YUNIRÜBO RHIMO 14:26 - AMÜSÜH HÜM CL Bible (BSI)

²⁶ Attalia chingnü kheakü arünü bana lakhi Thrünpuh amüthsüm rhimo ching arünü shuhmülanga jihpung Antiok ching yülo.

YUNIRÜBO RHIMO 14:26 Iomraidhean Croise

YUNIRÜBO RHIMO 11:19

Kheakü Stephen laksahkhinü thsümüchi lakhi hode amüzütrübonü Phoenikia, Saipra tüsho Antiok khiungde Jihudarü ki lang thiyusheak thade yü.

YUNIRÜBO RHIMO 11:20

Tüshe arü khürü, Saipra tüsho Serene mihtsürü Antiok ching arünü Atungpuh Jisu dünkheak Greekrü ki she thsangyuthsangra.

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

YUNIRÜBO RHIMO 11:26

tüsho küyimki apinü anihbuh ngükhea, apinü Antiok lim bebah arü. Arünü kam khülang amuyung borü shoru, tüsho mihtsürü boto ato thsangyu; tüsho Antiok ching akinrübo ju akhuhbe thsüde Khristanrü de ajikheah.

YUNIRÜBO RHIMO 11:27

Ju kim ching wukihrübo Jirusalem chingnü Antiok ching aki.

YUNIRÜBO RHIMO 14:19

Tüshe Jihudarübo Antiok tüsho Ikonium chingnü ju ching arü; tüsho mihtsürübo münita lubah Paul ju ashepü thsüde lungnü kingbah kiuto chingnü yankhita bah.

YUNIRÜBO RHIMO 14:21

Küyimki anenü ju kiuto ching thiyusheak-atsü thsangyuthsangrakheanü jingyanrü ahihdo kamshih tüsho Lystra le Ikonium tüsho Antiok lim yülo.

YUNIRÜBO RHIMO 14:23

Tüsho küyimki arünü borü aban ching azothsürübo tamkhüntamnüde tüsho khümkeak thsüde amokhitkhea, arünü kinde alakhi Atungpuh kilim arübo shuhmülanga jih.

YUNIRÜBO RHIMO 15:22

Judüki amüsüh-thsangyurübo tüsho azothsürübonü borü alala bede arü mihtsürü khürü Paul le Barnaba lung Antiok ching yüpü pungkhi. Arünü mihtsürü mahne keoniorü bolung limberübo lakhi Barsaba de ajikhi Juda tüsho Sila mokhit.

YUNIRÜBO RHIMO 15:30

Jumonü küyimki ane ayüshihkheanü Antiok ching yüki; tüsho boto rukhüh bemukhungbah anenü kihüm ju jih.

YUNIRÜBO RHIMO 15:40

tüshe Paul a keoniorübonü Atungpuh amüthsüm lim tsülah dükhi yande Sila bea lubah chamachih.

YUNIRÜBO RHIMO 20:32

Kheakü inü nüsa zokihshihpü tüsho tsangkhita larü alala bolung yamrüplurüp lupü api amüthsüm kilim shuhmülanga jihchoh.

ROMRÜ KILIM PAULNÜ ATHRÜTKHI KIHÜM HUHTANYU 15:19

Me wu hode amüyinsahbe tüsho khinthiyinbe wunü, junangde Jirusalem chingnü mükamde yünü Illyrikum khiungde Khrista thiyusheak-atsü khiukde zhiyukdo.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

GALATIA 2:11

Küyimki Peter ju Antiok ching arükhea, inü api mikinü azhih, tümütüsho api ju mütsande amülim lakheah.

KOLOSI 1:25

Tüsho nüsa tsüpü thsungkheak ha rhimo I kilim jihbuh Thrünpuhnü I borü tankihrü kamshih. Ha suhdahde api yusheak zhiyukpü rhimo,

KOLOSI 1:28

Isanü mihtsürü aban Khrista ching khiukdahkhi kamshihpü mihtsürü aban lümlung alala ching dande thsangyuchoh.

KOLOSI 4:17

Tüsho Arkeppa ki thaang, “Atungpuh tankihpü ching nü kilim jihkhi rhimo akuk ngüpü thsang.”

2 TIMOTHI 4:2

Thiyu thsangyuthsangraang, akheahmünchi yungsho püpü kim ching niokheamang, münityukang, thürühang, tuthsukang, arümkheamang tüsho thsangyuang.