YUNIRÜBO RHIMO 18:12 - AMÜSÜH HÜM CL Bible (BSI)

¹² Tüshe küyimki Gallio ju Akaia kovünor lakhea, Jihudarünü arihbah Paul ram tüsho mahkhappung ching bedarü.

YUNIRÜBO RHIMO 18:12 Iomraidhean Croise

MATHI 27:19

Küyimki Pilat ju mahkhaprü binkiu kheak binde alakhea, aniubenü ha yusheak yüshih: “Ju thiyuro mihtsürü kheak tümü düthsü, tümüde api dünkheak yishih milim ching I khide küpkhukdo.”

JOHAN 19:13

Küyimki ju thakhi Pilatnü asokhea, apinü Jisu bede akhiukbah Ibri yunü Gabbatha de ajikhi dangpung Lung-khimkhi mahkhap binkiu ching bin.

YUNIRÜBO RHIMO 13:12

Judüki kovünornü adünjikhi ngübah kin, tümüde Atungpuh dünkheak thsangyukhi apinü müyinsah.

YUNIRÜBO RHIMO 13:50

Tüshe Jihudarünü kiuto ching adungto mihtsürü tüsho boto ching adungtorü Thrünpuh kingaünrü khiungkerü liberü thurumusu. Arünü Paul le Barnaba büne thsümüchipü tankih tüsho arü lomi chingnü yankhitabah.

YUNIRÜBO RHIMO 13:7

Api ju kovünor Sergia Paula rüklakhi mihtsürü lung lakheah. Ju buhnü Barnaba le Saul ji tüsho Thrünpuh yu anipü yim.

YUNIRÜBO RHIMO 13:8

Tüshe wurük-huhrü Ilymanü (Greek yu ching ju api mung) akin chingnü kovünor rholoshihpü zhipdo.

YUNIRÜBO RHIMO 14:19

Tüshe Jihudarübo Antiok tüsho Ikonium chingnü ju ching arü; tüsho mihtsürübo münita lubah Paul ju ashepü thsüde lungnü kingbah kiuto chingnü yankhita bah.

YUNIRÜBO RHIMO 14:2

Tüshe amükinrü Jihudarünü khiungkerü thurumusu tüsho keoniorübo azhihde arü lümkhi mülapyukjih.

YUNIRÜBO RHIMO 17:13

Tüshe küyimki Tesalonika ching lakhi Jihudarünü Berea ching she Paulnü thiyusheak zhiyukdo de asokhea, arünü ju ching she arübah boto azhihde thurumusu.

YUNIRÜBO RHIMO 17:5

Tüshe Jihudarünü mükthsüde kam tüsho kiudunglimrobo chingnü mihbukmuyukbo bemukhungbah kiuto alanajide kamshih tüsho ane ju mihtsürübo ki bede akhiukpü Jason yam zündo.

YUNIRÜBO RHIMO 18:11

Tüsho apinü arü bolung Thrünpuh yu thsangyude kam khülang kheak khinu thuruk la.

YUNIRÜBO RHIMO 18:27

Tüsho küyimki apinü Akaia lim hode ayüpü mulongkhea, keoniorübonü api mulong toshih, tüsho api leangkhipü akinrübo kilim thrüt. Küyimki api akhiungkhea, mihmüthsüm hode akinrübo apinü tode rung,

YUNIRÜBO RHIMO 19:21

Harü dünjishu Paulnü Macedonia tüsho Akaia hode Jirusalem lim yüpü lümkihde tha, “I ju ching yüshu, inü Rom she rhuakheahbeah.”

YUNIRÜBO RHIMO 25:10

Paulnü tha, “I a I mahkhappü lakhi Kaesar mahkhappung kheak zhiplah. Nünü tsüde mükheahlah, inü Jihudarü ki amülim tümü mürhimo.

ROMRÜ KILIM PAULNÜ ATHRÜTKHI KIHÜM HUHTANYU 15:26

Tümütüsho Macedonia tüsho Akaiarünü Jirusalem ching amüsührü bolung zhochihrü thsungkheak asühde arung jihpü rhimo;

ROMRÜ KILIM PAULNÜ ATHRÜTKHI KIHÜM HUHTANYU 16:5

arü yam ching mukhungrü borü ki she salüm jihang. Asia ching akhuh Khrista thsungkheak mulong müthrikhi inü muzhobuh Epaeneta ki salüm jihang.

1 KORINT 16:15

Keoniorübo, Akaia ching Stephana yamkhün akhuh mulong müthri, tüsho akinrü tankihpü ching arünü shuhmülanga jihdo de nüsanü mükheahlah;

2 KORINT 1:1

Thrünpuhnü amulongkhi hode Jisu Khrista amüsüh-thsangyurü Paul, tüsho isa keoniorü Timothi kilimnü, Korint ching Thrünpuh borü, ju lung Akaia alala ching lakhi amüsührü alala kilim:

2 KORINT 11:10

Khrista thiyuro I kheak lale, I kükheangkhi Akaia lomi ching zhikde müla.

2 KORINT 11:26

alochode hantsahchoki ayungbo ching, jangkhijangrarü, I mihtsürübo, khiungkerü kilimnü, kiuto ching, sunglo ching, keto ching, arükchih keoniorübo kilimnü atrebe lakheah;

2 KORINT 9:2

tümüde nüsanü ahobe kamnü ründe Akaia ching thsakhama lakhi mükheahbah thade, nüsa dünkheak inü Macedonia mihtsürübo ki kükheangchoh; tüsho nüsanü akünsahkhinü arü ahihdo thurumusudo.

1 TESALONIKA 2:14

Keoniorübo, nüsa ju Judea ching Jisu Khrista lung Thrünpuh borübo kheahkhirü kamdo; tümüde Jihudarü hode arü thsünükhi nangde nüsa nihbuh lomi mihtsürü hode ju ruk thsünüdo,

1 TESALONIKA 2:16

ju khiungkerü ki thabah arü khümkhitbah mütsüle de arünü isa zhipdode arhimokheah. Junangde kamruhroro arü neak mujungde kamshih. Tüshe akheam ching Thrünpuh bukakhiukkhi arü kheak arü.

JAKOB 2:6

Tüshe nüsanü zhochihrü mükhemükimdo. Nüsa junokhi ju alarünü yung de, nüsa mahkhappung ching nima yüshihkhi arü yung de?