YUNIRÜBO RHIMO 13:48 - AMÜSÜH HÜM CL Bible (BSI)

⁴⁸ Tüsho küyimki khiungkerünü ha sokhea, arübo asüh tüsho Thrünpuh yu müretah; tüsho lün rhangdung thsungkheak mokhitrü alalanü kin.

YUNIRÜBO RHIMO 13:48 Iomraidhean Croise

MUNGSHIKHÜN 138:2

Inü nü amüsüh arüngyam lim kingaünbah, tüsho nü muzho tüsho nü thiyuro dünkheak nü mung shibah; tümüde nünü nü mung alala kurungkheak nü yu thushihdo.

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

MATHI 28:16

Judüki jingyanrü thürükheak khülang ju Jisunü arü ki thiyikhi müzüng lim Galilee ching yü.

LUKNÜ ATHRÜTKHI THIYUSHEAK-ATSÜ HUHTANYU 7:8

Tümütüsho I she I bukkhüp bonungrü zobah, thiyukhüm-sühmüh khüp lakhi mihtsürü khülang ah: inü khülang ki yüang de thasho apinü yüchoh; tüsho püpürü ki arang de thasho apinü arüchoh; tüsho I yamlarü ki ju rhimoang de thasho apinü rhimochoh.”

JOHAN 10:16

Namfimihnubo püpü ha yam ching mülakhi she inü bede arübah, tüsho arünü I düsheak anibah; tüsho arübo namfimihnu boto khülang tüsho namfimihnu neakrü khülang labah.

JOHAN 11:52

tüsho ju trükshih thsungkheak lang yung tüshe Thrünpuh tsührübo hiumüzüta larü khülang kamde bemukhungpü lakheah.

YUNIRÜBO RHIMO 13:12

Judüki kovünornü adünjikhi ngübah kin, tümüde Atungpuh dünkheak thsangyukhi apinü müyinsah.

YUNIRÜBO RHIMO 13:42

Paul le Barnaba ane sinagog chingnü awukhiukchoki, hadürü ju arübe Amuni she arü ki thapü mushu.

YUNIRÜBO RHIMO 15:2

Ha hode Paul le Barnaba bünenü arü ki atsangachihpü kam. Jumonü ha keokhikhi dünkheaknü Jirusalem ching wutubah amüsüh-thsangyurü le azothsürübo shorupü akinrübo püpürü lungnü Paul tüsho Barnaba ane mokhit.

YUNIRÜBO RHIMO 15:31

Tüsho küyimki ju khekhea, atuthsukyu ching arünü asühachih.

YUNIRÜBO RHIMO 2:41

Junangde sherünü api yu leangkhikheanü bapti, tüsho ju nimung mihtsürü 3000 bande kheyuk.

YUNIRÜBO RHIMO 2:47

Thrünpuh shijihde mihtsürü alala ki asühachih. Tüsho Atungpuhnü khümkhita larübo arü wühkhe ching kheyuk.

YUNIRÜBO RHIMO 20:13

Tüshe isanü Paul beyuka lupü thsüde akhuhlimnü sangkung lim yübah Assos lim yüpü tsahmusu; tümüde api a alo kheaknü yüde alakheah.

YUNIRÜBO RHIMO 22:10

Tüsho inü tha, ‘Inü tümü thsüba, Atungpuh?’ Atungpuhnü I ki tha, ‘Asürübah Damaska ching yüzahang, tüsho nünü arhimopü akhua lakhi alala ju chingnü nü ki thabah.’

YUNIRÜBO RHIMO 28:23

Arünü Paul shorupü nimung akhukhit, tüsho ahihkhüh api lapung ching arü. Yapsunü are khiungde apinü Thrünpuh kiulongthsü dünkheak thanakde arü ki zhiyuk tüsho Mosa yakzan le wukihrübo chingnü arü ki Jisu dünkheak thapü mürang.

YUNIRÜBO RHIMO 8:8

Jumonü ju kiuto asühachihkhi ato lakheah.

ROMRÜ KILIM PAULNÜ ATHRÜTKHI KIHÜM HUHTANYU 11:7

Dale tüsho tümü a? Israelnü ayimkhi müngüdebahdo. Amokhitrünü ju ngü, tüshe aningkhi a mulong müküpabah,

ROMRÜ KILIM PAULNÜ ATHRÜTKHI KIHÜM HUHTANYU 13:1

Mihtsürü abannü thiyukhümsühmüh khüp laang. Tümütüsho Thrünpuhnü amülüjihkhi kheak hode thiyukhüm-sühmüh püpü müla, tüsho sherü lanü Thrünpuhnü amokhitkhi lah.

ROMRÜ KILIM PAULNÜ ATHRÜTKHI KIHÜM HUHTANYU 8:28

Api lümkhi yande jia larü, apinü amuzhorü ki lüpdükhi ching Thrünpuhnü atsü thsungkheak rhimochoh de isanü mükheahlah.

1 KORINT 16:15

Keoniorübo, Akaia ching Stephana yamkhün akhuh mulong müthri, tüsho akinrü tankihpü ching arünü shuhmülanga jihdo de nüsanü mükheahlah;

EFISIA 1:11

Lüpdükhi api lümthiyan yande rhimobah, api lümkhi yande akhujungkhinü, isanü api lung yamrüplurüp ngü,

EFISIA 1:19

tüsho tümü ju api wu ato rhimokhi yande akinrü isa kilim makekhukkhi api sühmüh tokhi la,

EFISIA 1:4

Api miki isa amüsüh tüsho areak mükihde alapü alomi khimtan müngühnü apinü isa api lung mokhit.

EFISIA 1:5

Api lümkhi ayannü Jisu Khrista hode isa api tsührü thsüpü lümjung,

2 TESALONIKA 3:1

Akheam ching keoniorübo, isa thsungkheak tamkhüntamnüjang, junangde nüsa lung rhimokhi nangde Atungpuh yu nahnahde abubah tüsho wüntrede akambah,