YUNIRÜBO RHIMO 17:16 - AMÜSÜH HÜM CL Bible (BSI)

¹⁶ Kheakü Paulnü Athen ching ane aleangde alachoki kiuto ching sangthsübonü amikhi ngübah api khide lümthsünü.

YUNIRÜBO RHIMO 17:16 Iomraidhean Croise

1 KIULONG THSÜRÜ 19:10

Apinü alo, “Wuto Thrünpuh, Atungpuh thsungkheak I khide künsahde alakheah; tümüde Israelrünü nünü tangzüngkhi bahyukbah nü kingaün sadam lukkheamdo, tüsho nü yo wukihrübo nukshangnü laksahkhamdo. I lang aninga lah, tüsho arünü I laksahpü yimchoh.”

1 KIULONG THSÜRÜ 19:14

Apinü alo, “Wuto Thrünpuh, Atungpuh thsungkheak I khide künsahde alakheah: tümüde Israelrünü nünü tangzüngkhi bahyukbah nü yo kingaün sadam lukkheama bahdo, tüsho nukshangnü nü yo wukihrübo laksahkhamdo. I lang aninga lah, tüsho arünü I laksahpü yimchoh.”

MUNGSHIKHÜN 119:136

I mükbo chingnü ke yungbo bukkhichoh, tümütüsho mihtsürübonü nü yakzan muzo.

MUNGSHIKHÜN 119:158

Inü mülapmüjirü mukhiukde kheahchoh, tümütüsho arünü nü yu muzo.

MUNGSHIKHÜN 69:9

Nü arüngyam mürheangkhinü I aniuabahdo, tüsho nü mükhemükimrünü mükhemükimkhi I kheak akihdo.

JEREMIA 20:9

Inü tha, “ Inü api mütam, yungsho kheaküa api mung ching masuk,” judüki I mulong ching mo nangde takchoh, I robo ching mükhipchoh; ju ching ramlokhinü I khilah, tüsho inü mukuk.

MIKA 3:8

Tüshe I thsungkheak a, Jakob ki apinü alakmihkhi tüsho Israel ki api neak thapü, I kheak wu, Atungpuh me, thiyuro tüsho sühmühnü mide lah.

MARK 3:5

Jumonü küyimki apinü arü mulong müküpkhinü mulong mütsüde arü kheak bukakhiukde mükamde akheahkhea, apinü mihtsürü ki ju tha, “Nü khah chungang.” Apinü chung, tüsho api khah ju püpü thrip nangde tsüabah.

JOHAN 2:13

Kheakü Jihudarü phunghothünio thüninde alakheah, tüsho Jisunü Jirusalem lim wutu.

YUNIRÜBO RHIMO 17:15

Bea-dükherünü Paul ju Athen khiungde bedarü; tüsho Sila le Timothi büne nahde api lung arang dükhi Paul kilimnü thiyusheak lubah chamachih.

YUNIRÜBO RHIMO 17:21

Kheakü ju ching lakhi Athenrü tüsho khiungkerübonü tümüanü aso thakhi tüsho anikhi ching lang kim hoshih.

YUNIRÜBO RHIMO 17:23

Tümüde I tsahhochoki nüsanü kingaünkhi kukrukbo inü kheahyuk, tüsho kingaün sadam kheak hade thrütkih-a ngü, ‘Mümükheahkhi thrünpuh kilim.’ Jumonü nüsanü tümü kingaünchonü mümükheahkhi ah de inü nüsa ki zhiyukchoh.

YUNIRÜBO RHIMO 18:1

Ha dunglim apinü Athen chingnü chamachihbah Korint ching yü.

YUNIRÜBO RHIMO 20:22

Tüsho kheakü Menü reangkih-a, I kheak tümü dünjibanü mümükheahde Jirusalem lim yüchoh.

1 TESALONIKA 3:1

Jumonü küyimki isanü marümkhukde akamkhea, isa zangrü Athen ching lapü mulongkhit,

2 PETER 2:7

tüsho mihbukmuyuk rhimo amünean hode lümthsünüa lakhi Lot bekhit