YUNIRÜBO RHIMO 16:6 - AMÜSÜH HÜM CL Bible (BSI)

⁶ Tüsho anenü Phrygia le Galatia lomi hode yü, tümütüsho Amüsüh Menü Asia ching müthsangyuthsangrashih.

YUNIRÜBO RHIMO 16:6 Iomraidhean Croise

ISAIA 30:21

Tüsho küyimki nüsanü tsülim yungsho huzulim rholoba, nüsa nükhünnü nüsa dunglim thakhi yu sobah, “Ha limro ah; ju ching tsahang.”

LUKNÜ ATHRÜTKHI THIYUSHEAK-ATSÜ HUHTANYU 1:2

Atankih chingnü harü ngübah isa ki ha yusheak zhiyukrünü ju thrüt.

YUNIRÜBO RHIMO 10:19

Küyimki Peternü michih lümde alakhea, Menü api ki tha, “Kheahang mihtsürü mahsamnü nü yimchoh.

YUNIRÜBO RHIMO 11:12

Judüki mudukiuhlode arü lung yüpü Menü I ki tha, junangde harü keoniorü 6nü I atrude arü, tüsho isanü mihtsürü yam ching ju yüzah.

YUNIRÜBO RHIMO 16:7

Tüsho küyimki ane Mysia aredungyean arükheanü Bithynia lim yüzahpü mürang, tüshe Jisu Menü ane ki mümülü;

YUNIRÜBO RHIMO 18:23

Apinü ju ching anükhüh kheak bin tüsho Galatia tüsho Phrygia lomi dangpung khülang chingnü püpü ching yüde akinrü alala düküngshih.

YUNIRÜBO RHIMO 19:10

Ha kam mahne mutuklode yü, junangde Asia ching larü alala, Jihudarü tüsho Greekrü chidonü Atungpuh yu so.

YUNIRÜBO RHIMO 20:16

Tümütüsho Paulnü Asia ching kim mübahpü thsüde Efisia tsahhopü pungkhi; tümüde apinü akuk thürün thünimni-thünio nimung Jirusalem khiungpü niokheam.

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

YUNIRÜBO RHIMO 20:4

Pyrrha tsührü Berearü Sopaternü api atru; tüsho Tesalonikarü Aristarka tüsho Sekunda; Derberü Gaia tüsho Timothi; tüsho Asiarü Tykika tüsho Trophima.

YUNIRÜBO RHIMO 21:27

Küyimki nimung thüne bankhitkheanü Asia ching Jihudarünü api arüngyam ching ngübah boto alala thurumusu, tüsho Paul ram.

YUNIRÜBO RHIMO 6:9

Tüshe zuzu ngükhi mihtsürübo sinagog ching kheyukrü Serene le Alexandria tüsho Kilikia le Asia chingnü Jihudarü Stephen kheak atsangde awusupü tankih,

YUNIRÜBO RHIMO 8:29

Tüsho Menü Philip ki tha, “Khora-lolungbe ju yanphuhde yüang.”

ROMRÜ KILIM PAULNÜ ATHRÜTKHI KIHÜM HUHTANYU 16:5

arü yam ching mukhungrü borü ki she salüm jihang. Asia ching akhuh Khrista thsungkheak mulong müthrikhi inü muzhobuh Epaeneta ki salüm jihang.

1 KORINT 12:11

Harü alala Me khülang tüsho rukhüh rhimo ah, tüsho apinü alümkhi yande mihbüm aban kilim jihchoh.

1 KORINT 16:1

Kheakü akinrü rungpü threzüthredo thsungkheak ju, inü Galatia borübo ki thakhi nangde rhimoang.

1 KORINT 16:19

Asia borübonü salüm mühahchoh. Aquila le Priscilla tüsho arü yam ching mukhungkhi borübonü Khristan amuzho salüm mühahchoh.

2 KORINT 1:8

Keoniorübo, tümüde Asia ching isa thsünükhi nüsanü mümükheahde mülashihne; isanü marümkhukpü thsüde isa thsünü ato khüp la, junangde rhangdung lapü mulonglam she akheam thsü.

GALATIA 1:2

tüsho I lung lakhi keoniorü alala kilimnü, Galatia borübo kilim:

GALATIA 3:1

O makhakhi Galatiarü! Nüsa mük ki Jisu Khrista yümkihkhi mütsande ngübahle shenü nüsa bephülapkhea?

2 TIMOTHI 1:15

Asia ching larü alala I kheaknü rholode tsoabahdo de nünü mükheahlah, tüsho arü bolung Phygela tüsho Hermogenea belah.

2 TIMOTHI 4:10

Tümüde Demanü kheakü ha lomi muzhode I bahbah Tesalonika ching yüdo; Kresen Galatia ching, tüsho Tita Palmatia ching yüdo.

IBRI 11:8

Akin hode Abrahamnü apinü yamrüplurüp lupü dangpung ching yüpü jichoki mihyuani; tüsho apinü küching yübeanü mümükheahde wukhiuk.

1 PETER 1:1

Jisu Khrista amüsüh-thsangyurü Peter kilimnü, Pontia, Galatia, Kappadokia, Asia tüsho Bithynia ching hiumüzüta larübo kilim,

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 1:4

Johan kilimnü, Asia ching lakhi borü thüne kilim: Shepü la tüsho shepü lakhea tüsho shepü arüpü la, tüsho api kiulongthsü-binkiu miki lakhi me thüne kilimnü nüsa kilim amüthsüm tüsho mungtsü laang,