YUNIRÜBO RHIMO 15:3 - AMÜSÜH HÜM CL Bible (BSI)

³ Jumonü borünü ane limro ching yüshihkhi nangde khiungkerü mulong müthrikhi thiyusheak jihde Phoenikia tüsho Samaria hode yü, tüsho ha yusheaknü keoniorü alala khide asühshih.

YUNIRÜBO RHIMO 15:3 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 15:32

Isanü asühachihpü tüsho asühpü alungki lah, tümüde nü niurü shea lakheah tüshe kheakü arhang lah, tüsho dükheaka lakheah tüshe ngüdo.’ ”

YUNIRÜBO RHIMO 1:15

Nimung anükhüh dunglim akinrübo 120 bande küdang la, tüsho Peternü thiyu thapü wusu,

YUNIRÜBO RHIMO 13:48

Tüsho küyimki khiungkerünü ha sokhea, arübo asüh tüsho Thrünpuh yu müretah; tüsho lün rhangdung thsungkheak mokhitrü alalanü kin.

YUNIRÜBO RHIMO 13:52

Tüsho akinrübo ju asühachihkhi tüsho Amüsüh Menü mide alakheah.

YUNIRÜBO RHIMO 14:27

Küyimki arübo akhiungkhea, arünü borü rukhüh bemukhung tüsho Thrünpuhnü arü ki rhimokhi tüsho apinü khiungkerü kilim akin ripit khimshuhkhi alala kheana huh.

YUNIRÜBO RHIMO 15:1

Tüshe mihtsürü khürü Judea chingnü akibah keoniorübo ki, “Mosa yakzan yande nüsa tsütamübahsho, nüsa mükhümkhitkhuk,” de thsangyude alakheah.

YUNIRÜBO RHIMO 15:12

Tüsho amukhungrü alalanü zhikde la, tüsho Thrünpuhnü ane hode khiungkerü ki amüyinsahbe le khinthiyinbebo rhimokhi thiyusheak jihchoki arünü Barnaba tüsho Paul ki ani.

YUNIRÜBO RHIMO 15:22

Judüki amüsüh-thsangyurübo tüsho azothsürübonü borü alala bede arü mihtsürü khürü Paul le Barnaba lung Antiok ching yüpü pungkhi. Arünü mihtsürü mahne keoniorü bolung limberübo lakhi Barsaba de ajikhi Juda tüsho Sila mokhit.

YUNIRÜBO RHIMO 15:32

Juda tüsho Sila, wukihrübo a le thiyu ahihdonü keoniorübo tuthsukde düküngshih.

YUNIRÜBO RHIMO 15:4

Küyimki ane Jirusalem ching arükhea, borü tüsho amüsühthsangyurü le azothsürübonü ane leangkhi, tüsho Thrünpuhnü arü kheak rhimokhi alala thaa huh.

YUNIRÜBO RHIMO 17:15

Bea-dükherünü Paul ju Athen khiungde bedarü; tüsho Sila le Timothi büne nahde api lung arang dükhi Paul kilimnü thiyusheak lubah chamachih.

YUNIRÜBO RHIMO 20:38

Arünü api miro müngülo de athakhi hode arü khide mulong thsümünim. Tüsho arünü api sangkung ching bedarü.

YUNIRÜBO RHIMO 21:5

Küyimki ju ching isa nimungbo bankheanü isanü chamachihbah yü; arü niuberü tüsho tsührübo alalanü kiuto aleanglim khiungde bea dükhe. Isanü kemungyean kheak khukningbah tamkhüntamnü tüsho chode thaachih.

YUNIRÜBO RHIMO 28:15

Ju ching akinrübonü isa arükhi sobah Appia Yinzüyindopung tüsho Hanyam Mahsam khiungde isa shorupü arü. Arü ngübah Paulnü Thrünpuh ki makshe jih tüsho mulong toa lu.

YUNIRÜBO RHIMO 8:14

Küyimki Samaria mihtsürübonü Thrünpuh yu leangkhido de Jirusalem ching amüsüh-thsangyurübonü asokhea, arünü Peter tüsho Johan arü kilim yüshih.

ROMRÜ KILIM PAULNÜ ATHRÜTKHI KIHÜM HUHTANYU 15:24

I Spain lim yüchoki inü nüsa shorupü lümlah. Tsahhode alachoki inü nüsa shorupü mulonglam lah tüsho I nüsa lung anükhüh kheak bin dunglim I hantsah ching nüsa arung ngübah.

1 KORINT 16:11

Shenü she api mükhemükim düthsü. Api I kilim alode arüpü thsüde mungtsü chingnü alimro ching yüshang. Keoniorübo lungnü arüpü inü mükkin thsülah.

1 KORINT 16:6

Khükia I nüsa lung anükhühkheak mungpü labah, yungsho tsüngkam she amungbah, junangde I kürü ching yübanü I hantsah ching nüsanü arungbah.

2 KORINT 1:16

I Macedonia lim yüchoki inü nüsa rhuakheahnelah, tüsho Macedonia ching nüsa kilim alode arübah nüsanü rungde Judea lim yübah.

TITA 3:13

Mahkhaprü Zena tüsho Apollo büne hantsahchoki nünü akukthürün rungang tüsho ane yihnüpü lakhi lüpdükhi kheahjang.