alü thsüba? Asherü arhang mükamlobasho, “Isanü tsühanü tüsho yunganü, tümüde shido isa ashebah.”

1 KORINT 16:8

Tüshe I thünimni-thünio khiungde Efisia ching mungbah,

EFISIA 1:1

Thrünpuh lümkhi hode Jisu Khrista amüsüh-thsangyurü Paul kilimnü, Jisu Khrista ching thiyuro lakhi amüsührü kilim:

1 TIMOTHI 1:3

I Macedonia lim yüde alachoki nü ki tuthsukkhi nangde inü nü Efisia ching lashihnelah. Ju ching mihtsürü khürünü arükchih kingaünyakzan thsangyuchoh tüsho nünü arü tukloshihpü thiyukhüm jihbeah,

2 TIMOTHI 1:18

Ju nimung Atungpuh kilimnü mihmüthsüm apinü angüpü Atungpuhnü mülüshang! Efisia ching apinü I rungde arhimokhi alala nünü mükheahlah.

2 TIMOTHI 4:12

Inü Tykika Efisia ching yüshihdo.

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 2:1

“Efisia borü ching yunirü kilim thrütang: ‘Api khah tsülim thüne shuhbuh, tsünpung dubopung thüne bolung tsahbuh yubo.