YUNIRÜBO RHIMO 15:6 - AMÜSÜH HÜM CL Bible (BSI)

⁶ Amüsüh-thsangyurübo tüsho azothsürübonü ju lümakheahpü rukhüh mukhung.

YUNIRÜBO RHIMO 15:6 Iomraidhean Croise

MÜCHITMUDU 15:22

Lümthiyan mülasho lümkhi akuk müngüchoh, tüshe lümthiyanrü hihkhi ching jurü akuk ngüchoh.

MATHI 18:20

Tümütüsho küching I mung chingnü mahne yungsho mahsam mukhunga lanü, arü bolung I lah.”

YUNIRÜBO RHIMO 11:30

tüsho junangde arünü Barnaba le Saul büne kheaknü azothsürübo kilim ju mühah-a yüshih.

YUNIRÜBO RHIMO 15:2

Ha hode Paul le Barnaba bünenü arü ki atsangachihpü kam. Jumonü ha keokhikhi dünkheaknü Jirusalem ching wutubah amüsüh-thsangyurü le azothsürübo shorupü akinrübo püpürü lungnü Paul tüsho Barnaba ane mokhit.

YUNIRÜBO RHIMO 15:22

Judüki amüsüh-thsangyurübo tüsho azothsürübonü borü alala bede arü mihtsürü khürü Paul le Barnaba lung Antiok ching yüpü pungkhi. Arünü mihtsürü mahne keoniorü bolung limberübo lakhi Barsaba de ajikhi Juda tüsho Sila mokhit.

YUNIRÜBO RHIMO 15:25

Jumonü mihtsürü khürü mokhitbah isanü amuzhokhi Barnaba tüsho Paul büne lungnü nüsa kilim arüshihpü isa alalanü mulong–

YUNIRÜBO RHIMO 15:4

Küyimki ane Jirusalem ching arükhea, borü tüsho amüsühthsangyurü le azothsürübonü ane leangkhi, tüsho Thrünpuhnü arü kheak rhimokhi alala thaa huh.

YUNIRÜBO RHIMO 16:4

Ane kiutobo hode ayüchoki, Jirusalem ching amüsühthsangyurübo tüsho azothsürübonü khikzhakkhibo mihyuanide arhimoshihpü akinrübo ki thade yü.

YUNIRÜBO RHIMO 21:18

Ju shidopü Paulnü isa lung Jakob kilim arü; tüsho azothsürü alala lakheah.

YUNIRÜBO RHIMO 6:2

Tüsho thürükheak mahnenü akinrü boto jibah tha, “Tsühyungbe adünarapü thsungkheaknü isanü Thrünpuh yu thsangyuthsangra bahyukpü alim yung.

IBRI 13:17

Nüsa limberübo ki mihyuaniang tüsho arü yukhüm yanang; tümüde arünü me mütsanmüküh-a jihpü thsüde nüsa me kurungkheak aheangchoh. Arünü mulong tukthsüde yungde asühde rhimoshang, tümüde ju nüsa thsungkheak alü mülade akambah.

IBRI 13:7

Nüsa ki Thrünpuh yu tharü nüsa limberübo lümkhitang; arü rhangdung ching akuk ngükhi lümakheahang, tüsho arü akin kheahkhiang.