YUNIRÜBO RHIMO 16:13 - AMÜSÜH HÜM CL Bible (BSI)

¹³ tüsho Amuni isanü kiuto chipi aleanglim, tamkhüntamnü mukhung dangpung ngüpü mükkin thsüde ayung lim yü. Isanü bin tüsho ju ching mukhungkhi aliberübo ki asukachihpü tankih.

YUNIRÜBO RHIMO 16:13 Iomraidhean Croise

MATHI 13:2

Yimto ato api ki mukhungde arü, jumonü apinü sangkung ching yüzahbah bin; tüsho yimto alala ke mungyean zhip.

MARK 16:15

Tüsho apinü arü ki tha, “Alomiküp alala ching yüang tüsho mihtsürübo alala ki thiyusheak-atsü thsangyuthsangraang.

LUKNÜ ATHRÜTKHI THIYUSHEAK-ATSÜ HUHTANYU 13:10

Kheakü apinü Amuni sinagog khülang ching thsangyude alakheah.

JOHAN 8:2

Yapsu mükikde apinü arüngyam ching arülo, tüsho mihtsürü alala api ki arü; tüsho apinü binbah arü thsangyu.

YUNIRÜBO RHIMO 13:14

tüshe arünü Perga chingnü tsahmusubah Pisidia ching lakhi Antiok ching arü. Tüsho arünü Amuni sinagog ching yüzahbah bin.

YUNIRÜBO RHIMO 13:42

Paul le Barnaba ane sinagog chingnü awukhiukchoki, hadürü ju arübe Amuni she arü ki thapü mushu.

YUNIRÜBO RHIMO 16:16

Isa tamkhüntamnü dangpung lim yüde alachoki, menü müchitde aputungrü khide alü thsüshihde alakhi azhorü liberü khülangnü isa shoru.

YUNIRÜBO RHIMO 16:6

Tüsho anenü Phrygia le Galatia lomi hode yü, tümütüsho Amüsüh Menü Asia ching müthsangyuthsangrashih.

YUNIRÜBO RHIMO 17:2

Paulnü api susu lakhi nangde yüzahbah amu-khip mahsam amüsühyu chingnü arü ki atsangachih,

YUNIRÜBO RHIMO 18:4

Apinü sinagog ching Amuni aban atsangachih tüsho Jihudarü le Greekrü mushuyukpü mürang.

YUNIRÜBO RHIMO 20:7

Amu-khip akhuhbe nimung, yikhap yihnakpü isa rukhüh mukhungchoki, Paulnü ashidopü chamachihpü lümde arü ki asukachih; tüsho apinü tsüngphulung khiungde asukachih.

YUNIRÜBO RHIMO 21:5

Küyimki ju ching isa nimungbo bankheanü isanü chamachihbah yü; arü niuberü tüsho tsührübo alalanü kiuto aleanglim khiungde bea dükhe. Isanü kemungyean kheak khukningbah tamkhüntamnü tüsho chode thaachih.

YUNIRÜBO RHIMO 9:20

Tüsho zukleangnü apinü sinagogbo ching Jisu dünkheak zhiyukde tha, “Api ju Thrünpuh tsührü ah.”

GALATIA 3:28

Jumonü Jihudarü yungsho Greek, azhorü yungsho zuzu, athrürü yungsho aliberü dükeak tümü büthsüde müla; tümüde nüsa alala Jisu Khrista ching khülang ah.

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.