YUNIRÜBO RHIMO 14:3 - AMÜSÜH HÜM CL Bible (BSI)

³ Jumonü ane ki amüyinsahbe tüsho khinthiyinbe rhimopü amüthsüm yusheak adüngakhi jihbuh Atungpuh thsungkheak anenü mulong tode thade kim ashang la.

YUNIRÜBO RHIMO 14:3 Iomraidhean Croise

MARK 16:20

Arünü yü tüsho Atungpuhnü arü lung rhimode tüsho khinthiyinbebo bede arü yu mütsanmükhi jihde lüpdükhi ching thsangyuthsangra.

JOHAN 4:48

Judüki Jisunü api ki tha, “Nüsabonü amüyinsahbebo tüsho khinthiyinbebo müngüyikia küdüküdü she akinpü yung.”

YUNIRÜBO RHIMO 13:46

Tüsho Paul le Barnaba anenü mulong tode tha, “Isanü nüsa ki akhuhde Thrünpuh yu thapü yihnüpü lakheah. Tüshe nüsanü ju bahyuk tüsho nüsa küdah thsüde lün rhangdung müthülünkhi khea lu, kheakü isanü khiungkerü kilim rholochoh.

YUNIRÜBO RHIMO 2:22

“Israel mihtsürübo, harü yubo aniang: Nazarethrü Jisu ju khinthiyinbebo, amüyinsahbebo tüsho amütsanbo hode Thrünpuhnü nüsa kilim jih, ju nüsa küdah thsüde mükheahlah.

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 20:32

Kheakü inü nüsa zokihshihpü tüsho tsangkhita larü alala bolung yamrüplurüp lupü api amüthsüm kilim shuhmülanga jihchoh.

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.

YUNIRÜBO RHIMO 5:32

Tüsho harü thsungkheak api thiyumütsanbo isa lah, tüsho api ki mihyuanirü kilim Thrünpuhnü ajihkhi Amüsüh Me she lah.”

ROMRÜ KILIM PAULNÜ ATHRÜTKHI KIHÜM HUHTANYU 1:16

Tümütüsho inü thiyusheakatsü dünkheak machih: ha akin larü aban kilim akhuhde Jihudarü tüsho Greekrü kilim akhümkhit thsungkheak Thrünpuh wu lah.

1 TESALONIKA 2:2

tüshe isa Filipi ching küpkhukde achih ngüa lalashe, azhihkhi ato mikhuh ching Thrünpuh thiyusheak-atsü nüsa ki khipkhitpü isa Thrünpuh kheak isa mulong tode alakheah de nüsanü mükheahlah.

IBRI 2:4

Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.