YUNIRÜBO RHIMO 14:15 - AMÜSÜH HÜM CL Bible (BSI)

¹⁵ “Mihtsürübo, tümüde nüsanü ha rhimocho? Isa she nüsa ruk mihtsürü ah, tüsho nüsanü harü akeangkeang chingnü rholobah thüning le alomi tüsho boto le ju ching lakhi alala thrünrü arhang Thrünpuh kilim yüshihpü thiyusheak atsü hande arükheah.

YUNIRÜBO RHIMO 14:15 Iomraidhean Croise

THRÜNTAN 1:1

Atankih ching Thrünpuhnü thüningbo tüsho alomi thrün.

THRÜNTAN 41:16

Jumonü Josepnü Pharao ki alo, “Ju I kheak yung; Pharaonü alunekhi Thrünpuhnü alojihbah.”

1 KIULONG THSÜRÜ 16:13

tümütüsho Baasha neakbo tüsho api tsührü Ela neakbo, arünü ayihbeakkhi tüsho arü sangthsübo kheak Atungpuh Israel Thrünpuh bukakhiukshihde, arünü Israel neak yihbeakshihkhi alala dünkheak lakheah.

1 KIULONG THSÜRÜ 16:26

Tümüde apinü Nebat tsührü Jeroboam limro ching tüsho apinü arü sangthsübo kheak Israel Thrünpuh, Atungpuh bukakhiukshihde, Israel neak yihbeakshihkhi ching tsah.

2 KIULONG THSÜRÜ 19:16

O Atungpuh , nü nükhün muphoang, tüsho soang; O Atungpuh , nü mükbo khimshuhang, tüsho kheahang; arhang Thrünpuh keangrüpü arüshihkhi Sennakerib yubo soang.

2 KIULONG THSÜRÜ 19:4

Khükia api putungrü Asiria kiulongthsüpuhnü arhang Thrünpuh münejihshihpü thiyikhi limthobuh yubo Atungpuh nü Thrünpuhnü asobah, tüsho Atungpuh nü Thrünpuhnü asokhi yu dünkheak api thürühbah; jumonü aninga lakhi thsungkheak nünü tamkhüntamnüjang.”

MUNGSHIKHÜN 115:15

Yinmi tüsho alomi thrünrü, Atungpuhnü nüsa müngühshang.

MUNGSHIKHÜN 124:8

Isa arung ju thüning tüsho alomi thrünrü Atungpuh mung ching lah.

MUNGSHIKHÜN 31:6

Arükchih thrünpuhbo kingaünrü nünü thraneanchoh; tüshe inü Atungpuh kheak kinchoh.

MUNGSHIKHÜN 33:6

Atungpuh yu hode thüningbo, tüsho api mün sheak hode ani, khinu tüsho chiningbo thrün.

ABEKHIT 20:11

Tümütüsho Atungpuhnü nimung thuruk chingnü thüningbo tüsho alomi, keto tüsho ju ching lakhi alala thrün, tüsho thüne nipü sühakhim. Jumonü Atungpuhnü amunimung müngühjih tüsho müsühkhit.

ISAIA 45:18

Tümüde Atungpuhnü ha thachoh, shepünü thüningbo thrünkhea, api Thrünpuh ah; shepünü alomi kamshihkhea tüsho athsükhea, apinü thrünkihdo; apinü akeangkeang zopü müthrün, apinü alashihpü kamshih: I Atungpuh tüsho püpürü müla.

ISAIA 45:20

Nüsa shomukhungang tüsho rukhüh arang, phünide arang, nüsa trükshih chingnü tsokhita larübo! Arübo mükheahmudu müla– sherünü arü sangthsübo hancho, tüsho mükhümkhitkhukbe thrünpuh ki tamkhüntamnücho.

ISAIA 46:7

Arünü ju dubuh kheak shuhkih-a hanchoh, arünü azopung ching zochoh, tüsho ju ching zhipchoh; ha ju chingnü matrütkhuk. Khürünü ju ki zhisho, malojih yungsho sheshe küpkhuk chingnü mükhümkhit.

JEREMIA 10:8

Arü chido keakeashahshah-a tüsho makhaa lah; mümokhi sangthsübo kheaknü arünü tümü anikhitpü?

