YUNIRÜBO RHIMO 15:36 - AMÜSÜH HÜM CL Bible (BSI)

³⁶ Tüsho nimung anükhüh dunglim Paulnü Barnaba ki tha, “Arang, ikenü Atungpuh yu zhiyukpung kiuto aban ching keoniorübo küde lanü rhua kheahanü.”

YUNIRÜBO RHIMO 15:36 Iomraidhean Croise

ESTER 2:11

Animokhün Mordekainü alibe ju küde kamcho tüsho tümü dünjibaki de thüyam limkhuh yüla arülade kheahde tsah.

ABEKHIT 4:18

Mosanü akü Jethro kilim yülobah api ki tha, “Ijip lomi ching I keoniorübo kheakü khiungde arhang la shi mülanü alode yübah akheahpü thsungkheaknü muzhobah I yüshang de mushuchoh.” Jethronü mulongde api ki tha, “Tsüde yüang.”

JEREMIA 23:2

Jumonü Atungpuh Israel Thrünpuhnü, I mihtsürü kümrü yakzanshuhrübo dünkheak ha thachoh: Nüsanü I mihtsürübo müküm; nüsanü arübo yanmüzüt tüsho yana tsoshihdo. Jumonü nüsa rhimo amütsü thsungkheak inü nüsa thsümüchibah. Atungpuhnü thachoh.

MATHI 25:36

I bünkeang lakheah tüsho nüsanü I phuyujih; I tukthsüde lakheah tüsho nüsanü I mütrü; I rihyam ching lakheah tüsho nüsanü I rhuakheah.’

MATHI 25:43

I hanrü lakheah tüshe nüsanü mübeyuk, bünkeang lakheah tüshe nüsanü I muphuyujih, tukthsüde tüsho rihyam ching lakheah tüshe nüsanü rhuamükheah.’

YUNIRÜBO RHIMO 13:12

Judüki kovünornü adünjikhi ngübah kin, tümüde Atungpuh dünkheak thsangyukhi apinü müyinsah.

YUNIRÜBO RHIMO 13:4

Junangde Amüsüh Menü thiyide, arünü Seleukia lim yüki; tüsho ju chingnü Saipra lim yü.

YUNIRÜBO RHIMO 13:51

Tüshe anenü arü azhihde ane jing kheak yo asungthulung adankhia bah, tüsho Ikonium ching yü.

YUNIRÜBO RHIMO 14:1

Kheakü Ikonium ching püpüki nangde Paul tüsho Barnaba Jihudarü sinagog ching yüzah, tüsho thsangyuthsangrabah Jihudarü le Greekrü ahihkhühnü kin.

YUNIRÜBO RHIMO 14:21

Küyimki anenü ju kiuto ching thiyusheak-atsü thsangyuthsangrakheanü jingyanrü ahihdo kamshih tüsho Lystra le Ikonium tüsho Antiok lim yülo.

YUNIRÜBO RHIMO 14:6

anenü ju mükheahbah Lykaonia kiutobo Lystra le Derbe, tüsho mühi lomi ching tsoabah;

YUNIRÜBO RHIMO 7:23

“Küyimki api kam 40 azorü lakhea, akeoniorü Israel tsührübo rhuakheahpü mulong ching arü.

ROMRÜ KILIM PAULNÜ ATHRÜTKHI KIHÜM HUHTANYU 1:11

Tümüde nüsa düküngshihpü thsüde me thsambah jihpü inü nüsa shorupü mulong duklah,

2 KORINT 11:28

Püpürübo lung khiode, inü borübo alala thsungkheak lümrhihkhinü mulong kimikhi nimung aban dünji.

FILIPI 1:27

Nüsa rhangdung yakli ju lang Khrista thiyusheak-atsü thülünde laang, junangde I arübah nüsa shoruru she yungsho mülalashe, thiyusheak-atsü akin thsungkheak lümkhi khülang thsübah thripkhüh thripkhüh mürangde me khülang ching nüsa düküngde azhipkhi inü asobah.

1 TESALONIKA 3:6

Tüshe kheakü nüsa kilimnü nüsa akin tüsho amuzho yusheak atsü lubah Timothi isa kilim arü tüsho kamruhroro nüsanü isa muzhode lümkhitchoh tüsho isanü nüsa shorupü mulong dukkhi nangde isa shorupü künlah de thiyusheak jihdo.

2 TIMOTHI 1:4

Inü nü chikebo lümkhitchoki nü shorupü künde kamchoh, junangde I asühkhinü mide akambah.