YUNIRÜBO RHIMO 15:4 - AMÜSÜH HÜM CL Bible (BSI)

⁴ Küyimki ane Jirusalem ching arükhea, borü tüsho amüsühthsangyurü le azothsürübonü ane leangkhi, tüsho Thrünpuhnü arü kheak rhimokhi alala thaa huh.

YUNIRÜBO RHIMO 15:4 Iomraidhean Croise

MATHI 10:40

“Shepünü nüsa leangkhichonü I leangkhichoh, tüsho shepünü I leangkhichonü I thiyibuh leangkhichoh.

YUNIRÜBO RHIMO 11:30

tüsho junangde arünü Barnaba le Saul büne kheaknü azothsürübo kilim ju mühah-a yüshih.

YUNIRÜBO RHIMO 14:27

Küyimki arübo akhiungkhea, arünü borü rukhüh bemukhung tüsho Thrünpuhnü arü ki rhimokhi tüsho apinü khiungkerü kilim akin ripit khimshuhkhi alala kheana huh.

YUNIRÜBO RHIMO 15:12

Tüsho amukhungrü alalanü zhikde la, tüsho Thrünpuhnü ane hode khiungkerü ki amüyinsahbe le khinthiyinbebo rhimokhi thiyusheak jihchoki arünü Barnaba tüsho Paul ki ani.

YUNIRÜBO RHIMO 15:2

Ha hode Paul le Barnaba bünenü arü ki atsangachihpü kam. Jumonü ha keokhikhi dünkheaknü Jirusalem ching wutubah amüsüh-thsangyurü le azothsürübo shorupü akinrübo püpürü lungnü Paul tüsho Barnaba ane mokhit.

YUNIRÜBO RHIMO 15:22

Judüki amüsüh-thsangyurübo tüsho azothsürübonü borü alala bede arü mihtsürü khürü Paul le Barnaba lung Antiok ching yüpü pungkhi. Arünü mihtsürü mahne keoniorü bolung limberübo lakhi Barsaba de ajikhi Juda tüsho Sila mokhit.

YUNIRÜBO RHIMO 15:3

Jumonü borünü ane limro ching yüshihkhi nangde khiungkerü mulong müthrikhi thiyusheak jihde Phoenikia tüsho Samaria hode yü, tüsho ha yusheaknü keoniorü alala khide asühshih.

YUNIRÜBO RHIMO 15:6

Amüsüh-thsangyurübo tüsho azothsürübonü ju lümakheahpü rukhüh mukhung.

YUNIRÜBO RHIMO 16:4

Ane kiutobo hode ayüchoki, Jirusalem ching amüsühthsangyurübo tüsho azothsürübonü khikzhakkhibo mihyuanide arhimoshihpü akinrübo ki thade yü.

YUNIRÜBO RHIMO 18:27

Tüsho küyimki apinü Akaia lim hode ayüpü mulongkhea, keoniorübonü api mulong toshih, tüsho api leangkhipü akinrübo kilim thrüt. Küyimki api akhiungkhea, mihmüthsüm hode akinrübo apinü tode rung,

YUNIRÜBO RHIMO 21:17

Küyimki isa Jirusalem ching arükheanü keoniorünü isa asühde leangkhi.

YUNIRÜBO RHIMO 21:19

Arü ki salüm jih dunglim, apinü tankihkhi hode Thrünpuhnü khiungkerü bolung rhimokhibo akhinashunü thiyusheak jih.

ROMRÜ KILIM PAULNÜ ATHRÜTKHI KIHÜM HUHTANYU 15:18

Inü athakhi tüsho arhimokhinü, khiungkerünü Thrünpuh ki mihyuanishihde Khristanü I hode akuk ngükhi kheak hode inü tümü she müthanü–

ROMRÜ KILIM PAULNÜ ATHRÜTKHI KIHÜM HUHTANYU 15:7

Khristanü Thrünpuh müretahpü thsungkheak nüsa leangkhikhi nangde khülangnü khülang leangkhiang.

1 KORINT 15:10

Tüshe Thrünpuh amüthsüm hode tümü lanü I ah, tüsho I kilim api amüthsüm akeangkeang mülakheah. Tüshe arü kheaknü inü amürangbe rhimo, ju inü yung, tüshe I lung lakhi Thrünpuh amüthsümnü ah.

2 KORINT 5:19

juju mihtsürübonü arü azhihde neak yihbeakkhi mükhede Thrünpuhnü alomi ju Khrista ching anihbuh kilim tsüarihshih. Tüsho apinü isa kilim tsüarihkhi yusheak jihdo.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

KOLOSI 4:10

I lung rihyam ching lakhi Aristarka tüsho Barnaba phüle Marknü nüsa kilim salüm mühahchoh (Mk dünkheak küde arhimobeanü nüsanü thsangdan ludüle, api nüsa kilim arüsho beyukang),

2 JOHAN 1:10

Khürü nüsa kilim arübah ha kingaün-yakzan hande marüsho, api thüyam ching dübeyuk yungsho api ki salüm düthsü;