JEREMIA 14:22

Sangthsübo khürünü tsüng arüshihkhukba de? Yungsho thüningbonü wungpütsüng akishihkhukba de? O Atungpuh isa Thrünpuh, ha nü yung de? Isanü nü kheak isa mulonglam zojihchoh, tümüde ha alala nünü rhimochoh.

JEREMIA 32:17

Ah, Atungpuh T H RÜ NPU H ! Nünü nü wu ato tüsho nü khah chungkhitkhinü thüningbo tüsho alomi thrün! Nü thsungkheak tümü she achak müla.

JEREMIA 51:15

Api wunü alomi thrün, api lümlungnü alomi lashih, tüsho api anikhitkhinü thüningbo thoshang.

JEREMIA 8:19

Aniang, limshu tüsho amülih lomi ching amuzhobe mihtsürünü azhikhi: “Atungpuh Zion ching müla de? Anihbe kiulongthsüpuh kheaküa ju ching müla de?” (“Tümüde arünü arü sangthsübo, arü khiungkerü sangthsübo kheak I bukakhiukshihkhea?”)

DANIEL 6:26

I kiulongthsü ching mihtsürü alalanü Daniel Thrünpuh miki ajanbeah tüsho atrebeah de inü thiyuzüng khülang thsüchoh: Tümüde api arhang Thrünpuh ah, lünnü lah. Api kiulongthsü küyimkishe müthsümünim, tüsho api yakzan shuhkhi akheam müla.

AMOS 2:4

Atungpuhnü ha thachoh: Judanü alochode neak yihbeakkhi dünkheak, inü thsümüchi mululo; tümütüsho arünü Atungpuh yakzan bahyuk, tüsho api yukhüm muzo.

JONA 2:8

Sherünü akeangkeang sangthsübo kingaünchonü nü ki arü thiyuro bahyukdo.

ZEKARIA 12:1

Müchityu khülang. Israel dünkheak Atungpuh yu: Atungpuhnü ha thachoh, shepünü thüningbo thoshang tüsho alomi khimtan tüsho ju ching mihtsürü kheak me lashih:

MATHI 16:16

Simon Peternü alo, “Nü a arhang Thrünpuh tsührü Khrista ah.”

JOHAN 5:26

Tümüde Abuh ju anihbuh kheak rhangdung lakhi nangde, api kheak rhangdung lapü atsührü ki mülüjihdo,

JOHAN 7:18

Shepünü nihbuh kilimnü asukchonü nihbuh müretah yimchoh; tüshe shepünü I thiyibuh müretah yimchonü thiyuro, tüsho thiyuro mulungkikhi tümü müla.

YUNIRÜBO RHIMO 10:26

Tüshe Peternü api thomusude tha, “Zhipang; I she mihtsürü lang ah.”

YUNIRÜBO RHIMO 13:32

Tüsho Thrünpuhnü jipürü ki alokhikhi thiyusheak atsü isanü nüsa kilim hande arüchoh,

YUNIRÜBO RHIMO 14:21

Küyimki anenü ju kiuto ching thiyusheak-atsü thsangyuthsangrakheanü jingyanrü ahihdo kamshih tüsho Lystra le Ikonium tüsho Antiok lim yülo.

YUNIRÜBO RHIMO 14:7

tüsho anenü ju ching thiyusheak-atsü thsangyuthsangra.

YUNIRÜBO RHIMO 16:30

tüsho ane bekhitbah tha, “Atorübo, akhümkhitpü thsüde inü tümü rhimoba?”

YUNIRÜBO RHIMO 27:10

“Atorübo, isa hantsahkhi thsümütsü labah tüsho sangkung, kukrukbo tüsho isa rhangdungbo kukshah thsüpü lakhi inü ngüchoh.”

YUNIRÜBO RHIMO 27:21

Mihtsürübo jim müngüde aruhkhüh lashu, Paulnü arü bolung mikhuh arübah tha, “Mihtsürübo, nüsanü I yu anide Krete chingnü mütsahmusupü lado; junangde isanü ha athsümünim tüsho kukshah tsokhipü lakheah.

YUNIRÜBO RHIMO 27:25

Jumonü mulong toang, mihtsürübo, tümüde inü athakhi nangde adünjipü Thrünpuh kheak I akin lah.

YUNIRÜBO RHIMO 4:24

Küyimki arünü ju sokhea, arünü rukhüh thsübah Thrünpuh ki zhi: “Atungpuh, nü a thüning le alomi, keto, tüsho ju ching alala thrünkhi Thrünpuh ah.

