YUNIRÜBO RHIMO 14:1 - AMÜSÜH HÜM CL Bible (BSI)

¹ Kheakü Ikonium ching püpüki nangde Paul tüsho Barnaba Jihudarü sinagog ching yüzah, tüsho thsangyuthsangrabah Jihudarü le Greekrü ahihkhühnü kin.

YUNIRÜBO RHIMO 14:1 Iomraidhean Croise

MARK 7:26

Alibe ju Greekrü, Siria ching, Phoenikia chingnü asürükhi lakheah, tüsho alibenü atsührübe kheaknü amünean me yankhitshihpü mushu.

JOHAN 12:20

Kheakü thünio ching kingaünpü aturü bolung Greekrü khürü lakheah.

JOHAN 7:35

Judüki Jihudarübonü arü bolung thaachih, “Api küching yüpü lümkhi isanü api müngüpü? Api ju isa mihtsürü lapung Greekrü lung yübah Greek thsangyupü lümla shi?

YUNIRÜBO RHIMO 11:21

Atungpuh wu arü kheak lakheah, tüsho akinrü ahihkhüh Atungpuh kilim rholo.

YUNIRÜBO RHIMO 13:43

Tüsho sinagog chingnü müzüt dunglim, Thrünpuh amüthsüm ching mutuklode alapü anenü atharü Jihudarü le khiungkerü, Jihudarü kingaün ching mulong müthria larü ahihdonü Paul tüsho Barnaba büne dunglim yan.

YUNIRÜBO RHIMO 13:46

Tüsho Paul le Barnaba anenü mulong tode tha, “Isanü nüsa ki akhuhde Thrünpuh yu thapü yihnüpü lakheah. Tüshe nüsanü ju bahyuk tüsho nüsa küdah thsüde lün rhangdung müthülünkhi khea lu, kheakü isanü khiungkerü kilim rholochoh.

YUNIRÜBO RHIMO 13:5

Küyimki arübo Salami khiungkhea, arünü Jihudarü sinagogbo ching Thrünpuh yu zhiyuk. Tüsho arü rungpü Johan lakheah.

YUNIRÜBO RHIMO 13:51

Tüshe anenü arü azhihde ane jing kheak yo asungthulung adankhia bah, tüsho Ikonium ching yü.

YUNIRÜBO RHIMO 14:19

Tüshe Jihudarübo Antiok tüsho Ikonium chingnü ju ching arü; tüsho mihtsürübo münita lubah Paul ju ashepü thsüde lungnü kingbah kiuto chingnü yankhita bah.

YUNIRÜBO RHIMO 14:2

Tüshe amükinrü Jihudarünü khiungkerü thurumusu tüsho keoniorübo azhihde arü lümkhi mülapyukjih.

YUNIRÜBO RHIMO 14:21

Küyimki anenü ju kiuto ching thiyusheak-atsü thsangyuthsangrakheanü jingyanrü ahihdo kamshih tüsho Lystra le Ikonium tüsho Antiok lim yülo.

YUNIRÜBO RHIMO 16:1

Paulnü Derbe ching yü tüsho Khristanrü Timothi lapung Lystra ching arü. Abe ju Jihuda liberü akinrü tüsho abuh a Greekrü lakheah.

YUNIRÜBO RHIMO 16:2

Lystra tüsho Ikonium ching keoniorübonü Timothi tsülah de tha.

YUNIRÜBO RHIMO 17:12

Jumonü Greekrü athrürü tüsho aliberü adungtobo ahihkhühnü kin.

YUNIRÜBO RHIMO 17:17

Jumonü apinü sinagog ching Jihudarü le kingaünrübo tüsho nimung aban yinzüyindopung ching larü ki atsangachih.

YUNIRÜBO RHIMO 17:4

Khürü a mulong müthribah Paul le Sila büne lung arih; junangde Thrünpuh kingaünrü Greekrü boto tüsho adungto liberü ahihkhühnü jude rhimo.

YUNIRÜBO RHIMO 18:4

Apinü sinagog ching Amuni aban atsangachih tüsho Jihudarü le Greekrü mushuyukpü mürang.

YUNIRÜBO RHIMO 18:8

Sinagog yakzanshuhrü Krispanü api yamkhün alala bede Atungpuh kheak kin; tüsho Korintrü ahihkhühnü Paul ki anibah kin tüsho bapti.

YUNIRÜBO RHIMO 19:10

Ha kam mahne mutuklode yü, junangde Asia ching larü alala, Jihudarü tüsho Greekrü chidonü Atungpuh yu so.

YUNIRÜBO RHIMO 19:17

Tüsho Efisia ching larü alala, Jihudarü tüsho Greekrü chidonü ha so; tüsho arü alala trede kam; tüsho Atungpuh Jisu mung wüntrede kam.

YUNIRÜBO RHIMO 19:8

Apinü sinagog ching yüzah tüsho Thrünpuh kiulongthsü thsungkheak khinu mahsam mulong tode tüsho kukde atsangachih;

YUNIRÜBO RHIMO 2:47

Thrünpuh shijihde mihtsürü alala ki asühachih. Tüsho Atungpuhnü khümkhita larübo arü wühkhe ching kheyuk.

YUNIRÜBO RHIMO 20:21

mulong müthride Thrünpuh kilim rholopü tüsho isa Atungpuh Jisu kheak akin lashihpü Jihudarü tüsho Greekrü chido ki inü thiyumütsan thsü.

YUNIRÜBO RHIMO 21:28

Arünü zhi, “Israel mihtsürübo, isa rungang! Isa mihtsürü le yakzan tüsho ha dangpung azhihde lüpdükhi ching alala thsangyukhi mihtsürü ha ah; kheaküshe apinü Greekrü ju arüngyam ching bede yüzahbah amüsüh dangpung müneanjih.”

YUNIRÜBO RHIMO 9:20

Tüsho zukleangnü apinü sinagogbo ching Jisu dünkheak zhiyukde tha, “Api ju Thrünpuh tsührü ah.”

ROMRÜ KILIM PAULNÜ ATHRÜTKHI KIHÜM HUHTANYU 1:16

Tümütüsho inü thiyusheakatsü dünkheak machih: ha akin larü aban kilim akhuhde Jihudarü tüsho Greekrü kilim akhümkhit thsungkheak Thrünpuh wu lah.

ROMRÜ KILIM PAULNÜ ATHRÜTKHI KIHÜM HUHTANYU 10:12

Tümüde Jihudarübo le Greekrü dükeak achamnak müla; ju Atungpuh alala Tungpuh tüsho api mung jirü alala kilim api lakhitbo jihchoh.

GALATIA 2:3

Tüshe I lung bekhi Tita she api Greekrü thsüa lalashe tsütabahpü müreangkih.

GALATIA 3:28

Jumonü Jihudarü yungsho Greek, azhorü yungsho zuzu, athrürü yungsho aliberü dükeak tümü büthsüde müla; tümüde nüsa alala Jisu Khrista ching khülang ah.

KOLOSI 3:11

Ha ching Greek tüsho Jehudarü, tsütabahkhi tüsho tsütamübahkhi, yakzan mülakhi mihtsürü, yakli mümükheahrü, azhorü tüsho zuzu de müla, tüshe Khrista ju alala, tüsho alala ching lah.

2 TIMOTHI 3:11

thsümüchikhi, thsünükhi, Antiok le Ikonium tüsho Lystra ching I kheak dünjibah inü arümkheamkhi mükheahdo; tütüshe jurü alala chingnü Atungpuhnü I khümkhit.