YUNIRÜBO RHIMO 16:35 - AMÜSÜH HÜM CL Bible (BSI)

³⁵ Tüshe küyimki ayinkhikhea, mahkhaptorübonü bonungrü ki thaa yüshih, “Jurü mihtsürübo tsoshang.”

YUNIRÜBO RHIMO 16:35 Iomraidhean Croise

MUNGSHIKHÜN 76:10

Mihtsürü bukakhiukkhinü nü mung shipü lang akhiukshihchoh, tüsho thirithsü ching aninga larünü nü yo thünio niobah.

JEREMIA 5:22

Nüsanü I mütre de? Atungpuhnü thachoh; nüsanü I miki majancho de? Inü keto aredung thsungkheak loyi zojihlah, lünnü muhokhukbe rhü khülang; kenü abükbük she müzünhokhuk, arungrung she muhokhuk.

LUKNÜ ATHRÜTKHI THIYUSHEAK-ATSÜ HUHTANYU 12:11

Küyimki arünü nü sinagogbo ching tüsho yakzanshuhrü le thiyukhüm-sühmüh larü ki bedarübanü küde aloba yungsho tümü thaba de mulong düsansan.

YUNIRÜBO RHIMO 16:34

Jushu apinü ane ju api yam ching bede wutu, tüsho ane miki tsühyungbe zojih; tüsho apinü Thrünpuh kheak kinkhi dünkheak api yamkhün alala bede asühachih.

YUNIRÜBO RHIMO 16:36

Tüsho aheangbuh junü Paul ki thiyusheakbo jih, “Mahkhaptorübonü nüke tsopü thiyia lah; jumonü kheakü akhiukbah mungtsü chingnü tsoang.”

YUNIRÜBO RHIMO 16:38

Bonungrünü thiyu harü mahkhaptorübo ki tha, tüsho ane Rom mihkhung ah de sobah arünü tre;

YUNIRÜBO RHIMO 4:21

Jumonü küyimki arünü ane müzünkheanü ane thsümüchipü limro müyimkhitde mihtsürübo dünkheaknü ane tsoshih tümütüsho anenü arhimokhi alala thsungkheak arü alalanü Thrünpuh müretah.

YUNIRÜBO RHIMO 5:40

Jumonü arünü ha athsunganahkhi lu, tüsho amüsüh-thsangyurübo jiyukbah lak tüsho Jisu mung chingnü müthapü thürühbah tsoshih.

JIHUSUA 4:17

Jihusuanü thiyukhüm jih, “ Jordan chingnü akhiukang.”