YUNIRÜBO RHIMO 14:22 - AMÜSÜH HÜM CL Bible (BSI)

²² Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

YUNIRÜBO RHIMO 14:22 Iomraidhean Croise

ISAIA 35:3

Khah sühmüh mülarü reangzahshang tüsho mukhuk niknikrü düküngshang.

MATHI 10:38

Tüsho shepünü nihbuh sangkim hanbah I dunglim müyannü I jingyanrü thsüpü müthülün.

MATHI 16:24

Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang.

MATHI 19:24

Kheaküshe inü nüsa ki thachoh, alarü mihtsürü khülangnü Thrünpuh kiulongthsü ching yüzahpü kheaknü a kemelnü dübean-ku chingnü chinkhitde ahokhi athülihbe ah.”

MARK 10:30

arübo thüyam, khiungmungrü, chiniurü, berü, tsührübo, tüsho alobo thsümüchi lade, ha lün tüsho arüpü lakhi, akheam müla rhangdung ching chinü alü thsükhi müleangkhi.

MARK 9:47

Tüsho nü müknü neak yihbeakshihsho, ju khünkhita bahang. Mük mahne kihbah athsümüchi motru ching jipyukpü dün a, mük khülang kihbah Thrünpuh kiulongthsü ching yüzahkhi atsübe–

LUKNÜ ATHRÜTKHI THIYUSHEAK-ATSÜ HUHTANYU 24:26

Khristanü harü thsünübah api müretahkhi ching müyüzahbea de?”

JOHAN 15:18

“Alominü nüsa thraneansho, nüsa müthraneanyide I thraneando de nüsanü mükheahang.

JOHAN 15:20

Inü nüsa ki, ‘Yamlarü khülang ju nihbuh putungrü kheaknü atobe yung,’ de athakhi lümkhitang. Arünü I thsümüchisho, nüsa she athsümüchibah. Arünü I yubo zosho, nüsa ki she anibah.

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

JOHAN 3:5

Jisunü alo, “Khide tsükjide inü nü ki thachoh, shepü ke tüsho me ching müzübephulobanü apinü Thrünpuh kiulongthsü ching müyüzahkhuk.

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

YUNIRÜBO RHIMO 11:26

tüsho küyimki apinü anihbuh ngükhea, apinü Antiok lim bebah arü. Arünü kam khülang amuyung borü shoru, tüsho mihtsürü boto ato thsangyu; tüsho Antiok ching akinrübo ju akhuhbe thsüde Khristanrü de ajikheah.

YUNIRÜBO RHIMO 11:29

Tüsho mihbüm aban nihbuhnü akukkhi thülün Judea ching lakhi keoniorübo rungpü yüshihpü jingyanrübonü pungkhi;

YUNIRÜBO RHIMO 13:43

Tüsho sinagog chingnü müzüt dunglim, Thrünpuh amüthsüm ching mutuklode alapü anenü atharü Jihudarü le khiungkerü, Jihudarü kingaün ching mulong müthria larü ahihdonü Paul tüsho Barnaba büne dunglim yan.

YUNIRÜBO RHIMO 14:20

Tüshe küyimki akinrübo api mükamde amukhungkhea, apinü asürübah kiuto ching yüzah; tüsho ashidopü apinü Barnaba lungnü Derbe lim yü.

YUNIRÜBO RHIMO 14:28

Tüsho anenü ju ching akinrü bolung aruhkhüh mung.

YUNIRÜBO RHIMO 15:32

Juda tüsho Sila, wukihrübo a le thiyu ahihdonü keoniorübo tuthsukde düküngshih.

YUNIRÜBO RHIMO 15:41

Tüsho apinü borübo reangzahshihde Siria tüsho Kilikia hode yü.

YUNIRÜBO RHIMO 18:23

Apinü ju ching anükhüh kheak bin tüsho Galatia tüsho Phrygia lomi dangpung khülang chingnü püpü ching yüde akinrü alala düküngshih.

YUNIRÜBO RHIMO 6:7

Junangde Thrünpuh yu bude yü; Jirusalem ching akinrübo khide hihde kam, tüsho amükeamrü ahihkhühnü akin leangkhi.

YUNIRÜBO RHIMO 9:16

tümütüsho I mung dünkheaknü küdükhüh thsünübeanü inü api ki huhbah.”

ROMRÜ KILIM PAULNÜ ATHRÜTKHI KIHÜM HUHTANYU 8:17

tüsho isa ju tsührübo a sho, yamrüplurüp lurü ah–api müretahkhi ching isanü shihcham lupü thsüde isanü api thsünükhi shihcham lusho, Thrünpuh yamrüplurüp lurü tüsho Khrista lung rukhüh yamrüplurüp lurü thsübah.

1 KORINT 1:8

apinü akheam khiungde nüsa kümbah, junangde isa Atungpuh Jisu Khrista nimung ching nüsa amülim mülade alabah.

FILIPI 1:29

Tümüde Khrista thsung thsüde api kheak kinpü lang nüsa ki mülüjihkhi yung, tüshe api dünkheak thsünüpü she ah,

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

1 TESALONIKA 3:13

junangde isa Atungpuh Jisu lung api yo amüsührü alala arüchoki, isa Abuh Thrünpuh miki, amüsüh ching areak mülapü thsüde apinü nüsa mulong düküngshihbah.

2 TIMOTHI 1:8

Isa Atungpuh, yungsho api yo aramrü I dünkheak thiyumütsan thsüpü dachih, tüshe Thrünpuh wu ching thiyusheak-atsü thsungkheak thsünüpü ching shihcham luang,

2 TIMOTHI 3:12

Atsütsü, Jisu Khrista ching kinde alapü künkhi rhangdung alala athsümüchibah;

1 PETER 2:21

Tümüde nüsa ha ching jikheah, tümütüsho nüsanü api jingshu ching yanpü amütsan zojihde Khrista she nüsa dünkheaknü thsünü.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

1 PETER 5:9

Nüsa akin ching düküngang tüsho api yanloang, tümütüsho alomi ching nüsa keoniorübo rukhüh thsünü dünjichoh de nüsanü mükheahlah.

2 PETER 1:11

Junangde isa Atungpuh tüsho akhümkhitrü Jisu Khrista kiulongthsü ching yüzahpü nüsa thsungkheak suhdahde ajihbah.

JUDNÜ ATHRÜTKHI KIHÜM HUHTANYU 1:3

Amuzho müyamrübo, isa rukhüh akhümkhit dünkheak nüsa kilim thrütpü khide mulungkhinü, khülangkinü lang amüsührü kilim jihkhi akin dünkheak shochihpü tuthsukde nüsa kilim thrütpü yihnüpü lakheah.

AMIKHEAKAKHIUKKHI 1:9

I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah.

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.