YUNIRÜBO RHIMO 16:25 - AMÜSÜH HÜM CL Bible (BSI)

²⁵ Tüshe tsüngphulung ching Paul le Sila büne Thrünpuh ki tamkhüntamnüde tüsho khün thsüde alakheah, tüsho aramrübonü ane ki anide alakheah,

YUNIRÜBO RHIMO 16:25 Iomraidhean Croise

JOB HU H T ANYU 35:10

Tüshe shenü mütha, “I Thrünrü Thrünpuh küching la, shepünü azhing ching mulonglam jihcho,

MUNGSHIKHÜN 119:55

Inü azhing ching nü mung lümkhitchoh, O Atungpuh , tüsho inü nü yakzan zochoh.

MUNGSHIKHÜN 119:62

Nü thiyuro-lungki mahkhapkhibo dünkheaknü, inü nü kilim makshe jihpü tsüngphulung ching asürübah.

MUNGSHIKHÜN 22:2

O I Thrünpuh, animuro inü zhichoh, tüshe nünü malojih, tüsho are zhichoh tüshe sühakhim müla.

MUNGSHIKHÜN 34:1

Kim alala ching inü Atungpuh ki makshe jihbah, api shikhi mutuklode I mün ching labah.

MUNGSHIKHÜN 42:8

Atungpuhnü animuro kim ching api muzhodakkhi huhbah, tüsho are api khün I lung labah– I rhangdung Thrünpuh kilim tamkhüntamnü khülang labah.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 71:7

I a ahihdo ki amütsan khülang kam, tüshe nü I tsoyukpung amüküp ah.

MUNGSHIKHÜN 77:2

I küpkhuk nimung inü Atungpuh yim; azhing ching müdüchingde I khah chungkih; I menü mulong shukheampü thsunglo.

MUNGSHIKHÜN 77:6

Inü azhing ching I khün lümkhit; inü I mulong ching lümakheah; tüsho I menü düshihde yim.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

ISAIA 30:29

Amüsüh thünio tsüngre nangde nüsanü khün thsübah; tüsho Israel Lung, Atungpuh wung lim tsahmusuchoki khürünü khungpi khungkhi nangde, mulong asühkhi labah.

ZEKARIA 3:8

Kheakü aniang, Jihusua, Achangbe Amükeambuh, nü tüsho nü miki binrü nü zhimzhurübo! Tümüde arübo ju arübe kuhi-atsü amütsan lah: Inü I yamlarü Akhah hande arübah.

LUKNÜ ATHRÜTKHI THIYUSHEAK-ATSÜ HUHTANYU 22:44

Tüsho küpkhuk ching, apinü khide mushude tamkhüntamnü. Tüsho api shoke ju alo kheak thiyih ato atsamkhikhi nangde kam.

YUNIRÜBO RHIMO 15:22

Judüki amüsüh-thsangyurübo tüsho azothsürübonü borü alala bede arü mihtsürü khürü Paul le Barnaba lung Antiok ching yüpü pungkhi. Arünü mihtsürü mahne keoniorü bolung limberübo lakhi Barsaba de ajikhi Juda tüsho Sila mokhit.

YUNIRÜBO RHIMO 16:19

Tüshe küyimki alibe putungrünü arü mulonglam sho-arüpung tsokhi ngükhea, arünü Paul tüsho Sila rambah yinzüyindopung yakzanshuhrübo miki bede yü;

YUNIRÜBO RHIMO 16:33

Tüsho ju kim chingnü ane bea lubah mübo müsühjih tüsho api yamkhün alala bede api bapti.

YUNIRÜBO RHIMO 5:41

Judüki Jisu dünkheak mükhemükimpü thülünlah de arünü asühachihde kiuthsü-binkiu kinü tso.

ROMRÜ KILIM PAULNÜ ATHRÜTKHI KIHÜM HUHTANYU 12:12

Nüsa mulonglam ching asühachihang, thsümütsü ching arümang, mutukzhakde tamkhüntamnüang.

ROMRÜ KILIM PAULNÜ ATHRÜTKHI KIHÜM HUHTANYU 5:3

Ju lang yung, thsünükhinü arümkheam akhiukchoh de mükheahbah isanü isa thsünükhi ching asühachihchoh,

2 KORINT 6:10

mulong rozhakde la, tüshe kamruhroro asühachihde la; zhochihrü la, tüshe ahihdo alarü kamshih; tümü mülade la, tüshe lüpdükhi la.

EFISIA 5:19

Mungshikhünbo, khünbo, tüsho Me khünbo chingnü khülangnü khülang ki thaachihang. Nüsa mulong athrünkhinü Atungpuh ki khün thsang; tüsho khün khungang,

FILIPI 2:17

Tüshe nüsa akinnü Thrünpuh kilim jihkhi shuhmülanga kingaünkhi kheak I thiyih bukkihkih she, inü nüsa alala kheak asühlah tüsho asühachihchoh.

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

JAKOB 1:2

Keoniorübo, küyimki nüsanü rükaki aphuaphu shorubanü alala asühkhi ah de lümang,

JAKOB 5:13

Nüsa bolung khürü küpkhukla shi? Apinü tamkhüntamnüang. Khürü asühde la shi? Apinü mungshi khün thsang.

1 PETER 4:14

Khrista mung dünkheaknü nüsa mükhemükimsho, nüsa müngühmühi ah, tümüde müretahkhi Thrünpuh Me nüsa kheak lah.