YUNIRÜBO RHIMO 13:5 - AMÜSÜH HÜM CL Bible (BSI)

⁵ Küyimki arübo Salami khiungkhea, arünü Jihudarü sinagogbo ching Thrünpuh yu zhiyuk. Tüsho arü rungpü Johan lakheah.

YUNIRÜBO RHIMO 13:5 Iomraidhean Croise

1 KIULONG THSÜRÜ 19:21

Apinü anihbuh yankhi chingnü alode yübah moshipungbo lua laksah; moshipungbo kheak yo sanglungbo lua takbah shih ju khiung, tüsho mihtsürübo kilim kip, tüsho arünü tsüh. Ju dunglim apinü tsahmusubah Elija dunglim yan, tüsho api yamlarü kamabah.

1 KIULONG THSÜRÜ 19:3

Judüki api trede alakheah; apinü asürü tüsho api rhangdung thsungkheak alihde tso, tüsho Juda ching Beersheba lim arü; apinü ayamlarü ju ching zojih.

2 KIULONG THSÜRÜ 3:11

Tüshe Jehoshaphatnü tha, “Atungpuh ki isanü keoakheahpü thsüde ha ching Atungpuh wukihrü müla de?” Judüki Israel kiulongthsüpuh yamlarü khülangnü alo, “Elija khah kheak ke bukkihde alabuh, Shaphat tsührü Elisha ha ching lah.”

ABEKHIT 24:13

Jumonü Mosanü api rungbuh Jihusua bebah tsahmusu tüsho Atungpuh müzüng kheak wutu.

MATHI 20:26

Tütüshe nüsa bolung a jude müthsü; tüshe nüsa bolung shepünü atobe kampü künlanü api ju nüsa yamlarü thsüshang.

YUNIRÜBO RHIMO 12:12

Küyimki api müsükhea, Mark de ajikhi Johan abe Mari yam ching, mihtsürü ahihkhüh mukhunga tamkhüntamnüde alapung yü.

YUNIRÜBO RHIMO 12:25

Tüsho Barnaba le Saul bünenü arü rhimo akuk ngü dunglim, Mark de ajikhi Johan bebah Jirusalem chingnü arülo.

YUNIRÜBO RHIMO 13:14

tüshe arünü Perga chingnü tsahmusubah Pisidia ching lakhi Antiok ching arü. Tüsho arünü Amuni sinagog ching yüzahbah bin.

YUNIRÜBO RHIMO 13:46

Tüsho Paul le Barnaba anenü mulong tode tha, “Isanü nüsa ki akhuhde Thrünpuh yu thapü yihnüpü lakheah. Tüshe nüsanü ju bahyuk tüsho nüsa küdah thsüde lün rhangdung müthülünkhi khea lu, kheakü isanü khiungkerü kilim rholochoh.

YUNIRÜBO RHIMO 14:1

Kheakü Ikonium ching püpüki nangde Paul tüsho Barnaba Jihudarü sinagog ching yüzah, tüsho thsangyuthsangrabah Jihudarü le Greekrü ahihkhühnü kin.

YUNIRÜBO RHIMO 15:37

Tüsho Barnabanü arü lung Mark de ajikhi Johan bepü mulong.

YUNIRÜBO RHIMO 17:17

Jumonü apinü sinagog ching Jihudarü le kingaünrübo tüsho nimung aban yinzüyindopung ching larü ki atsangachih.

YUNIRÜBO RHIMO 18:4

Apinü sinagog ching Amuni aban atsangachih tüsho Jihudarü le Greekrü mushuyukpü mürang.

YUNIRÜBO RHIMO 19:22

Tüsho apinü anihbuh rungrü mahne Timothi le Erasta Macedonia lim yüshihbah api a anükhüh kheak Asia ching la.

YUNIRÜBO RHIMO 19:29

Jumonü kiuto ju ayingyingnü mide kam; tüsho arünü khiunglün-yam ching nanachihde yüzahbah Paul lung tsahkhi Macedoniarü Gaia tüsho Aristarka arü lungnü yankhit.

YUNIRÜBO RHIMO 19:8

Apinü sinagog ching yüzah tüsho Thrünpuh kiulongthsü thsungkheak khinu mahsam mulong tode tüsho kukde atsangachih;

YUNIRÜBO RHIMO 9:20

Tüsho zukleangnü apinü sinagogbo ching Jisu dünkheak zhiyukde tha, “Api ju Thrünpuh tsührü ah.”

KOLOSI 4:10

I lung rihyam ching lakhi Aristarka tüsho Barnaba phüle Marknü nüsa kilim salüm mühahchoh (Mk dünkheak küde arhimobeanü nüsanü thsangdan ludüle, api nüsa kilim arüsho beyukang),

2 TIMOTHI 4:11

Luk lang I lung lah. Nü lung Mark bebah arang; tümüde I rungpü ching api khide yihnüpü lah.