YUNIRÜBO RHIMO 18:15 - AMÜSÜH HÜM CL Bible (BSI)

¹⁵ tüshe ha a thiyubo le mungbo tüsho nüsa yakzan dünkheak a le nüsa küdah thsüde khikzhakang: inü harü dünkheak a mahmükhap.”

YUNIRÜBO RHIMO 18:15 Iomraidhean Croise

MATHI 27:24

Küyimki Pilatnü tümü müthsükhukde boto arhunganim tankihkhi ngükhea, apinü ke lubah boto miki akhah mütsakde tha, “Thiyuro mihtsürü thiyih bukkhi I amülim müla. Ju nüsa küdah thsang!”

MATHI 27:4

Apinü tha, “Amülim mülarü yinatsühde thiyih bukshihkhi hode inü neak yihbeakdo.” Arünü alo, “Isanü ju tümü thsüjihpü? Ju nü küdah thsang!”

JOHAN 18:31

Pilatnü arü ki alo, “Nüsanü api bea lubah nüsa yakzan yande mahkhapang.” Jumonü Jihudarübonü api ki tha, “Isanü sheshe asheshihpü yakzan müla,”

YUNIRÜBO RHIMO 18:13

Arünü tha, “Ha mihtsürünü yakzan azhihde Thrünpuh kingaünshihpü mihtsürübo münityukchoh.”

YUNIRÜBO RHIMO 23:29

Api ju arü yakzan keokhikhi dünkheak müdama lah, tüshe ashepü yungsho aramyukpü thsüde tümü müthülün de inü yimkhit.

YUNIRÜBO RHIMO 25:11

I amülim rhimorü thsübah ashepü thülünde lakmihkhülaa, inü ashe tsokhipü müyim tüshe mihtsürübonü I müdamkhi ching tümü mülasho, shenü she I arü kilim müjihkhuk. Inü Kaesar ki mushuchoh.”

YUNIRÜBO RHIMO 25:19

Tüshe arünü api ki atsangpü lakhi ju arü kingaün tüsho Paulnü rhangdung lah de athakhi shea lakhi Jisu dünkheak lakheah.

YUNIRÜBO RHIMO 26:3

tümütüsho Jihudarü yakli tüsho marüpkhibo alala nünü mükheahlah; jumonü I ki arümde anijihpü inü nü ki mushuchoh.

1 TIMOTHI 1:4

yungsho arünü mümütsankhi yukhean tüsho arün mülakhi lünkheyukheanbo ching mulong müjihbeah. Harünü akin hode alakhi Thrünpuh lümkhi yungde alanaji akhiukshihchoh.

1 TIMOTHI 6:4

api kükheanglah tüsho tümü mümükheah; api a alanaji lümkhi amütsü tüsho atsangachihpü künkhi lah, junü mükthsü, marüpachih, dünthamungtha, mulong rüngkhi,

2 TIMOTHI 2:23

Makhakhi tüsho akeangkeang atsangachih tümü düthsü, tümütüsho jurünü rukachih akhiukshihchoh de nünü mükheahlah.

TITA 3:9

Tüshe makhade atsangachihkhi, lünkhe-yukean thrütkhi, achamnakbo, tüsho yakzan dünkheak rukachihkhibo bahang, tümüde jurü alü müla tüsho akeangkeang.