YUNIRÜBO RHIMO 16:19 - AMÜSÜH HÜM CL Bible (BSI)

¹⁹ Tüshe küyimki alibe putungrünü arü mulonglam sho-arüpung tsokhi ngükhea, arünü Paul tüsho Sila rambah yinzüyindopung yakzanshuhrübo miki bede yü;

YUNIRÜBO RHIMO 16:19 Iomraidhean Croise

DANIEL 6:12

Jushu arünü kiulongthsüpuh ki yü tüsho thiyukhüm dünkheak tha, “ O kiulongthsüpuh! Khürünü khürü ki, thrünpuh yungsho mihtsürü ki nü hobah nimung samrü dükeak ching tamkhüntamnüsho, O kiulongthsüpuh, kekhüzübo yam ching jipyukbah de nünü thiyukhüm kheak mütsan müdokih de?” Kiulongthsüpuhnü alo, “Am, ju Midiarü tüsho Persiarü yakzan mümüthrikhukbe thiyukhüm lah.”

MATHI 24:9

“Judüki arünü nüsa thsümüchipü jihbah tüsho alaksahbah, tüsho I mung dünkheaknü trükshih alalanü nüsa thraneanbah.

MARK 13:9

“Tüshe nüsa thsungkheaknü kurhangang, tümüde nüsabo kiuthsübinkiu kilim jihbah, tüsho sinagogbo ching nüsa lakbah. Tüsho arü ki thiyumütsan thsüde I dünkheaknü nüsabo yakzanshuhrübo le kiulongthsürübo miki bedarübah.

YUNIRÜBO RHIMO 14:19

Tüshe Jihudarübo Antiok tüsho Ikonium chingnü ju ching arü; tüsho mihtsürübo münita lubah Paul ju ashepü thsüde lungnü kingbah kiuto chingnü yankhita bah.

YUNIRÜBO RHIMO 14:5

Küyimki khiungkerü tüsho Jihudarünü arü yakzanshuhrübo bebah ane thsümüchide lungnü arupü mürangkhea,

YUNIRÜBO RHIMO 15:22

Judüki amüsüh-thsangyurübo tüsho azothsürübonü borü alala bede arü mihtsürü khürü Paul le Barnaba lung Antiok ching yüpü pungkhi. Arünü mihtsürü mahne keoniorü bolung limberübo lakhi Barsaba de ajikhi Juda tüsho Sila mokhit.

YUNIRÜBO RHIMO 15:26

Atungpuh Jisu Khrista thsungkheaknü rhangdung shuhmülanga jihrü mihtsürübo.

YUNIRÜBO RHIMO 15:40

tüshe Paul a keoniorübonü Atungpuh amüthsüm lim tsülah dükhi yande Sila bea lubah chamachih.

YUNIRÜBO RHIMO 16:16

Isa tamkhüntamnü dangpung lim yüde alachoki, menü müchitde aputungrü khide alü thsüshihde alakhi azhorü liberü khülangnü isa shoru.

YUNIRÜBO RHIMO 16:20

tüsho arünü ane ju mahkhaptorü miki bede arübah tha, “Harü mihtsürübo ha Jihudarü ah tüsho isa kiuto küpkhuk jihchoh.

YUNIRÜBO RHIMO 16:25

Tüshe tsüngphulung ching Paul le Sila büne Thrünpuh ki tamkhüntamnüde tüsho khün thsüde alakheah, tüsho aramrübonü ane ki anide alakheah,

YUNIRÜBO RHIMO 16:29

Apinü tsünbo thsungkheak ji tüsho alihde yüzahbah ajande Paul le Sila büne miki mükhüm,

YUNIRÜBO RHIMO 17:6

Tüsho küyimki arünü ane müngükheanü Jason le keoniorü khürü kiuto limberübo müngüh bebah tsahde zhi, “Alomi neamneamjihrü mihtsürü harü ha ching she arüa lah,

YUNIRÜBO RHIMO 21:30

Kiuto abümnü alanajide wusu, tüsho alala thripnü mihtsürübo alihde arübah Paul ram tüsho arüngyam chingnü yankhit. Tüsho ripit nahde rihabah.

YUNIRÜBO RHIMO 8:3

Tüsho Saulnü borü thsümünimpü tankih. Athrürü tüsho aliberübo thüyam chingnü yankhita rihyam ching jih.

YUNIRÜBO RHIMO 9:16

tümütüsho I mung dünkheaknü küdükhüh thsünübeanü inü api ki huhbah.”

2 KORINT 6:5

ashikkhibo, aramrü thsükhi, arhungangümbo, khisahkhi, mükmutrukhi, akhümkhi;

FILIPI 1:30

tümütüsho nüsanü angükhi tüsho kheakü I kheak sode alakhi shochihkhi ruk nüsanü dünjide lah.

1 TESALONIKA 2:2

tüshe isa Filipi ching küpkhukde achih ngüa lalashe, azhihkhi ato mikhuh ching Thrünpuh thiyusheak-atsü nüsa ki khipkhitpü isa Thrünpuh kheak isa mulong tode alakheah de nüsanü mükheahlah.

1 TIMOTHI 6:10

Tümüde sho muzhokhi ju amütsü alala yo aying ah; ha künkhi hode khürü akin chingnü bephülapde tsodo tüsho hihde dukmüsüpkhinü arü mulongbo chinkhitdo.

JAKOB 2:6

Tüshe nüsanü zhochihrü mükhemükimdo. Nüsa junokhi ju alarünü yung de, nüsa mahkhappung ching nima yüshihkhi arü yung de?