YUNIRÜBO RHIMO 7:26

Ashidopü Israelrü mahne rukachihde Mosanü ngübah ane dükeak mungtsü thsüde tha, ‘Mihtsürübo, nüke keoniorü ah; tümüde nükenü yuriachihcho le?’

1 KORINT 8:4

Junangde sangthsübo ki kingaünkhi tsühyungbe tsühkhi ju, sangthsü khülang ju atsütsü rhangdung müla de isanü mükheahlah, tüsho Thrünpuh khülang lang lah.

EFISIA 4:17

Kheaküa khiungkerü amüthülünkhi lümkhi nangde nüsa düla de inü Atungpuh mung chingnü mütsande thachoh;

YUZÜNGTHALO 32:21

Arünü arü thrünpuh kheak I bukakhiukshih, tüsho arü sangthsü kheak I bukakhiukshih. Jumonü inü arü mihtsürü yungde püpü kheak bukakhiukshihbah; inü arü abünrü trük kheak mükthsüshihbah.

YUZÜNGTHALO 5:26

Tümüde isa lakhi nangde, mo phulungnü arhang Thrünpuh düsheak sokhi mihtsürü shepü la?

1 TESALONIKA 1:9

Künangde nüsanü isa leangkhikheanü, tüsho sangthsübo kilimnü arhang tüsho thiyuro Thrünpuh tankihpü rholokhi,

1 TIMOTHI 3:15

I ashua lasho, thiyuro dungjing tüsho aduhlobe, Thrünpuh borü, Thrünpuh yamkhün ching nüsanü künangde yakli labeanü amükheahbah.

IBRI 3:12

Keoniorübo, kümkangang, jude yungsho nüsa bolung mükinkhi mulong khürünü nüsa arhang Thrünpuh kheaknü bekhide atsobah.

JAKOB 5:17

Elija ju isa nangde mihtsürü lakheah tüsho tsüng marüshihpü apinü shuhmülanga jihde tamkhüntamnü, tüsho kam mahsam kheak khinu thuruk alomi ching tsüng marü.

JIHUSUA 3:10

Jihusuanü tha, Hade athsükhinü nüsanü rhangdung Thrünpuh nüsa lung lah de amükheahbah, apinü nüsa müngühnü Kananrü, Hitrü, Hivrü, Perizrü, Girgashrü, Amorrü tüsho Jebusrü mülakphahde ayankhitbah.

AMIKHEAKAKHIUKKHI 14:7

tüsho apinü düsheak achangnü tha, “Thrünpuh treang tüsho api müretahang, tümüde api mahkhappü kim arüdo; tüsho shepünü thüning, alomi, keto tüsho kenübo thrünkheanü api kingaünang.”

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.

AMIKHEAKAKHIUKKHI 19:19

Tüsho khora kheak binbuh le api bonungrü bede thirithsüpü shiwüh tüsho alomi kiulongthsürübo arü bonungrü bede amukhungkhi inü ngü.

AMIKHEAKAKHIUKKHI 22:9

tüshe apinü I ki tha, “Nünü jude düthsü! I a nü le nü keoniorü wukihrübo, tüsho ha hüm yubo zorü lung rukhüh tankihrü ah. Thrünpuh kingaünang.”

AMIKHEAKAKHIUKKHI 4:11

“Isa Atungpuh tüsho Thrünpuh, müretah, wüntre tüsho wu leangkhipü nü athülün ah, tümüde nünü alala thrün, tüsho nü lümkhinü arü thrün tüsho rhangdung lah.”

1 SAMUEL 12:21

tüsho alü mülabe yungsho mükhümkhitbe akeangkeang kukruk lim danguh, tümüde jurübo akeangkeang ah.

1 SAMUEL 17:26

Davidnü api ki zhiprü mihtsürübo ki tha, “ Mihtsürü khürünü ha Filistiabuh laksahkhi hode Israel chingnü mulong masühkhi hanbah tsosho api tümü ngüba? Tümüde ha tsütamübahkhi Filistiabuhnü arhang Thrünpuh bonungrü azhihpü api she a?”

1 SAMUEL 17:36

Nü yamlarünü kekhüzü tüsho kuto ane chido laksahdo; tüsho ha tsütamübahkhi Filistiabuh she arü ruk labah, tümütüsho apinü arhang Thrünpuh ki wüntre müjih.”